Sindikatuen eta Ertzaintzako zuzendaritzaren arteko bilera, tentsioa baretzeko asmoz
Estefania Beltran de Heredia Eusko Jaurlaritzako Segurtasun sailburua Ertzaintzako sindikatuekin elkartuko da gaur, azken asteotako tentsioa baretzeko asmoz. Ertzaintzaren Kontseiluaren bilera 15:30ean hasiko da Erandion.
Azken asteetan nabarmen gaiztotu da bi aldeen arteko giroa, bereziki, Athleticek eta Moskuko Spartak taldeek otsailaren 22an jokatutako partidaren atariko istiluetan Inocencio Alonso ertzaina bihotzekoak jota hil ondoren, eta pasa den astean Ertzaintzaren sindikatuek Eusko Legebiltzarraren atarian egin zuten protestaren ondorioz.
Ertzaintzako hainbat sindikatuk "osasunaren astea" antolatu dute martxoaren 12tik 19ra bitartean eta, horren arabera, "lanera joateko moduan ez dauden agenteei" medikuarenera joateko eta baja hartzeko eskatu diete ertzainei. Kanpaina horrek Athletic eta Marseillako Olympique futbol taldeek Bilbon jokatuko duten Europa Ligako final zortzirenetako itzulerako partidaren inguruan antolatuko den segurtasun dispositiboari eragingo dio zuzenean, martxoaren 15ean jokatuko baita. Hala ere, azken orduetan sindikatuek giroa baretzeko saiakera egin eta lasaitasuna eskatu dute. ErNE sindikatua, esaterako, Segurtasun Sailarekin negoziazio prozesu bat abiatzeko prest agertu da.
Ertzaintzaren Kontseiluaren gaurko bileran, Beltran de Heredia Segurtasun sailburua eta ErNE, Esan, ELA eta EUPEL sindikatuetako ordezkariak elkartuko dira. Segurtasun Saileko iturriek diotenez, bi izango dira Ertzaintzaren sindikatuekin eztabaidatuko dituzten gaiak: batetik, Inocencio Alonso hildako ertzainari Babes Zibileko Merezimenduaren domina gorria ematea eta, bestetik, Ertzaintzaren modernizazioaren inguruko hausnarketa egitea.
Ildo horretan, Beltran de Herediak plan bat jarri nahi du martxan Ertzaintzako elite-taldea modernizatzeko helburuz. ErNE sindikatuak, ostera, ertzainen aldarrikapenei erantzungo dien negoziazio prozesu bat abiatzeko proposamena espero du Segurtasun Sailaren aldetik.
Gaurko bileran gertatuko denaren zain, Jorge Aldekoa Ertzaintzako buruak penagarritzat jo zuen ertzainek Legebiltzarraren atarian egindako protesta. Ez hori bakarrik, haren esanetan, hainbat lege-hauste egin ziren eta prozedura administratiboa bere bidea egiten ari da. Bestalde, Estefania Beltran de Heredia sailburuak aurreko astean iragarri zuenez, Eusko Jaurlaritzak "Mozal Legea" legea aplikatuko die ertzainen Legebiltzarreko protesta deitu zutenei.
Albiste gehiago ekonomia
Gasteizko lorezainen sindikatuek Lan Sailaren proposamena beharginek bozkatzea erabaki dute, "nahikoa ez" dela uste duten arren
Sindikatuek "aurrerapausoak" ikusten dituzte Eusko Jaurlaritzaren proposamenean. Bestalde, Enviser enpresak, Gasteizko lorategiak mantentzeaz arduratzen den azpikontratak, proposamena onartu du.
EB eta AEB, muga-zergei buruzko “atariko akordioa” lortzear
Trumpek akordiorako jarritako epemuga asteazkenean, uztailaren 9an, amaituko da, eta AEBko Merkataritza idazkariak esan du abuztuaren 1ean jarriko dituztela indarrean muga-zergak.
AHTaren Aralarko zulaketa-lanak “berehala” hasiko dira, Santanoren arabera
Garraio eta Mugikortasun Iraunkorrerako Estatu idazkariak azaldu du udalekin eta lurjabe partikularrekin egin beharreko elkarrizketak "elkarlan onean" egin direla. Zulaketen ondorengo txostenak "datorren urteko udaberrirako" egotea espero du.
Gasteizko lorezainek negoziazioari berrekingo diote astelehen honetan, Jaurlaritzaren bitartekaritzarekin
Lan Sailak langileak eta Enviser enpresa deitu ditu bilera batera astelehen honetan, grebaren 100. egunean.
Villavesen grebak aurrera jarraitzen du, Mankomunitatearen bitartekaritzarekin ere aurrerapausorik izan ez delako
Langileek manifestazioa egin dute arratsaldean, Labriteko Aldapatik abiatu eta Nafarroako Parlamenturaino, eta ehunka herritarren babesa jaso dute.
BSHko eta Villavesako langileak elkarrekin manifestatu dira enpleguaren alde
Ezkirozko lantegiaren bideragarritasuna aldarrikatzeko manifestatu dira larunbat honetan, Iruñean.
Europako Inbertsio Bankuak 45 milioiko mailegua eman dio Ulma kooperatiba talde gipuzkoarrari
Gipuzkoako kooperatiba-taldeak fabrikazio-teknologia aurreratuak finantzatuko ditu eraikuntza-negozio lerroan eta hormigoi polimerozko soluzio arkitektonikoak. Akordioak, halaber, eraikuntzarako material jasangarri berriak fabrikatzeko planta berri bat eraikitzeko beharrezko inbertsioak bultzatuko ditu.
Gasteizko lorezainen manifestazioa, Eusko Jaurlaritzaren bitartekaritzaren berri izan ondoren
Gasteizko lorezainen sindikatuek positibotzat jo dute Eusko Jaurlaritzako Lan Sailaren bitartekotza. Jaurlaritzak langileen ordezkariak eta Gasteizko lorategiak kudeatzen dituen Enviser enpresa deitu ditu 100 egun bete dituen lan-gatazkan bitartekari izateko.
Atzerapenak Villavesaren zerbitzuaren hasieran, greba konpontzeko ezinbesteko bileraren aurretik
Gaurko, % 40 eta % 60 bitarteko gutxieneko zerbitzuak ezarri dira. Goizeko lehen ordutik, piketeek atzeratu egin dute autobusen irteera instalazioetatik, nahiz eta ezarritako gutxieneko zerbitzuak errespetatzen ari diren.
Eusko Jaurlaritzak bilera batera deitu ditu Gasteizko lorezainak astelehenerako, greban 100 egun betetzen direnean
Martxoaren 26an hasi zuten greba mugagabeari eutsi diote. Ostiral honetan, manifestazioa deitu dute 18:30erako Artiumetik, hitzarmen propioa eta lan hobekuntzak aldarrikatzeko.