BPGa % 3,2 haziko da aurten, eta % 2,5 2019an, Laboral Kutxak aurreikusi duenez
Euskal Autonomia Erkidegoko (EAE) Barne Produktu Gordina (BPG) % 3,2 haziko da aurten, Laboral Kutxak egindako aurreikuspenen arabera. Kreditu-kooperatibaren Ikerketa Departamentuaren hitzetan, ekonomiak "hedapen fasean" jarraituko du, "nolabait motelduko bada ere". 2019rako % 2,5eko hazkundea aurreikusi du Laboral Kutxak, eta langabezia tasa % 10etik behera kokatzea.
Xabier Egibar eta Joseba Madariaga, hurrenez hurren, Negozio Garapenerako eta Ikerketa Departamentuko zuzendariek prentsaurrekoan aurkeztu dituzte aurreikuspenok, baita 2017ko txostena ere. Iaz % 2,9 hazi zen EAEko ekonomia.
Laboral Kutxako arduradunen hitzetan, Euskadiko susperraldi ekonomikoa "oso sendoa da", ondoz ondoko 18 hiruhilekoko hazkundea gauzatu baita. Madariagaren esanetan, esportazioei eta produkzio inbertsioen bultzadari esker izan du ekonomiak bilakaera hori.
Enpleguaren alorrean ere baikor dago Laboral Kutxa. Estimazioen arabera, langabezia tasa jaisten joango da, eta 2019rako % 10etik behera kokatuko da. 2018-2019 urteetan 33.000 lanpostu sortuko dira Euskadin, eta Nafarroan, 12.000.
Madariagak azaldu duenez, barne-eskaerari esker ari dira hazten EAEko zein Espainiako ekonomiak. Politika fiskal hedakorragoak eta kanpo-eskariaren ekarpen positiboak ere hazkundeari mesede egiten diote.
Albiste gehiago ekonomia
Greba Bilboko Udaltzaingoaren telefonogunean, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.