41 urteko langile bat hil da Bilboko Portuan
41 urteko langile bat hil da gaur Bilboko Portuan, kamioi batek harrapatuta, Portuko Agintaritzak ohar batean jakinarazi duenez.
Ezbeharra eguerdian jazo da, Punta Luceroko harrobia egonkortzeko lanetan.
Argitu gabeko arrazoiak tarteko, kamioi batek harrapatu du Viuda de Sainz enpresarentzat lan egiten zuen behargina.
Osalanek ikerketa abiatu du.
G.L.B. hildako langilea, esan bezala, Viuda Sainz enpresako behargina zen, eta azken 14 urteak eman ditu konpainia horretan lanean, enpresa eraikitzaileak berak agiri batean jakitera eman duenez. Lan-istripua “deitoratu” du konpainiak, eta “gertatutakoa argitzeko eskura dituen baliabide guztiak” jarriko dituela iragarri du.
Enpresaren hitzetan, “enpresako prebentzio zerbitzuek ikerketa abiatu dute, nahiz eta lanean segurtasun neurri guztiak hartu”.
Bestalde, elkartasuna adierazi die ELAk hildakoaren senitartekoei eta lankideei agiri batean. Lan-istripuak lan-baldintzen prekarietatearekin lotu ditu sindikatu abertzaleak. Zentzu horretan, laneko arriskuak prebenitzeko araudiaren “urraketen” jarraipena eta kontrola egiteko, neurriak “berehala hartzeko” eskatu dio ELAk Eusko Jaurlaritzari.
Era berean, lan-istripuak saihesteko neurri eraginkorrak hartzeko eskatu die LAB sindikatuak erakundeei. Sindikatu abertzalearen ahotan, “lan munduko sarraski etengabea prekarizazioaren ondorioa da. Egiturazko arazo bat da”. Antolatuko diren mobilizazioetan parte hartzeko dei egin die LABek langileei.
Langilearen heriotza deitoratu du Jon Hernandez Ezker Anitza-IUko ordezkariak beste agiri batean. “Heriotzen triskantza etengabea” salatu du Hernandezek. Lan Ikuskaritzaren papera indartzea eta segurtasun neurriak betetzea eskatu du.
Zure interesekoa izan daiteke
Eusko Jaurlaritzak industria ezkutua aktibatuko du Ekialde Hurbileko gerraren ondorioei aurre egiteko
Industriaren Defentsarako Taldearen bileran, Imanol Pradales lehendakariak iragarri du bere Gobernua "lehen neurri sorta bat" prestatzen ari dela, "egoera luzatu eta zailduko balitz", eta Espainiako Gobernuari eta EBri gauza bera egiteko eskatu die.
Jainagak 2026a urte "katastrofikoa" izango dela aurreikusi du, gerrak eragindako krisi energetikoagatik
Ekialde Hurbileko gerrak beste krisi energetiko bat ekarri du, eta enpresariek ez dute uste laster amaituko denik. Horregatik, neurri "azkarrak eta sendoak" eskatu dituzte, hala nola zergak jaistea eta mendekotasun energetikoa murriztuko duten alternatiben alde egitea.
Energiaren Nazioarteko Agentziak 400 milioi petrolio-upel aterako ditu merkatura erreserba estrategikoetatik
Neurri horren helburua da Ormuzko itsasarteko blokeoak eragindako petrolio-eskaintzaren galera konpentsatzea.
Zer dira IEAren erreserba estrategikoak eta nola erabil litezke krisi honetan?
Energiaren Nazioarteko Agentziako (IEA) kide diren herrialdeek petrolio erreserba estrategikoak dituzte krisi egoerei aurre egin ahal izateko, bereziki, horniduran etenak daudenean. Orain, erreserba horiek erabiltzea onartu du agentziak, Ekialde Hurbilean piztutako gatazka dela eta, merkatuari lasaitasun mezu bat igorri eta presioa jaisteko.
Tubos Reunidosen Amurrioko lantegian greba mugagabea deitu dute martxoaren 16tik aurrera
Lanuztea martxoaren 15eko gaueko txandan hasiko da ofizialki (22:00etan), baina egun horretarako lau orduko lanuztea ere bazegoen deituta aurreko deialdi batean. Hala, igande arratsaldeko 18:00etatik aurrera geldituko litzateke planta.
Angulariek ohartarazi dute jarduera debekatzeak legez kanpoko arrantza areagotzea ekarriko duela
Euskadiko Angularien Elkarteak Eusko Legebiltzarrean salatu duenez, angula-arrantza profesionala debekatzeak ondorio kaltegarriak izan ditzake, arrantzaleek ibaien zaindari gisa jarduten dutelako, eta isurketak, espezie inbaditzaileak eta legez kanpoko harrapaketak detektatzen laguntzen dutelako.
Osakidetzak ekainean egingo ditu 2023-2025 lan-eskaintza publiko bateratuko lehen azterketak
Eusko Jaurlaritzak martxoan zehar argitaratuko ditu deialdiaren bederatzi kategorien oinarri espezifikoak; guztira, 5.425 plaza daude, horietatik 2.160 berriak dira.
Ekialde Hurbileko gatazkak piztutako ziurgabetasunaren aurrean nola jokatu aztertzeko bilduko da gaur Industria Defendatzeko taldea
Zamudioko Parke Teknologikoan egingo dute bilera, eta bertan izango dira Eusko Jaurlaritzaren ordezkariak, enpresak, klusterrak eta hainbat eragile. Energiaren prezioen gorakadak euskal industrian izan dezakeen eragina aztertzea eta neurriak lehenbailehen hartzea izango dute helburu.
Mercedesen VLE berria Gasteizen fabrikatuko dute
Mercedes Benzek monobolumen VLE ibilgailu berria aurkeztu du astearte honetan Stuttgarten (Alemania). Erabat elektrikoa da, eta Gasteizko lantegian egingo dute.
Bizkaia Crowdlending: Bizkaiko enpresa txikiek diru iturri gehiago izan dezaten finantzaketa sistema berria
Bizkaiko enpresa txikiek diru iturri gehiago izan dezaten finantzaketa sistema berri bat jarri dute martxan Foru Aldundiak eta Elkargik. Herritarrek aukera izango dute enpresa txikiak arriskurik gabe finantzatzeko. Izan ere, ekarpenek Elkargiren berme osoa izango dute.