La Naval erreskatatzea eskatu die enpresa-batzordeak gobernuei
La Navaleko enpresa-batzordea, Ekonomiaren Garapena eta Azpiegituretako sailburu Arantxa Tapiarekin bildu ostean, "kezkatuta" agertu da B-347 draga eraikitzen jarraitzeko negoziazioaren atzerapenagatik. Lan hori "oxigeno-baloi bat" litzateke ontziolarentzat. Langileek, era berean, "La Navalen erreskatearen alde apustu egitea" eskatzen diete Eusko Jaurlaritzari eta Espainiako Gobernu berriari.
Bankuen eta armadorearen arteko akordioa "atzerapen ulertezina" izaten ari dela nabarmendu dute langileen ordezkariek, eta "batez ere erakunde finantzarioak" presionatu ditu, draga eraikitzen jarraitu ahal izateko.
Enpresa-batzordeak bankuak kritikatu ditu bereziki, "ontzigintza-sektore osoari kalte egiten diotelako", eta armadorea "itxaroteagatik" eskerrak eman dizkiote, baita helarazi ere ontziolak "erabateko gaitasuna" duela "bere draga garaiz eta ondo bukatzeko".
Eusko Jaurlaritzari gatazkan epaile lanak egiteko eskatu dio, "denbora bukatzen" ari den honetan.
Batzordeak esan duenez, Jaurlaritzak bera "guztiz inplikatuta" azaldu da, eta bi aldeekin dago harremanetan, baina "egunez egun panorama gero eta zailagoa" dela ohartarazi du.
Langileek ikusten duten irtenbide bakarra "bi gobernuak erreskatean inplikatzea da". Eusko Jaurlaritzak, aldiz, Europak enpresa pribatuak "laguntzea galarazten duela" gogorarazi die.
Ordezkari sindikalek itxaropenez jaso dute Espainiako gobernu aldaketa, eta bi exekutiboen arteko bilera bat espero dute, La Navalen eta bere familia guztien "bideragarritasunerako irtenbideak bilatzeko".
Albiste gehiago ekonomia
Statkraftek proiektatuta zegoen parke eolikoaren ingurumen-inpaktu adierazpen negatiboa kritikatu du
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.