AP-1 autobidea doakoa da
Burgos eta Armiñon (Araba) arteko AP-1 autobidea doakoa izango da larunbat honetatik aurrera, kontzesio-kontratua amaituta Estatuaren esku geratu baita.
Hortaz, egunero autobide horretatik igarotzen diren 20.858 ibilgailuek ez dute bidesaririk ordaindu beharko aurrerantzean.
Jose Luis Abalos Espainiako Sustapen ministroak azaroan iragarri zuen neurria. Azaldu zuenez, kontzesio-kontratua amaitzear zuten autobideetan ez berritzea erabaki zuen Espainiako Gobernuak. AP-1a izango da lehena.
Europistas (Itinere taldearen filiala) enpresak zuen autobide horren kontzesioa. Konpainia horrekin ituna lortu du Espainiako Gobernuak, eta datozen sei hilabeteetan, errepidearen mantenua egiten jarraituko du, Exekutiboak beste enpresa bat kontratatzen duen bitartean, alegia.
Akordio horri esker, autobidean lan egiten zuten 111 beharginetatik 62 subrogatuko ditu enpresa horrek (gainerakoak bidesaria kobratzeaz arduratzen ziren).
Abalosen konpromisoa
Ministroak neurria iragartzeko egunean gogorarazi zuenez, portuen edota aireportuen erabileragatik tasa batzuk ordaindu behar dira. Hala, "doakoa izatea aurreikusita dagoen garraio-sare bakarra" autobideak barne hartzen dituen errepide-sarearena dela azaldu zuen.
"Legegintzaldi honetan bukatzen diren kontzesioak ez ditugu luzatuko. Aurrerantzean doakoak izango dira autobide horiek”, esan zuen Abalosek. Arrazoi horregatik, errepide-sarearen kudeaketa jasangarriaren inguruan hausnarketa egin eta akordio bat ixteko eskatu die gainerako alderdi politikoei.
Alderdi sozialistak batzorde bat sortzea proposatu zuen, gai horri buruz Kongresuan hitz egiteko. Ordainpekoa den errepide-sareak 20.000 kilometro ditu guztira. Azken urteotan autobide gehiago egin diren arren, errepide horien kudeaketara bideratutako aurrekontuak, aldiz, murriztu besterik ez dira egin.
Halaber, "zigortuta dauden eta zergak ordaindu behar ez diren tokiak ere badaude", gogorarazi zuen. Gauzak horrela, "bereizketa" horrekin amaitzea eskatu zien gainerako alderdiei, denen artean "berdintasunean oinarritutako eredu bat" adostuz eta egoerari irtenbide jasangarri bat emanez. Azkenik, bidesarien inguruan "proiektu politikoak garatzeko asmoa" baztertzea eskatu zien.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".