Brentaren prezioa 90 dolarretik jaitsi da, agintariek Irango Gerrari buruz egindako adierazpenen ondotik
Bezperan, petrolio upela 120 dolarrera iritsi zen, baina Trumpek Irango gerra "ia amaituta" zegoela esan ostean, prezioek beheranzko bideari ekin zioten eta 86 dolarren bueltan geratu da. Gas naturalaren eta elektrizitatearen merkatuak ere lasaitzen ari dira; gasa ia % 9 jaitsi da eta elektrizitatearen prezioa % 24 murriztuko da asteazkenean.
Brent petrolioak behera egin du etengabe asteartean. Arratsaldeko lehen orduan 90 dolarreko muga psikologikoa igaro du, Irango gerraren amaiera gertu egon daitekeela iradokitzen duten adierazpenen ondoren.
Mezu kontrajarriak bidaltzen dituen arren, AEBko presidente Donald Trumpek astelehenean adierazi zuen Irango gerra "ia amaituta" dagoela. Gainera, G7ko herrialdeak petrolio erreserbak askatzeko prest agertu dira, prezioak egonkortzeko helburuarekin.
Ormuzko itsasarteko trafikoari dagokionez, Saudi Arabiako Aramco petrolio konpainiaren zuzendariak adierazi du egun gutxi barru has daitezkeela petrolioa Itsaso Gorritik petrolioa esportatzen. Hala, Ormuzko itsasartetik barik Suezko kanaletik Mediterraneora igaroko lirateke euren ontziak.
Adierazpen horien guztien ondorioz, lehengaien merkatuak apur bat baretu dira. Brent petrolioaren kasuan egunak gorabehera batzuk izan ditu, eta maiatzean entregatzekoak diren upelen salneurriak saltoka ibili dira: une batzuetan prezioa 95 dolarreraino igo da eta beste batzuetan 86 inguruan kokatu da. Zenbateko horretan gelditu da 18:00ak inguruan.
Astelehenean 98,96 dolarretan amaitu zuen jardunaldia merkatuak, beraz, eguneko prezioaren beherakada % 12 ingurukoa izaten ari da. Hala ere, asteleheneko unerik altuenean ia 120 dolarrera iritsi zen, 2022ko otsailean Ukrainako gerra hasi zenetik izan duen preziorik altuena.
Gas naturalaren prezioak ere, behera
Petrolioaren ildo beretik, gas naturalaren prezioak ere behera egin du astelehenarekin alderatuta. Egunaren hasieran jaitsiera handia izango zela ematen zuen, % 16 egin baitu behera.
Saio erdian, ordea, beherako koska ez da hainbestekoa izan: 13:00etan, hilabetera entregatzeko gas naturalaren prezioa % 8,39 jaitsi da Herbehereetako TTF merkatuan (Europan erreferentziazkoa), megawatt orduko (MWh) 48,90 euroraino ordainduta.
Beheranzko bideari ekin badio ere, otsailaren 28an gatazka hasi zenetik % 70 inguruko errebalorizazioa metatu du gasak.
Elektrizitatea % 24 jaitsiko da asteazkenean
Azkenik, argindarraren prezioa ere egunotan baino merkeagoa egongo da asteazkenean. Handizkako merkatuan pool (tarifa arautua edo PVPCa duten kontsumitzaileentzako erreferentzietakoa) izango duen batez besteko prezioa % 24 jaitsiko da. Megawatt orduko 104,03 euro ordainduko da, hiru saiotan goranzko joera izan ondoren.
Beste behin ere, garestiago ordainduko da gaueko tartean, 21:00ak aldera, ziklo konbinatuen sarrera handiagoa izango denean. Une horretan, 250 euroan izango da.
Zure interesekoa izan daiteke
Inbertsioak eskatu dituzte Bilbon eta Gasteizen, osasun publikoa desegin ez dadin
Osasun publikoaren aldeko 68 erakundek manifestazioak egin dituzte Bilbon eta Gasteizen, EH Bildu, Podemos eta Sumar alderdien eta hainbat sindikaturen babesarekin. Protesta horietan, Alberto Martinez Osasun sailburuaren dimisioa ere eskatu dute.
ELA, LAB eta ESK sindikatuek Tubos Reunidosen enplegu-erregulazioko espedientea inpugnatuko dute
Beste ostiral batean, Tubos Reunidoseko langileek manifestazioa egin dute Amurrion, eta enpresa-batzordeko kideek azaldu dute etsituta hartu dutela Lan Ikuskaritzaren ebazpena. Hiru sindikatuk, ELAk, LABek eta ESK-k, dagoeneko iragarri dute enplegu-erregulazioko espedientea inpugnatuko dutela datorren astean.
Euskadiko BPGk urteko % 2,2ko hazkundea izan du lehen hiruhilekoan, eta % 0,5 igo da aurrekoaren aldean
Euskal ekonomiak hazkunde-erritmoari eutsi dio 2026an, eraikuntzak eta zerbitzuek bultzatuta.
Eusko Jaurlaritzak "nolabaiteko erosotasuna" ikusten du osasun arloko negoziazioan, eta asistentzian izan dezakeen ondorioen beldur da
Alberto Martínez Osasun sailburuak egoerak paziente eta herritarrentzat sortzen dituen zailtasunez ohartarazi du, eta erantzukizun handiagoa eskatu die inplikatutako aldeei. Onartu du ez duela informaziorik eta ez dela parte hartzen abian dagoen negoziazioan, eta, ohartarazi duenez, egoera hori ziurgabetasuna eta zailtasunak sortzen ari da pazienteentzat eta asistentzia-sistemarentzat. Martinezek kezka hori helarazi du Lurralde arteko Kontseiluan, eta inplikatutako alderdien erantzukizuna eskatu du.
Medikuek beste urrats bat eman dute beren aldarrikapenetan, eta aparteko orduak egiteari uzten hasi dira zenbait
Osakidetzako eta Osasunbideko medikuak beren nagusiei jakinarazten ari zaizkie ez dituztela egingo medikuek arratsaldez egiten dituzten eta itxaron-zerrendak murrizten laguntzen duten borondatezko aparteko orduak, "peonadak" izenekoak. Horrek, besteak beste, arratsaldean egiten diren kirurgiak murriztea ekarriko du.
Sindikatuek eta Jaurlaritzak talka egin dute Tubos Reunidosen etorkizunaren inguruan, argitasun faltagatik
LAB eta ESK sindikatuek Eusko Jaurlaritzaren zeregin aktiboagoa eskatu dute, eta enplegu industrialaren defentsan irmo jardutea eta abian dauden negoziazioen gardentasun handiagoa eskatu diote. Jaurlaritzak berretsi du pilatutako zor handia dela Tubos Reunidosen arazo nagusia.
Energia Agentziak ohartarazi du Europak hegazkinentzako erregai eskasia izan dezakeela sei astean
Ekialde Hurbiletik zetorren hornidura Europako hegazkinetarako erregai-inportazio garbien % 75 zen orain arte.
Babes zabala jaso du osasun publikoaren aldeko plataformek larunbaterako deitutako protestak
60 taldek baino gehiagok egin dute bat deialdiarekin. Manifestazioak 12:00etan abiatuko dira Bilbon (Jesusen Bihotza plazatik) eta Gasteizen (Bilbo plazatik), eta 17:00etan, Donostian (Boulevardetik).
Lan Ikuskaritzak ondorioztatu du Tubos Reunidoseko enplegu-erregulazioko espedienteak legea betetzen duela eta arrazoi ekonomikoak daudela
Espedienteak 240 langileri eragiten die: 177, Amurrioko lantegian, eta 63, Trapagaranen.
Etxeko hegaztien konfinamendua kendu dute, hegazti gripearen egoerak hobera egin baitu
Neurria 2025eko azarotik zegoen indarrean, eta bertan behera utzi da, kasurik ez dagoela egiaztatu baitute, eta tenperaturak gora egin duela ikusita.