Elektromugikortasunean 'erreferentzia' izateko gune bat sortuko du Gipuzkoak
Teknologia berrikuntzarako eta lankidetza publiko-pribaturako gune bat izango du Gipuzkoak 2021ean. 2025etik aurrera lurralde historikoa eta Euskadi mugikortasun elektrikoan nazioarteko “erreferentzia” bihurtzeko 19,3 milioi euro inbertituko dituzte erakundeek.
Arantxa Tapia Ekonomi Garapenerako eta Azpiegituretarako sailburuak, Markel Olano Gipuzkoako ahaldun nagusiak eta Eneko Goia Donostiako alkateak Mubil izeneko gunea aurkeztu dute gaur. 2018an eraikitzen hasiko dira Donostiako Eskutzaizeta industrialdean. Hiru fasetan eraikiko dute. Zaborra kudeatzeko erraustegia bertan eraikitzen ari dira, eta litekeena da Martuteneko espetxea ordezkatzeko kartzela bertan egitea ere.
Mubil gunearen aurkezpena Tabakalera eraikinean egin dute goizean. Lurraldeko enpresetako eta teknologia guneetako ehun bat ordezkari bildu dira. Olanok zuzendu du ekitaldia. Gipuzkoaren “apustua” azpimarratzeko bideoak proiektatu dituzte. Lurraldeko eragile ezberdinen lankidetzaren bidez elektromugikortasuna bultzatuko dute.
Horretarako, Donostiak Eskutzaizetan utzitako lursailetan, Aldundiak “berrikuntza eta ezagutza gune” bat sortu nahi du, eta Mubil haren “epizentroa” izango da. Olanoren hitzetan, azpiegitura “enpresen zerbitzura” egongo da, eta Espainiako Gobernuak, Eusko Jaurlaritzak eta Gipuzkoako Aldundiak ordainduko dute. “Datozen hilabeteetan fundazio publiko bat osatuko da gunea kudeatzeko”, erantsi du.
Guneak 5.350 metro karratu eta lau eraikin izango ditu, horietako garrantzitsuenak “energia metatzeko saiakuntza laborategia” hartuko du, batez ere ibilgailu elektrikoei zuzendua, Olanok azaldu duenez. Ahaldun nagusiaren ahotan, Europa hegoaldean garrantzitsuena izango da, Alemanian dagoen batekin alderagarria soilik.
Albiste gehiago ekonomia
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.
Azken egunetako txingorrak kalte "oso handia" eragin du Arabako Errioxako mahastietan
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuaren arabera, Samaniego, Navaridas, Leza eta Eskuernaga herrietan jo du gogorren.