Gamesa 'filial gisa' erabiltzea leporatu dio Iberdrolak Siemensi
Gamesa “enpresa filial bat balitz bezala erabiltzea” leporatu dio Iberdrolak Siemensi. Iberdrolak % 8ko partaidetza du Gamesan; Siemens, aldiz, konpainia horren akziodun nagusia da, % 59ko kapitalarekin. Bat-egitean OPA burutzeko beharrik ez zioten ezarri Alemaniako multinazionalari, orain Balore Merkatuaren Batzorde Nazionalak erabaki hori berriz aztertu beharko lukeela uste du Iberdrolak.
Joe Kaeser Siemens AG konpainiako presidente eta kontseilari delegatua Ignacio Sanchez Galan Iberdrolako presidentearekin bildu zen asteazkenean. Bilerak, ordea, ez zuen balio izan Siemens Gamesako bi akziodunek jarrerak hurbiltzeko; izan ere, bat-egitearen kudeaketaren inguruan desadostasun sakonak dituzte, batzarreko iturrien arabera.
Horrela, bat-egitean Siemensek hartu zuen konpromisoa betearazteko, Balore Merkatuaren Batzorde Nazionalari eskaera egitea aztertzen ari da Iberdrola. Operazioan, akzioak erosteko eskaintza publikorik (OPA) ez egiteko baimena eman zion Batzordeak Alemaniako multinazionalari.
Konpainiako bigarren akziodun gisa, Siemens Gamesako akziodun txikien ordezkari bezala hitz egiten ari dela uste du Iberdrolak. Akziodunen azken batzar nagusian, Siemensek konpainiaren egoitza Espainian mantentzeko proposamena atzera zergatik bota zuen ez du ulertzen Iberdrolak, aldez aurretik egoitza aldatzea planteatzen ez dela esan duenean.
Bat-egitea baldintza batzuekin babestu zuen Iberdrolak. Gamesa berriaren kudeaketa eta gobernu korporatiboaren baldintza horiek betetzen ari ez direla uste du energia enpresak.
Nahiz eta asteazken honetan Madrilen bildu, batzarrean aldeek Siemens Gamesaren inguruko kudeaketan akordiorik ez dute lortu. Aire-sorgailuen ekoizlean norabide aldaketa bat ematea espero du Iberdrolak, eta horregatik “adi” jarraituko du. Hala ere, oraingoz ez du bat-egitean sinatutako ituna auzitara eramango.
Bestalde, Alemaniako multinazionala Euskadin mantentzeko konpromisoa agertu zion Kaeserrek Iñigo Urkullu lehendakariari. EAEren aldeko “apustua” berretsi zion Siemenseko kontseilari delegatuak Urkulluri.
Kaeser eta Urkullu Zamudioko (Bizkaia) Teknologia Parkean bildu ziren asteazkenean, Siemenseko buruzagia Galanekin goizean, Madrilen, bildu ondoren.
Zamudion (Siemens Gamesa Renewable Energy) eta Zumaian (Siemens Engine Busines) martxan dituen proiektuak mantentzeko konpromiso azaldu zion Kaeserrek lehendakariari.
Zure interesekoa izan daiteke
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.
Talgo eta Sidenor, euskal industriaren bi erraldoi
Lehenengoa erreferentea da tren-sektorean; bigarrena, berriz, liderra da siderurgian.
Sidenor buru duen partzuergoak Talgoren % 29,76ren erosketa itxi du 156 milioiren truke
Balore Merkatuaren Batzorde Nazionalak (CNMV) behin-behinean eten du Talgoren kotizazioa, Sidenorrek gidatutako partzuergoak Pegasorekin sinatutako akzioen salerosketa-kontratua sinatu ondoren. Eragiketak otsailean lortutako aurreakordioa berretsi du, eta erosketaren azken faseari ekin dio.
Bizkaiko hegoaldeko trenbide-saihesbidearen obrak urtea amaitu baino lehen hasiko dira
Eusko Jaurlaritzako Mugikortasun Jasangarriaren sailburu Susana Garcia Chuecak azaldu duenez, obrak amaitutakoan merkantzia-trenek ez dute Santurtzi, Portugalete, Sestao eta Barakaldo zeharkatu beharko. "Aldiriko trenek bakarrik zirkulatuko dute, iberiar zabalera baitute trenbide horiek", gaineratu du.
Angula-arrantza denboraldia hastear, Bizkaiko eta Gipuzkoako arrantzaleak lehorrean
Eusko Jaurlaritzak bertan behera utzi du aurtengo angularen arrantza-kanpaina, espeziea galtzear dagoela argudiatuta. Hala, urtebetean, gutxienez, ezingo da angularik harrapatu Bizkaiko eta Gipuzkoako ibaietan. Euskadiko Anguleroen Elkarteak salatu du Europa osoan arrantzatuko dutela angula, Euskal Autonomia Erkidegoan izan ezik.
“Ipar Euskal Herrian, Asturiasen, Kantabrian… Europa osoan ari dira angula arrantzatzen, EAEn izan ezik”
Angula denboraldia hastear den honetan, Gipuzkoako eta Bizkaiko arrantzaleek ezin izango dute angula arrantzatu, Jaurlaritzaren debekua dela eta. Unai Eizagirre Anguleroen Elkartearen lehendakariak onartu du angularen egoera ez dela ona, baina kritikatu du debekua Euskal Autonomia Erkidegoan soilik ezarri dela, eta, bien bitartean, Asturiasen, Galizian... angula arrantzatzen ari direla. Eurak soluzioaren parte direla nabarmendu dute, eta, Frantziako eredua jarri dute mahai gainean.
Gobernantza Sailak 167,5 milioi bideratuko ditu 2026an Administrazioa arinagoa izan dadin
Gainera, Ubarretxena sailburuak iragarri duenez, Eusko Jaurlaritzak 2023, 2024 eta 2025eko Lan Eskaintza Publikoak batuko ditu, eta guztira 1.700 plaza aterako ditu Administrazio Orokorrean, baina ez da deialdi bakarra egingo, eskalen arabera deituko dira.
Eusko Jaurlaritzak 8 ikuskatzaile gehiago kontratatuko ditu etxebizitza turistikoen gaineko kontrola areagotzeko
Javier Hurtado Turismo, Merkataritza eta Kontsumoko sailburuak bere sailari dagokion datorren urteko aurrekontu-proiektua aurkeztu du Eusko Legebiltzarrean. Guztira, 56,5 milioi euroko aurrekontua izango du, aurten baino % 2 gutxiago.
Mikel Jauregi: "Hidrogeno berdeak menpekotasuna galtzea ekarriko digu"
Industria, Trantsizio Energetiko eta Jasangarritasuneko sailburuak "Egun On" saioan adierazi duenez, "garai batean Errusiarekiko genuen menpekotasuna amaitu da, baina, orain, Ipar Amerikarekiko menpekotasuna sortzen ari gara". "Egin dezagun europar energia bat", gaineratu du sailburuak