Guitransek % 13ko deskontua eskatuko du 'ohiko erabiltzaileentzat' bidesarietan
Guitrans Gipuzkoako garraoilarien patronalak gaur iragarri duenez, "ohiko erabiltzaileei" % 13ko deskontua ezartzeko aukera negoziatuko du Foru Aldundiarekin. Horrez gain, sektoreak kokapen finkorik ez duten enpresen konpetentzia desleiala jasaten duela salatu du.
Guitransek bazkideen batzarra egin du gaur Donostiako Miramar Jauregian. Elkarteak ohar batean jakinarazi duenez, Izaskun Bilbao izan da gaurko bileran, EAJko eurodiputatua eta EBko garraio batzordeko kidea.
Gipuzkoako Foru Aldundiak N-1 eta A-15 errepideetan kamioiei ezarritako bidesaria gaitzetsi du Mario Palacios Guitranseko presidenteak. EAEko Justizia Auzitegiak bertan behera utzi zuen neurria, Foru Aldundiak helegitea jarri zuen.
Erabakiaren arabera, "bidesariek Gipuzkoatik kanpoko garraioa diskriminatzen dute zeharka, barneko trafikoarekin alderatuz". Guitransen aburuz, ordea, halako neurriek Gipuzkoako garraiolariak kaltetzen ditu, "zergak ordainduz azpiegiturak mantentzeaz gain, bidesaria ordaindu behar dutelako".
Europako Araudiak bidesariak "sarri erabiltzeagatik" % 13ko deskontuak ezartzeko aukera kontuan hartzen duela berretsi du Guitranseko presidenteak. Oraingoz "AP-8ko Bizkaiko eremuan soilik" ezarriko direnez, Gipuzkoan ere martxan jartzea negoziatuko dutela esan du Palaciosek.
Krisia hasi zenez gero, Gipuzkoan 1.025 garraio enpresa galdu direla nabarmendu du (horietatik 116 2017an), nahiz eta ekonomiak "% 2,8 egin duen gora, eta garraioak "% 8 eta % 11 artean".
Bestalde, kokapen finkorik ez duten enpresak Gipuzkoan nahi duten moduan dabiltzala kritikatu du Guitransek. "Kamoietan bizi diren" gidariak kontratatzen dituztela azaldu du; hortaz, funtsezkoa deritzo arauak bateratzea Europan, "enpresen dauden tokian sor dezaten aberastasuna, zerga eta soldata arloko desberdintasunak abantaila gisa erabili gabe".
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.