Gipuzkoako sorosleek grebari ekin diote, haien 'egoera ezegonkorra' salatzeko
Gipuzkoako hondartzetan lan egiten duten sorosleek hiru eguneko grebari ekin diote igande honetan, haien "egoera ezegonkorra" salatzeko. Ehun sorosle baino gehiago daude lurraldeko hondartzetan, Gurutze Gorriaren bitartez azpikontratatuta, Gipuzkoan kosta duten zortzi udalerritan.
Haleber, Eusko Jaurlaritzak ezarritako % 80ko zerbitzu minimoak mantentzeko konpromisoa hartu dute, "gehiegizkoak" iruditu arren.
Sorosle talde batek gaur Donostiako Kontxako pasealekuan elkarretaratze bat egin du, lehenengoa, izan ere, datozen egunetan Gipuzkoako hiriburuko hondartzetan, Zumaian, Getarian eta Orion egingo dituzte, haien aldarrikapenak gehiago ezagutzera emateko.
Komunikabideei egindako adierazpenetan, Maddy Azpiazu ELAko bozeramaileak esan duenez, sindikatuak hainbat udali eta Gurutze Gorriari eman die egoeraren berri, baina ez dira harekin "harremanetan jarri", beraz, hiru eguneko greba hastea erabaki dute.
Eusko Jaurlaritzako Lan Sailak ezarritako zerbitzu minimoak "gehiegizkoak" iruditu arren, Azpiazuk azpimarratu du “sorosleek konpromiso irmoa” dutela, eta zerbitzuak “bete” egingo direla.
Segurtasuna ez dago "guztiz bermatuta", greba zerbitzu "minimoetan" egonik, ondorioz, herritarrei neurriak muturreraino eramateko eskatu die, eta hondartza bakoitzean argibideei kasu egitea.
Kontxaren kasuan, kartel batzuk jarri dituzte barandan, sorosleak greban daudela gogorarazteko bainulariei.
Eskaerak
ELAko ordezkariek azaldu dutenez, guztiak aldi bateko langileak dira, "askok hainbat urte daramatzaten arren", eta jasotzen duten soldata "hilean 1.000 eurora iristen ez" dela salatu dute; "Gipuzkoako Gurutze Gorriaren hitzarmen barruan sartuta dago".
Sindikatuaren ustez, "zalantzarik gabe lan-baldintza lotsagarriak dira lan honek duen erantzukizunarekin". "Azpikontratazioaren eskutik iristen da prekarietatea", nabarmendu du.
Hori dela eta, Gurutze Gorriari eta tartean sartuta dauden udalei "egoera honi erantzun" bat emateko eskatu die. "Ezin dugu onartu gure hondartzetan, hainbeste sari jasotzen dituzten eta munduan hainbesteko begirunea duten horietan, lan-baldintza hauek dituzten sorosleak izatea", azpimarratu dute.
ELAK egindako eskaeren artean, soldata-igoera, etenaldiak dituzten finkoen aintzatespena eta "beste hainbat adiskidetze neurri" daude, "sektorea profesionalizatzeko eta duintzeko".
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.