ELAk positibotzat jo du lehen greba eguna Gipuzkoako adinekoen egoitzetan
Gipuzkako adinekoen egoitzetan lehen greba eguna izan dute ostiral honetan. ELA sindikatuak balorazio "oso positiboa" egin du eta Adegik jarraipena "urria" izan dela esan du.
Lan-hitzarmen berria negoziatzeko eta adosteko benetako borondaterik ez dagoela iritzita, 17 greba egun deitu zituen sindikatuak. Gaurkoa lehendabizikoa izan da, eta % 50eko gutxiengo zerbitzuak ezarri dituzte; % 60koak, puntako orduetan.
Langileek elkarretaratzea egin dute goizean, Gipuzkoako Foru Aldundiaren aurrean, Donostian. Ehun bat behargin bildu dira bertan.
Txomin Lasa ELA sindikatuko ordezkariak ere han izan da, eta une horretan jarraipenari buruzko datu zehatzik ez zuela esan du, baina hainbat egoitzetan langileen % 100enak lanuztea egin duela azpimarratu du.
Adegiren hitzetan, berriz, jarraipena "urria" izan da eta "egoitza jakin batzuetan izan du eragina". Negoziazio mahaian ordezkatzen dituen enpresetan egindako zundaketen bidez jasotako datuetan oinarritu dela erantsi du.
Halaber, enpresen eta langileen aldeko itunak egiteko lanean jarraitzeko borondateari eusten diola nabarmendu du.
Txomin Lasak, ostera, gogora ekarri nahi izan du lanuztea ELAk soilik deitu duela –gehiengoa du sektore horretan-. LAB, CCOO eta UGT sindikatuekin harremanetan izan zirela, baina zentral horiek, arrazoi ezberdinak tarteko, grebara ez jotzea erabaki zutela adierazi du.
Hala ere, "% 60tik gorako ordezkaritza dugula kontutan hartuta, lehen urratsa ematea gure ardura zela ulertu genuen, betiere eskua luzatuta, baina sektore honetan oso indartsuak garela jakinda", azaldu du.
"Bi urte daramatzagu, eta oraindik ez da hitzarmenaren benetako negoziaziorik eman; langileak nazkatuta daude eta duintasun pixka bat exijitzen dute, lan-baldintzak eta soldatak hobetzea, hain zuzen ere", azpimarratu du Lasak.
Horrez gain, lan-gatazka honetan Gipuzkoako Foru Aldundiak inplikatu egin behar duela esan du, "zerbitzuaren % 90 bere kontratupean dagoelako". Diputazioak sektore horretan 5.000 langile inguru dituela kontuan hartuta, "ezin du beste alde batera begiratu".
Bestalde, UGTk datorren astelehenean Lan Harremanen Kontseiluan deitu duen bileran ELA ere izango dela jakinarazi du Lasak. Alabaina, aitortu du ez dakiela zein den sindikatu horren benetako asmoa. "Argazkia soilik bilatzen baldin badu, gu ez gara haiekin egongo. Proposamen serioekin bakarrik joango gara", ohartarazi du.
Eskakizunak
Sindikatuak lan baldintzak hobetzea eta soldatak % 3 igotzea (igoera bi urtean aplikatzekoa) eskatu du. ELAren arabera, sektore honetan % 30eko "soldata arrakala" dago. Sindikatu abertzaleak "akordio bakarra eta bi esparruetako (sektore eta enpresa aldi berean) hitzarmen kolektiboen sinadura bakarra" eskatu ditu.
Garen patronalaren arabera, "ez da zilegi" enpresa batzuek adostuta dituzten baldintzak oinarri gisa hartzea eta hobekuntzak horietatik abiatuta eskatzea.
Ostiral honetakoa ez ezik, 16 egun gehiagotan ere deitu dute greba: urriak 24, 25 eta 26; azaroak 26, 27, 28, 29 eta 30; abenduak 24, 25, 26, 27, 28, 29, 30 eta 31.
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.