Zazpigarren lanuzte eguna dute gaur Bizkaibus zerbitzuko linea batzuetan
Zazpigarren lanuzte eguna dute gaur Bizkaibus zerbitzuko linea batzuetan. Ezkerraldea Meatzaldea Bus S.A. eta Pesalur S.A. enpresetako langile guztiak daude deituta lanuzteak egitera, eta greba deialdi horrek Ezkerraldean, Meatzaldean, Durangaldean, Arratian eta Nerbioi Garaian dabiltzan autobusei eragingo die. Guztira, sei orduz egingo dituzte lanuzteak, txanda bakoitzeko bi orduz: 07:30-09:30, 18:00-20:00 eta gaueko txandako lehen bi orduak.
Gainera, aste honetako ostegunerako ere deitu dute greba. Bi enpresok Bizkaibusen 40 linea baino gehiagotan eskaintzen dute zerbitzua (200 bat autobus).
Lanuzteek 42.000 erabiltzaileri eragingo diete, eta gutxieneko zerbitzuak % 30ekoak izango dira.
Gutxieneko zerbitzuak Bizkaibuseko webgunean dituzu zehaztuta.
Aurreko lanuzteetan, grebaren jarraipena % 100ekoa izan zen, sindikatuen arabera. Gainera, neurri juridikoak iragarri dituzte, Jaurlaritzak ez dituelako agindutako gutxieneko zerbitzuak bete, horien esanetan.
Bi konpainia horietako enpresa batzordeek zortzi greba egun deitu dituzte azaroan Bizkaibuseko hainbat lineatan, 2017ko abenduaren 31tik iraungita dauden hitzarmen kolektiboen negoziazioetan aurrerapenik ez dagoelako.
Lanuzte gehiago abenduan
Azaroko lanuzteez gain, abendurako ere deitu dituzte Bizkaibuseko ibilbide batzuetako beharginek. Besteak beste, 24 orduko greba egingo dute abenduaren 21ean, San Tomas egunean, EMB eta Pesalur patronalek negoziazio mahaian blokeoa ezarri dutela salatzeko. Bilbobuseko langileek ere greba egingo dute San Tomas egunean.
Ezkerraldean eta Enkarterrin zerbitzua eskaintzen duten Ezkerraldea Meatzaldea Buseko langileek abenduan txanda bakoitzeko bi orduko beste bost lanuzte egitea erabaki dute. Abenduaren 10, 11, 13, 17 eta 20an deitu dituzte.
Pesalur enpresako langileek, aldiz, 4 orduko lanuzteak egingo dituzte abenduaren 10, 13 eta 17an Durangaldean, Arratian eta Nerbioi Garaian dituen autobus linea batzuetan.
Zure interesekoa izan daiteke
Iñigo Ansola: "Poztu egiten nau inbertsio handi bat Euskal Herrira etortzeak"
Txinako Hithium Energy enpresak Euskadira etortzeko asmoa alde batera utzi eta Nafarroaren aldeko apostua egin duela ezagutu ostean, Bizkaia Buru Batzarreko presidente Iñigo Ansolak esan du ez dela sartuko lurraldeen arteko lehian. Nafarroagatik pozten dela adierazi du, enpresa txinatarra Foru Erkidegoan egoteak hemen ere eragin positiboa izango duela uste duelako Ansolak.
"Arrakasta-historio bat" abian, Hithium Nafarroan ezartzeko iragarpenarekin
Maria Chivitek, Pedro Sanchez Espainiako presidentearekin eta multinazional txinatarreko zuzendariekin batera, atzo Madrilen egindako iragarpena formalizatu du, eta akordioa "zuhurtziaz" lantzen ari direla nabarmendu du, besteak beste, lantegia non kokatuko den erabakitzeke baitago oraindik. Edonola ere, Hithiumek Nafarroa aukeratu izana Nafarroako politikek energiarekin eta enpleguaren sorrerarekin duten apustuaren erakusle da, baita Hithiumek Europara hedatzeko duen nahiarena ere.
Radio Taxi Donosti eta sagardotegiek txotx denboraldian garraioa indartzea adostu dute
Tokiko taxilariekin koordinatuta eta Erregimen Bereziko Eremua aktibatuta, Donostialdeko zerbitzua bermatuko da.
Volkswagen Taldeak % 44,3 murriztu ditu irabaziak 2025ean, 6900 milioi euroraino
AEBeko muga-zerga estatubatuarrek, Porscheren produktuen estrategiaren doikuntzarekin lotutako gastuek, kanbio-ondorioek eta prezioen konbinazioaren ondorioek eragin dute mozkinen murrizketa. Hala ere, salmentengatiko diru-sarrerak egonkor mantendu dira.
Argiaren prezioek, gora: azken urtebeteko mailarik altuenera heldu dira Ekialde Hurbileko gatazkaren ondorioz
Iazko otsailetik ez zen eguneko batez besteko prezio altuagorik erregistratzen handizkako merkatu elektrikoan.
Brent upelaren prezioa % 6 baino gehiago jaitsi da, 92 dolarreraino
Bezperan, Brent upela 120 dolarreraino iritsi zen, baina Trumpek Iranen aurkako gerra "ia amaituta" dagoela esan ostean, petrolioaren prezioak behera egin du. Bestalde, gas naturalaren prezioa % 15,6 jaitsi da saioaren hasieran, 47,8 euroraino.
Albiste izango dira: Greba EAEko eskola publikoetako jantokietan, Hithium enpresaren inbertsioa Nafarroan eta Irango gerra "ia amaituta" dagoela uste du Trumpek
Gaurkoan Orain-en albiste izango direnen laburpena, bi hitzetan.
Txinako Hithium enpresak 405 milioi inbertituko ditu Nafarroan, 746 lanpostu sortuko dituen bateria-lantegia ezarrita
Maria Chivite Nafarroako Gobernuko presidenteak Txinako enpresaren planak zehaztuko ditu gaur goizean. EITBk jakin duenez, enpresak Nafarroaren alde egin du azkenean, nahiz eta iazko maiatzean Eusko Jaurlaritzarekin memorandum estrategiko bat sinatu zuen, Euskadin ezartzeko aukera aztertzeko.
Greba ikastetxe publikokoetako jantokietan, ostegunera arte
Gaurko lanuztea mobilizazioekin hasiko da Bilbon, eta bihar protestak izango dira Euskal Autonomia Erkidegoko hiru lurraldeetan.
Brent upela % 6,76 igo da astelehenean, baina behera egin du eta 100 dolarretik jaitsi da
Egunean zehar, upeleko 120 dolarren bueltan ibili da. Ondorioz, G7ko ministroek bilera egin dute eta neurriak hartzeko eta erreserbak askatzeko prest daudela adierazi dute. Texasko petrolio-erreferenteak 95 dolar inguruan itxi du eguna.