17 greba egun deitu dituzte Gipuzkoako zahar-egoitzetan
ELA sindikatuak 17 greba egun deitu ditu Gipuzkoako zahar-egoitzean, lurralde hitzarmen berriaren “benetako” negoziazioa eskatzeko.
Honezkero, “Gipuzkoako zahar-egoitzetako hitzarmen berria adosteko negoziazio prozesua hasi zenetik ia 22 hilabete” igaro dira, Idoia Elustondo sektorearen ELAko arduradunak prentsaurrekoan, Donostian, gogorarazi duenez.
Elustondoren hitzetan, ELAk “akordio bakarra eta bi esparruetako (sektore eta enpresa aldi berean) hitzarmen kolektiboen sinadura bakarra” eskatu ditu. Patronalak eta Aldundiak, aldiz, “soldatak izoztea, eskubide sozialak murriztea, baldintza guztiak homologatzea eta 2005-2008ko abiapuntura itzultzea” proposatu dute, “egungo zaintza eredua jasanezina dela aitzakiatzat hartuta”, kritikatu duenez.
Testuinguru honetan, sindikatu abertzaleak irailaren 28an lanuztea egitea planteatu du, eta baita beste 16 egun gehiagotan ere (urriak 24, 25 eta 26; azaroak 26, 27, 28, 29 eta 30; abenduak 24, 25, 26, 27, 28, 29, 30 eta 31), hitzarmenaren “benetako” negoziazioa aldarrikatzeko. “Soldata arrakalari” amaiera emateko igoerak eta “hobekuntzak” eskatu ditu ELAk.
Gipuzkoako zahar-egoitzetako “negozio eredua arduradun publikoek eta patronalak” adostu zutela azpimarratu du Elustondok, “emakumeak esplotatzeko eta prekarizatzeko espresuki”. Zentzu horretan, sektorean soldata arrakala % 30ekoa dela zehaztu du ELAko ordezkariak.
Egoeraren berri emateko eta irailaren 28ko lanuztean parte hartzera animatzeko, aurki lantoki guztietan batzarrak egingo dituztela aurreratu du Elustondok. “Greba luze baten hasiera da, eta hilabetez hilabete areagotzen joango gara”, ohartarazi du.
Zure interesekoa izan daiteke
Ehunka medikuk estatutu propioa eskatu dute Donostian, "lanbideagatik eta pazienteengatik"
Gaurko mobilizazioan parte hartu duten medikuak ordu erdi baino gehiago egon dira Donostia Ospitalearen atarian, "Estatutu mediku eta fakultatibo baten alde" lelodun bi pankartarekin eta 24 orduko guardien aurkako hainbatekin.
Telefonicak Andoni Ortuzar izendatu du Movistar Pluseko kontseilari
EAJk adierazi du "normaltasun osoz" ikusten duela Telefonicak jeltzaleen presidente ohia fitxatzea, eta sektorean duen "esperientzia eta eskarmentua" nabarmendu ditu. EH Bilduk salatu du "ate birakarien" kasu berri bat dela hau, eta “lagunkeriari eta joko zikinari” aurre egitea betebehar etikoa dela azpimarratu du.
Pradalesek adierazi du Eusko Jaurlaritza lanean ari dela lau enpresa-proiektu Euskadira erakartzeko
Lehendakariak adierazi du "etengabeko aldaketa-aro" bat bizi dela maila globalean, "inoiz ezagutu ez den ezegonkortasun batera" garamatzana, eta uste du erantzuna "nork bere gaitasunak aktibatzea, erritmo handiagoa ezartzea eta indarrak batzea" dela. Gainera, "atzerriko inbertsioa" erakartzearen alde egin du.
Gasteizko Mercedesen lantegiko beharginen batzordeak ordubeteko lanuzteak deitu ditu txanda bakoitzean
Lanuzteak abenduaren 15etik 18ra izango dira, langileen ustez lantegiko "lan-harremanak okertu" direlako. Hiru sindikatu nagusiek salatu dute zuzendaritzak ez dituela bete hartutako erabakiak.
Enpresen kopurua % 0,8 murriztu zen iaz EAEn, baina horiek sortutako enplegua % 1,5 hazi zen
Hiru eskualdek Euskal Autonomia Erkidegoko enplegu osoaren % 68,9 biltzen dute: Bilbo Handiak (% 38,9), Donostialdeak (% 16,6) eta Arabako Lautadak (% 13,3).
CAFek 250 milioi euroko kontratua lortu du Frantzian, eskualdeko 22 tren hornitzeko
CAF eta Alstom enpresek osatutako kontsortzioak 22 Regiolis tren hornituko dizkio SNCF Voyageurs operadoreari Proventza-Alpeak-Kosta Urdina eskualderako. CAFek diseinatu eta fabrikatuko ditu trenak, eta Alstom arduratuko da unitaterako zenbait ekipo hornitzeaz.
Medikuen bigarren greba egunaren jarraipena atzokoa baino zerbait handiagoa izan da, Osakidetzaren arabera
Osasun Ministerioak onartu nahi duen Estatutu Markoaren zirriborroaren aurka Espainiako Estatu osoko medikuek deitutako lau eguneko grebarekin bat egin du Euskadiko Medikuen Sindikatuak. Gaurko elkarretaratzea Donostia Ospitalean izan da. Ostiralera arte, ospitaleek eta anbulatorioek gutxieneko zerbitzuetan egingo dute lan, eta larrialdietako eta halabeharrez artatu behar diren patologiak dituzten pazienteei soilik emango diete zerbitzua.
Medikuen sindikatuak dio grebaren eragina "handiagoa" izan dela "ospitaleetan lehen arretan baino"
Osakidetzaren arabera, jarraipena % 17,6koa izan da goizeko txandan eta % 7,6koa arratsaldekoan. EAEko medikuek bat egin dute Medikuen Sindikatuak Estatu osorako egindako lau eguneko grebarekin eta "lanbidearen berezko ezaugarriak islatuko dituen Estatutu propioa" eskatzen dute.
Aurrekontuen osoko zuzenketak atzera bota ditu Eusko Legebiltzarrak, oposizioaren eta EAJren eta PSEren arteko eztabaiden artean
Aurrekontuei jarritako osoko zuzenketak eztabaidatzen ari dira astearte honetan Eusko Legebiltzarrean, proiektua gelditzeko arriskurik gabe. EAJren eta PSE-EEren gehiengo absolutuak 2026ko kontuak tramitatzen jarraitzea bermatzen du, EH Bilduk, PPk, Sumarrek eta Voxek proiektua kritikatu arren.
Ehunka medikuk sektorearen ezaugarriak bilduko dituen Estatutu propioa eskatu dute Bilbon
Ehunka mediku eta fakultatibo (farmazialariak, biologoak...), asko bata zuriz jantzita, Bilbon manifestatu dira Espainiako Ministerioak aurkeztu duen Estatutu Markoaren lege-aurreproiektuaren kontra eta sektorearen ezaugarriak jasotzen dituen baten alde, eta Eusko Jaurlaritzari eskatu diote haien eskaerak defenda ditzala Monica Garcia ministroaren aurrean.