302 milioi irabazi zituen Kutxabankek 2017an, aurreko urtean baino %23,6 gehiago
302 milioi euroko irabazi garbiak lortu zituen Kutxabankek 2017an, aurreko urtean baino %23,6 gehiago, eta "hobetu egin ditu datuak esparru guztietan".
Kutxabankeko presidenteak eta CEOak 2017ko datuak argitara atera dituzte Donostian, Kursaalen, egiten ari diren batzar berezian. Bertan parte hartzen ari dira Kutxabaneko eta bere filialetako 500 zuzendaritza-karguak, eta Kutxabank zein Caja Surreko aholkulariak.
Finantza-erakundeak jakitera eman duenez, "kaudimenean duen lidertza berretsi du, %15,7ko CET1arekin, eta ratingeko hiru nazioarteko agentziek igo egin dituzte euren kreditu izendapenak, sistemako onenen parean jarriz".
Gaur emandako datuen arabera, "795 milioitan gutxitu du Kutxabankek zalantzazko aktiboetan zuen saldoa eta %4,9 gutxitu du berandutze-tasa, sektorearen batezbestekotik askoz ere baxuago kokatuz, eta, errentagarritasun nahiz efizientzia ratioak hobetuz".
Balantze positiboa azaltzerako garaian, ondorengo elementuak aipatu dituzte: merkatu finantzarioaren garapen ona, aseguruen aktibitatearen igoera, eta bezeroei kobratzen zaizkien komisioen igoera. Zehazki, %10 igo dira bezeroei kobratzen zaizkien komisioak: 379,56 milioi euro (2016an baino 35,7 milioi gehiago). "Merkataritza jardueraren intentsitateari esker -%17,3 igo dira kreditu hipotekarioak eta %29 enpresei ematen zaien finantzazioa-" ere lortu direla emaitza horiek Kutxabanek esanetan.
Irabazi garbien %50 banatzea proposatuko dio Kutxabankek Akziodunen Batzordeari.
Zure interesekoa izan daiteke
Volkswagenen lege urraketen aurrean "isilik" egotea egotzi dio ELAk Nafarroako Gobernuari
Sindikatuaren arabera, Lan Ikuskaritzak "iruzurrean" egindako 146 aldi baterako kontratu atzeman zituen Volkswagen Nafarroan eta 93 kontratu mugagabe egitera behartu zuen enpresa. Oraindik, ez duela agindua bete salatu du ELAk.
Amurrioko Tubos Reunidoseko batzordeak greba mugagabea baztertu eta mobilizazioen egutegi bat adostu du
Langileek bilera egin dute astearte honetan, enpresak iragarritako 301 kaleratzeei aurre nola egin erabakitzeko.
Sindikatuek salatu dute iaz Hego Euskal Herrian 84 lan heriotza jazo zirela
Osalanek, berriz, heriotza 42 zenbatu ditu azarora arte. Sindikatuen arabera, Eusko Jaurlaritzaren zenbaketak ez ditu garraiolarien heriotzak, heriotza ez-traumatikoak edo 'in itinere' gertatzen direnak kontuan hartzen.
Ertzain izateko hautagaien % 59k gainditu du psikoteknikoa, baremazioa aldatu ondoren
Zupiria sailburuak berretsi du kopuruak aurreko deialdietan baino txikiagoa izaten jarraitzen duela. Halaber, barkamena eskatu du joan den larunbateko proben hasieran izandako atzerapenagatik, eta prozesuak "segurtasun berme guztiak" bete zituela ziurtatu du.
Pradales lehendakariak "norabide berean arraun egiteko" eskatu die eragile guztiei, Tubos Reunidosi laguntzeko
Imanol Pradales lehendakariak Tubos Reunidos "erreferentziazko" enpresatzat jo du, besteak beste, ekonomiaren deskarbonizazioan eta trantsizio energetikoan giltzarri baita, eta azpimarratu du etorkizunean ere hala izaten jarraitu behar duela. "Egoerari aurre egiteko, denok norabide berean arraun egin behar dugu: zuzendaritza, langileak, hornitzaileak, hartzekodunak eta erakundeak", gaineratu du.
Osakidetzako LEPen filtrazioengatik ahozko epaiketa egitea agindu du Gasteizko epaile batek
2018ko maiatzaren 20an egin zen Kirurgia Plastiko, Estetiko eta Konpontzaileen espezialitateko azterketarekin lotutako bi pertsona eseriko dira akusatuen aulkian.
"Muga-zergak gorabehera, urte ona izan da makina-erremintarentzat"
Xabier Ortueta AFM clusterraren zuzendariak adierazi duenez, "aurten, eskarietan, AEB gure lehen merkatua izan da. Eskarien % 22 handik jaso ditugu". "Egoera kudeatzako zaila da, baina ondo manejatu gara makina-erremintaren behar handia dutelako", gaineratu du Ortuetak.
Cebeken ustez, greba mugagabea "ez da irtenbidea" eta Tubos Reunidosen "akabua" izango litzateke
Cebeken presidente Guillermo Bucesek gogorarazi duenez, Bizkaiko patronalak ohartarazi zuen TRk "bere ekoizpenaren zati oso handi bat Amerikako merkatura bideratuta" duela, "% 45 edo % 50 inguru", eta "merkatu hori, % 50eko muga-zerga ezartzeagatik, bat-batean desagertzen bazaizu, lantegien bideragarritasuna kolokan jartzeko moduko arazo bat duzu".
Tubos Reunidoseko langileek batzarra egingo dute arratsaldean, hurrengo zer pauso eman erabakitzeko
Goizean langileen batzordea osatzen duten ordezkariek bilera egingo dute, arratsaldeko batzarra prestatzeko. Zuzendaritzak 301 langile kaleratzeko (274 Amurrion eta 27 Trapagaranen) eta Amurrioko altzairutegia ixteko asmoa agertu die langileei.
ELAk eta LABek greba deitu dute otsailaren 24, 25 eta 26rako EAEko ikastetxe publikoetako jantokietan
Bi sindikatuek greba deialdi ezberdinak antolatu dituzte. Salatu dutenez, negoziazio kolektiboa blokeatuta dago, dagoeneko indarrean beharko luketen soldata-igoerak ez dira ordaindu eta ez da aurrerapausorik eman ratioetan, funtzioetan eta lanaldietan. Egoera hori jasanezina da, sindikatuen ustez, eta zerbitzuaren kalitateari kalte egiten dio.