Milaka pentsiodun atera dira kalera politikariei neurriak eskatzeko
Milaka pertsona kalera atera dira gaur berriro Hego Euskal Herriko hiriburuetan pentsioei buruzko aldarrikapenekin alderdi politikoei presioa egiteko hauteskunde kanpainaren erdian.
Pentsiodunek bozketan izango duten garrantzia gogorarazi diete alderdi politikoei mobilizazioetan.
"Ez diogu izen eta abizena jarri nahi bozkatu behar zaionari edo bozkatu behar ez zaionari", baina "deialdi orokorra egingo dugu" pentsionisten aldarrikapenen kontrako adierazpenak egiten dituzten alderdiei ez bozkatzeko, azaldu du Jon Fano kolektiboaren ordezkariak Bilbon.
Bizkaiko hiriburuan 10.000 lagun elkartu direla jakinarazi du Udaltzaingoak, eta jai giroan egin dute manifestazioa, pentsio "duinak" eskatzen zituen pankartaren atzean.
Mugimenduaren bozeramaileek azpimarratu dute kolektiboak duela urtebetetik eskatzen duela KPIren igoera bermatzea, eta gutxieneko 1080 euroko pentsioa ezartzea. Lan erreformaren eta diru-laguntzak bizi itxaropenari lotzearen aurka ere agertzen dira.
Donostian ere milaka lagun elkartu dira hirigunean "pentsio publiko duinak" eskatzeko.
Mila bat pentsiodun atera dira gaur kalera Gasteizen Arabako jubilatuen elkarteak deituta, euren eskariak gogorarazi eta politikariei "altu eta garbi" esateko euren botoa eurak "defendatzen dituztenei" emango dietela.
"Pentsio publiko duinak" zioen pankartaren atzean, Gasteizko kale nagusietan egin dute protesta pentsiodunek, lepoko arrosak jantzita eta "gobierne quien gobierne las pensiones se defienden" eta antzeko leloak aldarrikatuz.
Juan Antonio Armentia Arabako pentsiodunen bozeramaileak argi esan du apirilaren 28ko zein maiatzaren 26ko hauteskundeetan "pentsioak jokoan" direla, hein handi batean.
"Beharrezkoa da botoa ematea, ateratzen dena gure irizpideen aldekoagoa edo kontrakoagokoa izan baitaiteke" adierazi du Armentiak. Armentiak gaineratu du sentsazioa duela komunikabideak "erlaxatu" egin direla gai honen inguruan, eta politikariak "euren artean mokoka" dabiltzala beste gai batzuekin, "Kataluniako auzia dela eta ez dela, adibidez".
Manifestazioaren amaieran oharra irakurri dute, eta argi eta garbi esan dute jubilatuek "eskari justuak" asetzen dituztenei emango dietela botoa. Eskari horien artean pentsio publikoen sistema blindatzea, 1.080 euroko gutxiengoko pentsioa ezartzea, genero arrazoiengatik pentsioetan dagoen arrakalarekin amaitzeko neurriak hartzea eta lan erreforma bertan behera uztea aipatu dituzte, besteak beste.
Manifestazioa egin dute Iruñean ere, "egungo eta etorkizuneko pentsiodunen eskubideak" aldarrikatzeko, "datozen hauteskunde prozesuen ostean osatzen diren gobernuen gainetik".
Zure interesekoa izan daiteke
Azken hamarkadan, nabarmen handitu da hipotekarako eskatzen dugun diru-kopurua: % 30 gehiago
Azken hamarkadan, etxebizitza ordaindu ahal izateko hipoteken zenbatekoak gora egin du Euskadin, Nafarroan eta Espainian. Izan ere, 2024. urtean azken hamarkadako markak hautsi ditugu.
Etxebizitzen eraikuntza baratza den arren... Salerosketen kopurua zifra historikoetan dago EAEn eta Nafarroan
Euskadi 80ko hamarkadako erritmoan ari da eraikitzen, eta, hala ere, maximo historikoak gainditu ditu etxeen salerosketa-kopuruari dagokionez. Hori lortzeko, batez ere, bigarren eskuko etxebizitzen merkatua ari da mugitzen: saltzen diren etxeen % 85 ez dira berriak.
Nolakoak dira eraikitzen ari diren etxebizitza berriak?
Eraikitzen diren etxebizitzetatik zenbat dira babestuak? Eta, libreak? Zenbat dira ohiko etxeibizitzak? Eta zenbat daude bizilagunik gabe? Galdera horiek eta beste batzuek EITB Dataren azken txostenean dute erantzuna.
Alokairuak gora egin du Hego Euskal Herria: sei etxetatik baten horrela bizi dira
EITB Dataren arabera, azken hamarkadan, Euskadin, Nafarroan eta Espainian alokairuan bizi diren etxebizitzen ehunekoa sei puntu inguru igo da.
Metro koadroa duela hamar urte baino % 35 garestiagoa da gaur egun Euskadin
Albiste honen barruan aurkituko duzun mapa interaktiboan, nabigatu dezakezu bizi zaren eremu funtzionaleko metro koadroaren prezioa zein den jakiteko: Donostiak jarraitzen du ranking horren buruan, eta ondoren datoz Getxo, Donostialdea eta Mungialdea.
Kamioilariek protesta egin dute Iruñean, "Bidesariei ez" lelopean
Ehun kamioilari baino gehiago bildu dira protestan larunbat honetan Iruñean. Garraiolari nafarrak bidesariak "inposatzearen aurka" agertu dira, eta hauek eskatu dituzte: "bidezko fiskalitatea, azpiegituretan hobekuntzak, belaunaldien arteko erreleboa eta garraiolarien duintasun profesionala bermatuko duten neurri eraginkorrak".
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.
Talgo eta Sidenor, euskal industriaren bi erraldoi
Lehenengoa erreferentea da tren-sektorean; bigarrena, berriz, liderra da siderurgian.
Sidenor buru duen partzuergoak Talgoren % 29,76ren erosketa itxi du 156 milioiren truke
Balore Merkatuaren Batzorde Nazionalak (CNMV) behin-behinean eten du Talgoren kotizazioa, Sidenorrek gidatutako partzuergoak Pegasorekin sinatutako akzioen salerosketa-kontratua sinatu ondoren. Eragiketak otsailean lortutako aurreakordioa berretsi du, eta erosketaren azken faseari ekin dio.