Gizarte ekimeneko itunpeko ikastetxeek protestei eutsiko diete aurrerapausorik ezean
Gizarte ekimeneko itunpeko ikastetxeetan sindikatuek jakinarazi dutenez, % 60 eta % 65 artekoa izan da ELAk, Steilasek, CCOOk, LABek eta UGTek deitutako hirugarren greba egunaren jarraipena, eta iragarri dute lanuzte gehiago egingo dituztela, baldin eta patronalek irtenbiderik ematen ez badiete. Lanuztearen helburua zen lan-hitzarmen berria eskatzea.
ELA sindikatuko iturriek adierazi dute gaurko greba eguna "atzokoaren oso antzekoa" izan dela, eta ostiraleko hitzordua ere arrakastatsua izatea espero dute. Hain zuzen ere, egun horretan egingo dute azken greba eguna.
Iturri horien arabera, datuek "argi erakusten dute" sektore horretan lanean dihardutenek "bere egiten dituztela aldarrikapenak", eta bat datozela mobilizazioak eta lanuzteak egiteko ideiarekin.
"Hamar urtetan ez dizkiete baldintzak hobetu, beraz, logikoa da protesta egitea. Horregatik, albiste ona da grebak jarraipen handia izatea. Langileak zoriondu beharrean gaude", gaineratu dute ordezkari sindikalek.
Halaber, oraingoz, "nobedaderik" ez dagoela nabarmendu dute. "Mobilizazioek eta presioak aurrerapausoak ematen lagunduko duten itxaropena dugu", esan dute.
Hirugarren greba egun honetan elkarretaratzeak egin dituzte EAEko hiriburuetan, atzo bezala. Gainera, Bilbon, Donostian, Gasteizen eta Bizkaiko Ezkerraldean autoekin protesta egin dute, ilarak sortuz.
Bestalde, ostiralerako, alegia, azken greba egunerako, manifestazioa deitu dute Gasteizen. 11:30ean hasiko da martxa Bilbo Plazatik.
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.