‘Bono Denda’ kanpaina bueltan da Araban
Aenkomer Arabako Merkataritza eta Zerbitzuetako Enpresariak biltzen dituen elkarteak ‘Bono Denda’ kanpainaren hirugarren edizioa antolatu du. Azaroaren 9tik urtarrilaren 13ra, 50 euroko balioa duten 1.650 bonu eskainiko ditu lurralde horretako 100 denda baino gehiagotan gastatzeko.
Edurne Parro Aenkomer elkarteko zuzendari kudeatzaileak aurkeztu du kanpaina prentsaurreko batean, Cristina Gonzalez Enplegu, Merkataritza eta Turismo Sustapenaren eta Foru Administrazioaren Saileko foru diputatuarekin eta Nerea Melgosa Gasteizko Enpleguaren eta Garapen Ekonomiko Iraunkorraren zinegotziarekin.
Bonuak 40 euro ordainduta lor daitezke eta 50 euroko erosketa egiteko aukera izango du kontsumitzaileak, horrekin 10 euroko etekina lortuz. Gainera, bi bonu batera erabili ahal izango dira erosketa berean, eta atxikita dauden establezimenduen gainerako promozioekin bateragarriak izango dira (beherapenekin, esaterako).
“Helburua dendek eskaintzen dituzten deskontu kanpainak erakargarriagoak egitea da”, adierazi du Parrok. Bestalde, ez du baztertu hurrengo asteetan ekimenari denda gehiago batzea, “zerrenda ez delako itxia”. Askotariko produktuak saltzen dituzten establezimenduek egin dute bat kanpainarekin: janariak, jantziak, oinetakoak, osagarriak, aisialdia eta kultura, kirolak, bitxiak, etxeko gauzak, loreak, botikak eta zerbitzuak.
Gonzalezek, bere aldetik, krisi ekonomikoak eta erosketa ohitura berriek Arabako merkataritza sektorean eragin txarra izan dutela adierazi du, eta “hazkunde motela” hasi dela, baina erakundeek sektore horri laguntzen jarraitu behar dutela eta sentsibilizazio eta promozio kanpaina gehiago egingo dituztela gaineratu du.
Melgosak kanpaina hauen garrantzia azpimarratu du. “Bono Dendaren bidez, tokiko saltokiei eskaintza erakargarriagoa eta lehiakorragoa egiten lagundu nahi diegu. Establezimendu askok bi hilabete hauen beharra dute urte osoko balantzea positiboa izan dadin. Laster, kanpaina garrantzitsuak datoz, Gabonak eta Black Friday izenekoa, eta berriro ere tokiko merkatariek gertuko tratuaren, profesionaltasunaren eta kalitatearen alde egin duten apustua azpimarratu behar da”, gaineratu du.
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.