Julian Sanchezek esan du bere kontrako akusazioak 'asmakizunak' direla
Julian Sanchez Alegria Euskal Autonomia Erkidegoko Parke Teknologikoetako presidente izandakoa, Arabako EAJri eragiten dion ustezko ustelkeria kasuan auzipetuta dago, beste 26 akusaturekin batera, tartean Alfredo de Miguel.
Kontratu publikoak ematearen truke, komisioak kobratu izana leporatzen diete.
Gaurko saioan Julian Sanchezek deklaratu du, eta azpimarratu du berak esan ziola Ainhoa Alberdi abokatuari auzitegira jotzeko, Alfredo de Miguel Arabako EAJko buruzagi ohia estortsioa egiten ari bazitzaion.
Fiskaltzak 17 urteko kartzela-zigorra eskatzen du Parke Teknologikoetako presidente (2005-2009) zenarentzat.
Alberdik salaketa jarri zuen 2009an, kontratu publiko bat lortzeko, De Miguelek –garai hartan foru diputatua eta Arabako Parke Teknologikoko administrazio kontseiluko kidea- 100.000 euroko komisioa eskatu ziola ohartaraziz.
Julian Sanchezen azaldu duenez, aurretik berarekin bildu zen Alberdi eta gertatu zitzaiona kontatu eta De Miguelek bidalitako mezu elektroniko labur bat erakutsi zion.
Esaten ari zena egia bazen, epaitegira jo behar zuela erantzun zion Sanchezek. Gainera, kontratu horretako dirurik legez kanpoko ezer egiteko erabiliko ez zela eta obra hura berak ikuskatuko zuela agindu zion.
Fiskaltzaren arabera, Alberdirekin hitz egin ondoren, Sanchezek De Miguel ohartarazi zuen eta aurrerantzean "diskrezio gehiagoz" aritzeko eskatu zion. "Hori gezurra da, asmakizun bat", nabarmendu du Sanchezek.
Bere esanetan, Alberdirekin izan zuen elkarrizketaren berri eman zien bere arduradunei: Mauricio Lazkano Spriko idazkari nagusiari eta Alfonso Arriola –kasu honetan auzipetuta dago- Arabako Parke Teknologikoko gerenteari.
Zerbait gehiago egin ote zezakeen galdetuta, ezetz erantzun du, gerora izan zuten beste elkarrizketa batean estortsioa amaitu egin zela esan omen ziolako Alberdik.
Gaurko saioan Arriolak ere deklaratu du. 2006tik 2009ra bitartean izan zen Arabako Parke Teknologikoko gerente. Fiskalak 21 urteko kartzela-zigorra eskatzen du harentzat.
Sanchezek Alberdirekin izan zuen elkarrizketa kontatu zionean, "harrituta" geratu zela esan du. Ez zion sinesgarritasunik eman, "gaizki-ulertu bat izango zelakoan".
Arriolaren hitzetan, Alberdirekin lanean jarraitu behar zela eta salaketa jarri nahi bazuen inolako arazorik ez zegoela esan behar zitzaiola adierazi zion Sanchezi.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".