EBk legatzaren eta antxoaren kuotak mantendu ditu; berdelarena, % 20 jaitsi
Europar Batasuneko Arrantza ministroek 2019rako arrantza kuotak adostu dituzte, hamazazpi orduz Bruselan negoziatzen aritu ostean. Legatzaren eta antxoaren kuotak bere horretan mantendu dituzte Kantauri itsasoan; berdelarena, aldiz, % 20 gutxitu dute.
Azkenean, 03:00ak zirenean lortu dute adostasuna.
Legatzari dagokionez, 9.257 tonako kuota ezarri dute Europar Batasunean. Kuota horretatik 5.924 tona Espainiako Estatuari dagozkio. Hasieran Europako Batzordearen proposamena kuota % 14 murriztea zen, baina Batasuneko Arrantza ministroek bost urte iraun duten murrizketekin amaitu dute. Iparraldeko legatzaren kuota, ostera, % 22,7 igo dute.
Antxoaren kuota ere mantentzea erabaki dute (29.770 tona).
Albiste onak itsas oilarrari eta txitxarroari dagokienez ere; izan ere, % 40ko eta % 18ko igoerak adostu dituzte Bizkaiko golkoan eta Kantauri itsasoan, hurrenez hurren.
Albiste txarra, ostera, berdelaren kuotaren ingurukoa da, % 20 gutxitu baitute.
Bazterkinik gabeko arrantza legea
2019ko urtarrilaren 1etik aurrera, itsasoan harrapatutako guztia porturatu beharko dute arrantzaleek, nahiz eta txikia edo kalitate eskasekoa izan.
Bestalde, elkar trukerako mekanismo bereziak adostu dituzte, nahi gabe harrapatu eta kuotarik ez duten espezieentzat. Luis Planas Arrantza ministroaren esanetan, araudi berriaren ondorioz ez da inor itsasoratu gabe geratuko.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.