Itunpeko ikastetxeetako grebak % 65eko jarraipena izan du, sindikatuen arabera
Euskal Autonomia Erkidegoko (EAE) gizarte ekimeneko ikastetxeetako gaurko greba % 60ko jarraipena izaten ari da, sindikatu deitzaileek emandako datuen arabera. Gaur hasi eta ostiralera bitartean, Hezkuntzako bost sindikatu nagusiek (ELA, LAB, Steilas, CCOO eta UGT) lau greba-egun dituzte, besteak beste, hamar urte berritu gabe daraman lan-hitzarmena berritzea eskatzeko.
Gizarte ekimeneko ikastetxeetako ia 9.000 langile daude grebara deituta. Grebak 120.000 ikasleri eta 215 ikastetxeri eragingo die; itunpeko irakaskuntzaren % 70i (ikastolak ez dira sartzen).
Iazko ikasturtean hiru greba-egun egin zituzten, eta aurtengoan bi greba-egun deitu zituzten urrian. Patronalarekin egindako negoziazioetan aurrerapausorik izan ez dela iritzita, sindikatuek beste lau lanuzte deitu dituzte azaroaren 27tik 30era.
Itunpeko irakaskuntza zentroen % 70 gizarte ekimenekoak dira (ikastolak ez dira sartzen).
Grebarekin bat egin duten langileek manifestazioa egin dute goizean Bilbon, Jesusen Bihotza plazatik abiatuta. Sindikatuek emandako datuen arabera, 5.000 pertsona inguruk parte hartu dute mobilizazioan.
Sindikatuek berriro ere nabarmendu dutenez, sektoreko patronalaren (Kristau Eskola eta AICE-IZEI) proposamena ez da beraien eskakizunetara gerturatzen.
Soldatak eta lan-baldintzak hobetzea eskatzen dute. Zehazki, honako eskaerak plazaratu dituzte: langileen erosahalmena berreskuratzea, Derrigorrezko Bigarren Hezkuntzako hezitzaileen soldata parekatzea, enpleguari eusteko akordioa hitzartzea, eta jaiotza-tasaren beherakadaren ondorioz itxi daitezkeen ikasgelen ondorioz gal daitezkeen postuei eustea.
ETBren bideo batetik ateratako irudia
Finantzazio falta eta langileen aldarrikapenak sare kontzertatua arriskuan jartzen ari dira, Kristau Eskolaren esanetan
Kristau Eskolak gaur ohartarazi duenez, finantzazio faltak eta langileen eskakizunek arriskuan jartzen dute hezkuntza sistema kontzertatua.
Bilbon eskainitako prentsaurrekoan, patronalak sindikatuei aurkeztutako azken proposamena defendatu du Mikel Ormazabal Kristau Eskolako zuzendariak. Azken proposamen horretan, soldata funtzio publikoan aurreikusitakoa baino gehiago igotzea aurreikusten da.
Ormazabalen sanetan, sindikatuen eskaerak "ulergarriak" izan daitezke, baina horiei erantzuna emateko "finantziazioa behar da". Langileek erosahalmena galdu dutela onartu ostean, Eusko Jaurlaritzaren aldetik duela hamar urte adina diru jasotzen dutela salatu du.
Bestalde, langileen eta patronalaren arteko gatazka ez ezik, Eusko Jaurlaritzarena ere badela nabarmendu du.
Itunpeko hezkuntzaren finantziazioa legean dagoela gogorarazi du Erkorekak
Josu Erkoreka Eusko Jaurlaritzako bozeramaileak Kristau Eskola patronalari erantzun dio. Itunpeko hezkuntzaren finantziazioa adostu eta legean dagoela gogorarazi dio Erkorekak. Jaurlaritzako bozeramailearen ahotan, ez da Exekutiboaren “burutazio” bat edo aldebakarreko erabakia.
Patronalaren eta langileen arteko gatazka bat dela errepikatu du Erkorekak, eta Administrazioa ez dago “zuzenean inplikaturik”. “Itunpeko eskola beharginen ordezkariekin akordio bat lortzen saiatu behar da”, azpimarratu du.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.