Bizkaiko Ogasunak 350.000 euro eskatu dizkie hamabi saltzaile ibiltariri
Bizkaiko Ogasunak 350.000 euro eskatu dizkie beren jarduera ekonomikoa deklaratu ez duten azoka txikietako hamabi saltzaile ibiltariri, Jose Maria Iruarrizaga ahaldun nagusiak astelehen honetan jakinarazi duenez.
Bizkaiko Foru Aldundiko Ogasunaren ikuskaritza zerbitzuak orain bi urte hasi zuen saltzaile ibiltarien gaineko ikerketa. Horretarako, azoka txikietan postuak jartzeko baimenei esker ibiltzen diren pertsonen inguruko informazioa eskatu zien hainbat udali.
Udalek emandako datuak aztertuta, Bizkaian azoka txikietan lan egiten duten 401 pertsona fisiko identifikatu ditu Ogasunak, eta horietako 244k ez dutela jarduera ekonomikoen gaineko zerga ordaintzen baieztatu dute.
Zergak ordaintzen ari ziren argitzeko lehen ikerketa bat egin ostean, 19 saltzaile ibiltariri ikuskapen txostena zabaltzea erabaki zuten.
Horietako 12k zergak ordaindu ez dituztela frogatu dute, eta 350.000 euroko iruzurra egin dutela esan du Ogasunak. Beste zazpi kasuetan, Ogasunak ikertzen jarraitzen du.
Bestalde, Iruarrizagak ezkontzetan beren zerbitzuak ematen dituzten ostalaritza, sukaldaritza, catering, ekitaldi antolatzaile edo lore-saltzaileen hainbat enpresatako jarduera ekonomikoa erregularizatu dutela esan du, "enpresa hauetako batzuek gastu pribatuak sartu baitzituzten kongresuak edo jarduera ekonomikoarekin zerikusia zuen ekitaldi gisa".
Ogasunaren arabera, enpresen zein bezeroen gain egin dute erregularizazio hori.
Zure interesekoa izan daiteke
Dieselaren litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berri bat ezarri du, litroko 1,916 eurora iritsi baita EAEn bataz beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.
Donostia Ospitalearen parean manifestazioa egin dute medikuek, estatutu eta gutxieneko soldata propioa eskatzeko
Euskadiko Medikuen Sindikatuak deituta, medikuek bat egin dute M17ko greba orokorreko aldarrikapenekin. Medikuek bigarren greba astea hasi zuten atzo, estatutu propioa eskatzeko.