Gasteizko udaltzainek 20.000 euroko isunak jarri dituzte egunean
Aurrera jarraitzen dute Gasteizko udaltzainek zorroztasun-grebarekin egunean batezbesteko 20.000 euroko isunak jarrita, Antxon Belakortu EH Bilduko zinegotziak asteazken honetan azaldu duenez.
Urriaren 31az geroztik, lan hobekuntzak eskatzeko udaltzain talde batek zorroztasun-greba hasi zuen oinezkoei, txirrindulariei, gidariei eta ostalariei isunak jarrita; lehen ere aintzat hartzen ez zituzten arau-hausteetan edo arau-hausleei ohartarazpen batekin konpontzen ziren horietan.
Ildo horretan, Udalak espediente informatiboa zabaldu die sei agenteri neurrigabe hazi baita horien isun kopurua.
Hori horrela, azaroan bildutako dirua inoiz jasotakoa baino % 60 gehiago izan da, egunean batezbeste 20.000 euro bildu baitituzte isunetan.
Belakorturen hitzetan, lehen hamar hilabeteotan Udalak lau milioi euro bildu ditu, 400.000 euro hilero; azaroan, berriz, 656.000 euro bildu dituzte.
Hala ere, Udaleko iturriek azaldu dutenez, kopuru hori isunen balioari dagokio, baina ez da errealitatean bildu duten kopurua, laster ordaintzeagatik murrizketak izan daitezkeelako, isunen aurkako helegiteak aurkeztu edo tramitazioan etendurak izan daitezkeelako.
Ildo horretan, "zenbait udaltzainen neurrigabeko boterea ikusita, alkatea ez dela besoak uztartutik geldituko" esan du EH Bilduko zinegotziak; eta, hortaz, herritarrak "ordaintzen ari diren arazoari amaiera eman" behar diola gaineratu du.
Albiste gehiago ekonomia
489 zordun handik ia mila milioi euro zor dizkiete Bizkaiko eta Gipuzkoako Foru Ogasunei
Hiru lurraldeetako Foru Aldundiek zordun handien zerrendak argitaratu berri dituzte. Bizkaian, Jabyer Fernandezek sortutako Afer enpresa da zerrendaburu, eta Gipuzkoan, berriz, Juan Miguel eta Jose Ramon Osinalde Echaniz anaiak (40,5 milioi euroko zorra banarekin). Araban, zordun handien kopuruak gora egin du.
Villavesako langileek eutsi egin diote sanferminetan eragina izango duen grebari
Gaur bildu dira TCCko zuzendaritza eta enpresa batzordea, baina ez dira ados jarri, eta batzordeak enpresaren "jarrera immobilista" salatu du.
Akordiorik gabe amaitu da sindikatuen eta Mercedes Vitoriaren arteko kontziliazioa, lanaldiko bederatzigarren orduagatik
UGT sindikatuak aurrera jarraituko du prozesu judizialarekin, eta langileei lan egindako aparteko orduak berreskuratzeko eskubidea aitortzeko eskatu du.
Alokairuen prezioak mugatzeko Gipuzkoako erreferentzia indizea jaso du Etxebizitza Ministerioak
Gipuzkoan, Errenteria, Lasarte-Oria, Zumaia eta Irun daude tentsionatutako eremu gisa aitortuta daude dagoeneko, eta Donostia uztailean gehituko zaio zerrenda horri.
Sindikatuek elkarretaratzea egin dute Eskoriatzan azken lan-istripu hilgarriak salatzeko
LAB, ESK, Steilas, EHNE-Etxalde eta HIRU sindikatuek ahotsa altxatu dute ostiral honetan Eskoriatzan, basogintza sektoreko lan prekaritatearen aurka.
LEAk udazkenean ekingo dio berriro produkzioari Gamarran, aldi baterako poligono batean
Ekoizpena udazkenean hasteak "ondorio positibo argia izango du plantillarentzat", LEAk jakinarazi duenez. Aste honetan, enpresak batzordeari jakinarazi dio aldi baterako lan-erregulazioko espediente bat planteatzeko asmoa duela "ezinbesteko arrazoiengatik". Gaur egun plantilla osatzen duten 120 langileetatik 100 ingururi eragingo lieke.
Irteera-operazioa abian da, 2024an baino erregai-prezio baxuagoekin
95 oktanoko gasolina litroa 1,55 euro inguruan dago, eta diesel litroa, berriz, 1,45 euro inguruan.
Albiste izango da: Osasun Itunaren bilera, Mutrikuko istripua eta irteera operazioa
Gaurkoan albiste izango direnen laburpena, bi hitzetan.
664 pertsona edo enpresak 322,4 milioi euroko zorra dute Nafarroako Ogasunarekin
Zerrendan aurreko urtean baino 11 zordun gehiago agertzen dira. Zor den kantitatea ere hazi egin da eta 2,8 milioi euro gehiagokoa da. Zordun gehienak pertsona juridikoak dira eta ia denek Nafarroan dute egoitza.
LABek ez du osasun ituna babestuko, osasungintza pribatuko kontratuei eutsiko zaielako
LAB sindikatuak iragarri du ez duela osasun ituna babestuko, ezta biharko bilerara joango ere, "sektore pribatuarekiko menpekotasunak" bere horretan jarraituko baitu .