Hamar eguneko greba egingo dute urtarrilean gizarte ekimeneko itunpeko ikastetxeek
Gizarte ekimeneko itunpeko ikastetxeetako sindikatuek hamar eguneko greba deialdia egin dute urtarrilerako (hilaren 16tik 25era), prentsaurreko batean iragarri dutenaren arabera.
ELA, Steilas, COO, LAB eta UGT sindikatuetako ordezkariek adierazi dutenez, patronalek (Kristau Eskola eta AICE-IZEI) ez dute akordioetara iristeko "inolako" borondaterik erakutsi. Horregatik, eta negoziazioaren mahaiaren asteazkeneko bileraren porrotaren ostean, mobilizazioetara jotzea erabaki dute.
Esan bezala, lan gatazka horrek 215 ikastetxetan dauka eragina, hau da, 9.000 langileri eta 120.000 ikasleri eragiten die.
Sindikatuek, besteak beste, lan baldintzak hobetzea, soldaten igoera eta lanpostuak bermatzea aldarrikatzen dute. Hori dela eta, patronalek "arduragabekeriaz" jokatu dutela salatu dute, azken urte honetan izandako bilera guztietan proposamen bera egin dutelako.
"Aurten grebak eta manifestazioak deitu ditugu, baina patronalaren proposamena ez da hobetu. Beraz, lanuzteen dinamika zorroztea besterik ez zaigu geratzen", adierazi dute ohar baten bidez.
Eusko Jaurlaritzak lan gatazka horren aurrean hartutako jokabideari buruz galdetuta, Miren Zubizarreta ELAko ordezkariak azaldu du patronalak daukala lan baldintzen gaineko "zuzeneko" erantzukizuna, nahiz eta "Jaurlaritzak ere baduen zer egin, azken batean, ikastetxe horiek azpikontrata bat direlako".
Hamar eguneko grebak ikasleengan eragina izango duela ere onartu du Zubizarretak, eta "kezkatuta" agertu da horren aurrean. "Dena dela, ardura hori ezin zaie langileei leporatu", nabarmendu du.
"Hamar urte daramatzagu hitzarmenik gabe; egoera patronalaren esku dago", esan du.
Albiste gehiago ekonomia
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura batetik igaroko da eta elektrizitatea trukatzeko ahalmena 5.000 megawattera bikoiztuko du. 2.850 milioiko inbertsioa du proiektuak eta Interes Komuneko Proiektu izendatu du Europar Batasunak, Europarekiko lotura "ahula" indartzea baitu helburu.
Greba mugagabea Aguraingo eta Legasako Arcelor lantegietan, uztailaren 1etik aurrera
Enplegu-erregulazioko espedientearen kontsultarako aldia amaituta dago, eta aldeek ez dute lortu elkarrekin ados jartzea. ELA sindikatuak salatu du EEE horren ondorioz zuzendaritzak 33 langile kaleratu eta Legasako lantegia itxi egingo duela.
LEA konpainiak 100 langileri eragingo liokeen aldi baterako lan-erregulazioa planteatu du
Enpresak 120 behargin ditu. Zuzendaritzak langileen ordezkariekin bilera egin du, eta aldi baterako lan-erregulazioaren proposamena helarazi die, suteak ia lantegi osoa suntsitu ondoren. Zuzendaritzaren hitzetan, enpresa-batzordeak "oso jarrera ulerkorra" izan du.
Betetzeko zailak diren Lehen Arretako 173 plaza eskainiko ditu Osakidetzak, aurreikusitakoa baino 30 gehiago
Osasun Sailak jakitera eman duenez, hautaketa-prozesua uztailean ebatziko da, "profesionalak ahalik eta azkarren has daitezen lanean osasun-zentroetan".
BBVA Euskadin duen presentzia indartzeko prest agertu da
Erakundearen arduradunek berretsi egin dute bankuak Euskadiren alde egindako apustua, eta baieztatu dute erakundea prest dagoela inbertsio-aukera berriak aztertzeko.
NATOko herrialde guztiek hartu dute konpromisoa defentsarako gastua % 5era igotzeko
Adierazpen ofizialak ez du adierazten Espainia edo beste estaturen bat salbuetsita dagoenik. Hala ere, NATOren idazkari nagusiak adierazi du bat datozela esatean ez daudela ados.
Gipuzkoako alokairuen erreferentzia-prezioen indizea uztailean egongo da martxan
Gipuzkoa izango da gune tentsionatuetako alokairuaren prezioak arautzeko indizea izango duen lehen lurraldea. Bestalde, Bilbok uztailerako atzeratu du eremu tentsionatu izendatzea, eta Gasteizek irailean hasiko ditu izapideak.
BBVAk Sabadellen akzioak erosteko eskaintzarekin jarraitzen duen erabaki behar du, Espainiako Gobernuak fusioa hiru urtera luzatzeko agindua eman ostean
Salvador Illa Generalitateko presidentea pozik agertu da, erabakiak "lehia orekatua" eta "langileen, bezeroen eta enpresen eskubideak" bermatzen dituelako.
Hiru behargin hil dira lan-istripuz 24 orduan
LAB sindikatuak salatu duenez, bi langile hil dira basolanetan ari zirela, Altsasun (Nafarroa) eta Eskoriatzan (Gipuzkoa). Beste batek istripu ez traumatikoa izan du, Donostian.
Donostiako Gizarte Ekintzako greba bertan behera utzi dute, aurreakordioa itxi ostean
Akordioa azken hilabeteetan mobilizazio ugari eta 12 greba egun egin ondoren erdietsi da. Lan-gatazka urte hasieran hasi zen.