Txinako Hithium enpresak 405 milioi inbertituko ditu Nafarroan, 746 lanpostu sortuko dituen bateria-lantegia ezarrita
Maria Chivite Nafarroako Gobernuko presidenteak Txinako enpresaren planak zehaztuko ditu gaur goizean. EITBk jakin duenez, enpresak Nafarroaren alde egin du azkenean, nahiz eta iazko maiatzean Eusko Jaurlaritzarekin memorandum estrategiko bat sinatu zuen, Euskadin ezartzeko aukera aztertzeko.
Pedro Sanchez Gobernuko presidentea eta Maria Chivite Nafarroako presidentea, Hithium empresako kideekin. Argazkia: Orain
Hithium Energy Storage Technology Txinako enpresak 405 milioi euroko inbertsioa egingo du Nafarroan energia biltegiratzeko sistemak garatzeko. Proiektu horrek 746 lanpostu zuzen sor ditzake Foru Erkidegoan. Nafarroako presidenteak 09:30ean emango ditu horren gaineko xehetasunak.
Inbertsioa Moncloan, Madrilen, egindako bilera batean aztertu zen. Bertan, Chivitek, Pedro Sanchez Espainiako Gobernuko presidenteak eta Jeff Wu kontseilari delegatu eta Hithiumen sortzaileak parte hartu zuten. Bileran Jordi Hereu Industria eta Turismo ministroa eta Mikel Irujo Nafarroako Gobernuko Industria kontseilaria ere izan ziren.
Asiako konpainia bateria eta biltegiratze energetiko egonkorreko sistemetan (BESS) espezializatuta dago, eta Nafarroan epe laburrean proiektu industrial bat ezartzea aztertzen ari da. EITBk jakin duenez, kokapenen artean Eskirozko BSH planta zaharra dago.
EITBk duen informazioaren arabera, enpresak Nafarroaren alde egin du azkenean, nahiz eta iazko maiatzean Eusko Jaurlaritzarekin memorandum estrategiko bat sinatu zuen Euskadin ezartzeko aukera aztertzeko.
Iturri horien arabera, erabakia hainbat faktorek azal dezakete. Alde batetik, Euskadin tokiko bazkide industrial bat izateko beharra planteatzen zen, eta Nafarroan betekizun hori ez zen betetzen. Bestetik, laguntza publikoak handiagoak izan litezke Foru Komunitatean; izan ere, eremu batzuk "lagundutzat" hartzen dira, eta inbertsioaren % 20rainoko dirulaguntzak ahalbidetuko lituzkete; Euskadin, berriz, muga % 15 ingurukoa izango litzateke
Espainiako Gobernuak nabarmendu du proiektua bat datorrela trantsizio energetikoaren estrategiarekin eta biltegiratze elektrikoaren balio-katea indartzeko helburuarekin, sektore hori funtsezkotzat jotzen baita energia berriztagarrien ekoizpen handiagoa integratzeko.
Topaketa, gainera, Espainiako Gobernuak, Nafarroako Gobernuak eta Txinako enpresak duela hilabete batzuetatik hona dituzten elkarrizketen barruan kokatzen da. Energiaren eta Klimaren Plan Nazional Integratuak 2030erako 22 gigawatteko energia biltegiratze ahalmena lortzea du helburu, sorkuntza berriztagarria sistema elektrikoan integratzen laguntzeko.
Zure interesekoa izan daiteke
Ekialde Hurbileko gatazka "inoiz ez bezalako ziurgabetasun-mailak" sortzen ari da turismoaren sektorean, Aenaren arabera
Espainiako aireportuetako operadoreak ziurtatu duenez, erregaiaren eta kerosenoaren hornidura ziurtatuta dago datozen asteetarako; hala ere, ohartarazi duenez, "gerraren iraupenaren araberakoa izango da guztia".
23 urtetik gorakoek maiatzaren 12tik aurrera eskatu ahal izango dute Emantzipa dirulaguntza
Hala, zabaldu egingo du adin tartea. Orain arte 25 urtetik gorakoek eska zezaketen, baina, aurrerantzean, 23 eta 29 urte arteko gazteek izango dute aukera laguntza hori eskatzeko.
EAEko Auzitegi Nagusiak baliogabetzat jo du Bilboko JM ikastetxeko 59 langile kaleratzeko erabakia
ELA sindikatuak ohar batean adierazi duenez, Auzitegi Gorenak kaleratze kolektiboaren aurkako errekurtsoa onartu izanak agerian uzten du porrot egin zuen Jesuitinas ikastetxearekin bat egitea eta langileak kaleratzea prozesu "iluna eta gaizki kudeatua" izan zela, eta horrek "familien kezka eta ikasleen matrikulazio-desbideratzea" eragin zituela, "ikastetxea behin betiko ixtera kondenatu" arte; "guztia, Eusko Jaurlaritzaren onespenarekin eta konplizitatearekin", sindikatuaren arabera.
Epaitegi batzuk hasi dira langile interinoak finko egiten, Europako Justiziaren epaiaren ondoren
Pasa den apirilaren 14an Europar Batasuneko Justizia Auzitegiak ebatzitakoaren arabera, Espainian administrazioarekin aldi baterako kontratuak kateatu dituzten interinoak mugagabe ez-finko bihurtzea ez da neurri nahikoa abusu horiek konpentsatzeko.
KPIaren urtearteko tasa % 3,2ra jaitsi da apirilean, erregaia igo arren, argindarra jaitsi izanak bultzatuta
Erregaiak dira oraindik ere goranzko presio handiena egiten dutenak, Irango gerrak eragindako shockak irauten duen seinale. Hala ere, eragin hori leundu dute, nolabait, elektrizitatearen prezioaren jaitsierak eta Espainiako Gobernuak onartutako neurri fiskalek.
Iberdrolak 1.711 milioi irabazi ditu lehen hiruhilekoan, eta 2026rako mozkin garbi doituaren aurreikuspenak hobetu ditu
Konpainiak urtarrila eta martxoa artean izandako ustiapeneko emaitza gordina (Ebitda) 4.067,1 milioi eurora iritsi da, duela urtebete baino % 9,7 gutxiago.
Patronala absentismoa nola erabiltzen duen salatu dute sindikatuek laneko osasunaren eguneko mobilizazioetan
Sindikatu guztiak irten dira kalera apirilaren 28 honetan. LAB, ESK, STEILAS, EHNE-Etxalde eta HIRU sindikatuek elkarrekin egin dute manifestazioa, Donostian. ELAk, CCOOk eta UGTk euren mobilizazio propioak egin dituzte, Bilbon.
Euskal Herriko hamaika proiektu nabarmendu dituzte Berlinen If Design sari-banaketan
Mundu mailako diseinu-saririk garrantzitsuenak dira If Design golardoak. Bart banatu zituzten, eta Oiartzungo Niessen enpresak urrezko kategoria irabazi zuen. Bestalde, EAEko eta Nafarroako hogei bat proiektu izendatu zituzten.
Langabezia-tasa % 8,23ra igo da EAEn eta % 9,09ra Nafarroan, lehen hiruhilekoan
Iazko lehen hiruhilekotik aurtengo lehen hiruhilekora, 6.700 langabe gehiago zenbatu dituzte EAEn (% 8,08), eta 5.800 gehiago Nafarroan. Landunen kopuruak ere gora egin du Euskadin (7.700 gehiago) eta behera, berriz, Nafarroan (1.300 gutxiago). Bestalde, Espainiako Estatuan 231.500 langabe gehiago erregistratu dituzte 2026ko lehen hiruhilekoan, 2013tik izandako hiruhilekorik txarrenean.
39 milioiko eskaintza egin du Cristian Layk Papresa erosteko
Enpresaren bi industria-jarduerei eustsiko lieke CLk, paperarena eta enbalajearena, eta plantillaren bi heren mantenduko lituzke. Eusko Jaurlaritzak begi onez ikusi du operazioa eta parte hartzeko borondatea du. Papresa hartzekodunen konkurtsoan dago, eta zabalik da hura erosteko eskaintzak aurkezteko epea.