Etxegabetze kopurua % 41 jaitsi da Nafarroan eta % 1,7 EAEn
2019ko lehen hiruhilekoan, alokairua edo hipoteka ez ordaintzeagatik izandako kaleratzeen kopuruak % 41,7 egin du behera Nafarroan, eta % 1,7, berriz, EAEn. Honela, Botere Judizialaren Kontseilu Nagusiaren Estatistika Sailaren arabera, guztira 315 etxegabetze gauzatu dira Hego Euskal Herrian, iaz baino % 10,8 gutxiago.
EAEko eta Nafarroako epaitegi eta auzitegietan Hiri Errentamenduen Legean araututako 311 altxamendu gauzatu dira, ordaindu gabeko alokairuengatik bereziki.
Nafarroan, hipoteka exekuzioen kopuruak % 35,2 egin du behera, 2018an 54 izatetik 35 izatera jaitsi baita. Txosten horren arabera, ohartarazpenen kopuruak % 23,2 egin du gora urtarriletik martxora; guztira 1.525 ohartarazpen izan dira, eta 1.238 izan ziren iaz epe berean.
Bestalde, 2019ko lehen hiru hilabeteetan, 210 demanda aurkeztu dira kaleratzeengatik, 2018an baino zortzi gehiago. Gainera, lan-arloko epaitegiek 321 demanda jaso dituzte zenbatekoa erreklamatzeko; beraz, % 8,4 egin dute gora.
Alokairua ez ordaintzeagatik izandako etxegabetze kopuruaren beherakada ez dator bat Espainian gertatutakoarekin; izan ere, Estatu mailan 10.224 egin dituzte (aurreko urteko epe berean baino % 5,2 gehiago).
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.