Sailak, ErNEk eta ESANek aurreakordioa lortu dute, Brigada Mugikorra modernizatzeko
Eusko Jaurlaritzako Segurtasun Sailak eta ErNE eta ESAN gehiengoa duten sindikatuek aurreakordio bat lortu dute, ertzainen lan-baldintzak hobetzeko eta Brigada Mugikorra modernizatzeko, Sailak jakitera eman duenez.
Estefania Beltran de Heredia sailburua sindikatuetako ordezkariekin bildu da gaur, Ertzaintzaren Erandioko (Bizkaia) polizia-etxe nagusian. Aldebiko bilerak amaitu ondoren, aurreakordioaren puntu nagusien berri eman du Sailak agiri batean. Hala ere, gehiengo sindikalarekin adostutako aurreakordioa maiatzaren 2an berretsi beharko du negoziazio kolektiboaren mahaiak.
Ertzainentzako eta Sailarentzako “onuragarria” eta “garrantzitsua” den aurreakordioa baloratu du sailburuak. Aldi berean, negoziazioak beti zailak eta gogorrak izaten direla onartu du Beltran de Herediak.
Adostutako akordioak Brigada Mugikorra modernizatzeko aukera emango du, berrikuntzaren eta gaztetzearen bidez. Horrela, beharginen lan-baldintzak eta osasuna zein egoera fisikoa bermatzeko neurriak bateratzea aurreikusi dute.
Berrikuntzarako eta langileak gaztetzeko, espezialitate ikastaro berriak egingo dituzte. Bestalde, sekzio guztientzako ordutegi berdinarekin, lan-baldintzak bateratuko dituzte.
Brigada Mugikorreko ertzainen sasoia mantentzeko, urtero lanorduetan 16 entrenamendu egitea adostu dute. Gainera, unitatean 20 urte baino gehiago daramatzaten ertzainek beste bi lan saio bateratu eta proba fisiko bereziak egin beharko dituzte.
Adinak mugatutako zerbitzu aktiboari (SAM) dagokionez, 55 urtez gorako ertzainek, nahi dutenek, erretiroa hartu arte gaueko ordutegian lanaldiak betetzea bermatzen du akordioak; soldataren osagarria areagotuz.
ESANek nabarmendu duenez, Segurtasun Sailarekin adostutako aurreakordioak Brigada Mugikorreko “ordutegiaren malgutasuna asko mugatzeko” asmoa du.
ELAk, ostera, aurreakordioa kritikatu du. Sindikatu abertzalearen hitzetan, “aldebiko bilera ilunak, legeak ezarritako esparruetatik at, akordioak negoziatzeko eta ixteko erabiltzea, negoziazio mahai orok izan beharko lukeen fede ona zapuztea da”.
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.