Diru-sarrerak egiteagatik Kutxabankek komisioa kobratzea abusuzkoa dela berretsi dute
Kutxabankek, bezero baten kontuan eskudirua sartzeagatik, kobratzen duen 2 euroko komisioa abusuzkoa dela eta bertan behera utzi beharko duela berretsi du Arabako Probintzia Auzitegiak.
Kutxabankek Gasteizko Merkataritza Arloko 1 zenbakiko Epaitegiak emandako epaiaren aurkako helegitea jarri zuen. Joan den astelehenean, berriz, Arabako Auzitegiak Epaitegi horren erabakia berretsi zuen, EKA/ACUV kontsumitzaileen elkarteak Kutxabanken komisio horren aurkako salaketa aurkeztu baitzuen.
EAEko kontsumitzaileen elkarteak ostiral honetan jakitera eman duenez, "neurriz kanpokoa" da bankuak kobratzen duena, zerbitzu beragatik bi aldiz kobratzen duelako: alde batetik, kontuaren jabeari dirua sartzeagatik kobratzen dio, mantentze-gastuen komisioaren eskutik; eta bestetik, dirua sartzen duenari kobratzen dio, komisio hori ordaindu behar baitu.
Espainiako Bankuak ezarritakoaren arabera, bankuek ezin dituzte komisioak edo gastuak ezarri bezeroek onartu edo eskatu ez dituzten zerbitzuengatik; eta Kutxabanken kasuan, beste pertsona baten kontuan eskudirua sartzeagatik bi euro kobratzea "inposizio bidegabea" da, EKA/ACUV elkarteak esan duenez.
Epaiak jasotakoaren arabera, erabiltzaile hori, une horretan, entitatearekin isilean itunduko luke "kontratatu gabeko ahozko eta ezohiko zerbitzu batengatik bi euro ordaintzea, aurretiko abisua izan gabe eta negoziatu barik".
Gainera, 2 euro horiek proportzionalak ez direla jasotzen du epaiak, "ez baita gauza bera 4 euroko edo berrehun euroko ordainagiri batengatik bi euro ordaintzea".
Zure interesekoa izan daiteke
Volkswagenen lege urraketen aurrean "isilik" egotea egotzi dio ELAk Nafarroako Gobernuari
Sindikatuaren arabera, Lan Ikuskaritzak "iruzurrean" egindako 146 aldi baterako kontratu atzeman zituen Volkswagen Nafarroan eta 93 kontratu mugagabe egitera behartu zuen enpresa. Oraindik, ez duela agindua bete salatu du ELAk.
Amurrioko Tubos Reunidoseko batzordeak greba mugagabea baztertu eta mobilizazioen egutegi bat adostu du
Langileek bilera egin dute astearte honetan, enpresak iragarritako 301 kaleratzeei aurre nola egin erabakitzeko.
Sindikatuek salatu dute iaz Hego Euskal Herrian 84 lan heriotza jazo zirela
Osalanek, berriz, heriotza 42 zenbatu ditu azarora arte. Sindikatuen arabera, Eusko Jaurlaritzaren zenbaketak ez ditu garraiolarien heriotzak, heriotza ez-traumatikoak edo 'in itinere' gertatzen direnak kontuan hartzen.
Ertzain izateko hautagaien % 59k gainditu du psikoteknikoa, baremazioa aldatu ondoren
Zupiria sailburuak berretsi du kopuruak aurreko deialdietan baino txikiagoa izaten jarraitzen duela. Halaber, barkamena eskatu du joan den larunbateko proben hasieran izandako atzerapenagatik, eta prozesuak "segurtasun berme guztiak" bete zituela ziurtatu du.
Pradales lehendakariak "norabide berean arraun egiteko" eskatu die eragile guztiei, Tubos Reunidosi laguntzeko
Imanol Pradales lehendakariak Tubos Reunidos "erreferentziazko" enpresatzat jo du, besteak beste, ekonomiaren deskarbonizazioan eta trantsizio energetikoan giltzarri baita, eta azpimarratu du etorkizunean ere hala izaten jarraitu behar duela. "Egoerari aurre egiteko, denok norabide berean arraun egin behar dugu: zuzendaritza, langileak, hornitzaileak, hartzekodunak eta erakundeak", gaineratu du.
Osakidetzako LEPen filtrazioengatik ahozko epaiketa egitea agindu du Gasteizko epaile batek
2018ko maiatzaren 20an egin zen Kirurgia Plastiko, Estetiko eta Konpontzaileen espezialitateko azterketarekin lotutako bi pertsona eseriko dira akusatuen aulkian.
"Muga-zergak gorabehera, urte ona izan da makina-erremintarentzat"
Xabier Ortueta AFM clusterraren zuzendariak adierazi duenez, "aurten, eskarietan, AEB gure lehen merkatua izan da. Eskarien % 22 handik jaso ditugu". "Egoera kudeatzako zaila da, baina ondo manejatu gara makina-erremintaren behar handia dutelako", gaineratu du Ortuetak.
Cebeken ustez, greba mugagabea "ez da irtenbidea" eta Tubos Reunidosen "akabua" izango litzateke
Cebeken presidente Guillermo Bucesek gogorarazi duenez, Bizkaiko patronalak ohartarazi zuen TRk "bere ekoizpenaren zati oso handi bat Amerikako merkatura bideratuta" duela, "% 45 edo % 50 inguru", eta "merkatu hori, % 50eko muga-zerga ezartzeagatik, bat-batean desagertzen bazaizu, lantegien bideragarritasuna kolokan jartzeko moduko arazo bat duzu".
Tubos Reunidoseko langileek batzarra egingo dute arratsaldean, hurrengo zer pauso eman erabakitzeko
Goizean langileen batzordea osatzen duten ordezkariek bilera egingo dute, arratsaldeko batzarra prestatzeko. Zuzendaritzak 301 langile kaleratzeko (274 Amurrion eta 27 Trapagaranen) eta Amurrioko altzairutegia ixteko asmoa agertu die langileei.
ELAk eta LABek greba deitu dute otsailaren 24, 25 eta 26rako EAEko ikastetxe publikoetako jantokietan
Bi sindikatuek greba deialdi ezberdinak antolatu dituzte. Salatu dutenez, negoziazio kolektiboa blokeatuta dago, dagoeneko indarrean beharko luketen soldata-igoerak ez dira ordaindu eta ez da aurrerapausorik eman ratioetan, funtzioetan eta lanaldietan. Egoera hori jasanezina da, sindikatuen ustez, eta zerbitzuaren kalitateari kalte egiten dio.