Historiako ekoizpen handiena lortu du Petronorrek 2017an
Petronorrek historiako bere ekoizpen handiena izan du 2017an, baina aurreko urtean baino % 19,8 gutxiago irabazi du, Emiliano Lopez Atxurra enpresaren presidentearen arabera. Halaber, enpresak 281 miloi euro ordaindu zizkion Bizkaiko Foru Aldundiari zerga bidez.
Petrolio-findegiak 74 milioi upel prozesatu zituen iaz, bi hilabete eta erdiko geldialdi orokorra egin arren. Salmentak 11 milioi tona ingurukoak izan ziren; horien % 37 esportaziora bideratu ziren, eta gainerako (% 63) Estatuko merkatuan.
Bestalde, Petronorrek 393 milioi euroraino murriztu du zorra. 1.200 milioi euroko zorra zuen 2012. urtean, baina txikitu egin dela azpimarratu dute: “Hirugarrenekin genuen zorra likidatu dugu, baita Europako Inbertsioen Bankuarekin genuena ere”. Gainera, 2017an finantza-zorraren amortizazio aurreratua egin du, eta 257 milioi euro gutxiago zor ditu orain.
Emaitzak azaldu ostean, Petronorreko presidenteak etorkizunean egingo dituzten inbertsioak azaldu ditu. Negozio berriak eta digitalizazioa izango dituzte erronka nagusi, eta 20 milioi euro inbertituko dituzte bi horiek bultzatzeko.
Atxurraren ustez, digitalizazioa “tresna estrategikoa” da garapenerako, eta beste negozio energetiko batzuetan parte hartzeko prest daude: “Petronor ez da petrolio-findegi hutsa, enpresa energetikoa ere bada”. Horretarako, ekoizpen-jarduera “horren merkatu naturalean, energian eta mugikortasunean toki nabarmena” izatera bideratuko dute.
Halaber, Petronorrek neurriak hartu ditu bere instalazioen eraginkortasun energetikoa hobetzeko. Lopez Atxurraren arabera, 60.000 tona fuel gutxiago kontsumituko dituzte aurrerantzean neurri horiei esker.
Zure interesekoa izan daiteke
Trumpek Venezuelako petrolioaren kontrola hartu zuenetik Europara heldu den lehen ontzia Bilboko portuan da
Hilabete eta sei egun igaro dira Josu Jon Imaz Repsoleko egungo kontseilari delegatua Etxe Zurian sartu zenetik, beste petrolio-enpresa batzuetako ordezkariekin, Venezuelako petrolio-industria berrabiarazteko. Hala, Trumpek industria horren kontrola hartu zuenetik Karibeko lehen petrolio-ontzia iritsi da azken orduotan Bilbora. Repsolek milioi bat upel eskuratu ditu, eta Petronorren plantan tratatuko dituzte, Muskizen.
Lanaldiei lotuta Euskadin egindako jarduketen % 60etan irregulartasunak antzeman zituen iaz Lan Ikuskaritzak
Emandako datuen arabera, Euskadiko Lan Ikuskaritzak 20.191 esku-hartze egin zituen iaz. Horietan 1862 arau-hauste antzeman ziren — 10,4 milioi euro —, eta 26.959 kontratu berrikusi; horietatik 1.788 kontratu mugagabe eta lanaldi osokoak bihurtu ziren.
Euskadik zerua ukitu nahi du aeronautikan: 110 milioi inbertituko ditu proiektu batean, eta 800 lanpostu sortu
ITP Aero izango da proposamenaren buru, eta hamabi enpresak hartuko dute parte harekin batera.
Estatutu propio baten aldeko aldarria zabaldu dute medikuek Donostian
Osakidetzan lehen arretako mediku bat egongo da gutxienez osasun-etxe bakoitzean. Baliteke urgentziazkoak ez diren ebakuntza batzuk bertan behera uztea.
Zer eskatzen dute medikuek?
Medikuen sindikatuek Estatutu Marko propioa eskatzen dute, euren lanbideak Osasunaren sektoreko gainerako lanbideetatik bereizten dituzten ezaugarriak dituela argudiatuta.
Espainiako Gobernuak gutxieneko soldataren igoera sinatuta, zenbatekoa izango da LGS berria?
Behin akordioa sinatuta, litekeena da Errege Dekretua astearte honetan onartzea, % 3,1eko igoerarekin.
Albiste izango da: medikuen greba, aireportuen eskualdatzea eta abisu horia euriagatik
Gaurkoan albiste izango direnen laburpena, bi hitzetan.
Tamara Yagüe (Confebask): "Industria atzeraldira hurbil daiteke une batzuetan; datozen hilabeteak erabakigarriak izango dira"
Arantza Ruizek Confebaskeko presidentea elkarrizketatu du ETBko "12 minutos" saioan. Yagüek azpimarratu du hazkundea ez dela etengabea sektore guztietan, eta, industriari dagokionez, zuhur jokatzea komeni dela adierazi du, "datozen hilabeteak erabakigarriak" izango baitira.
Sarralle taldea osatzen duten zazpi lantegitan sei hilabeterako erregulazio txostena jarriko dute martxan
Enpresak eta langileek ez dute akordiorik lortu lantegi gehienetan, eta kontsultetarako epea agortuta, astelehenetik aurrera indarrean izango da aldi baterako enplegu-erregulazioko espedientea (ABEEE). Taldeak arrazoi ekonomikoak eta teknologiari lotutakoak argudiatu ditu erregulazioko txostena abian jartzeko.
Galiziako itsaski-biltzaileak kezkatuta daude euriteen ondorioz itsaskiak hilda agertzen ari direlako
Berberetxoa % 30 garestitu da, bata bestearen atzetik izan ditugun ekaitzen ondorioz asko hil egin baitira. Galiziako itsaski-biltzaileak kezkatuta bizi dira denboraleen boladari begira, etengabeko euriek itsasadarren gazitasuna murriztu dutelako, eta, ondorioz, berberetxoen % 70 hil direlako.