Loiuko aireportuko langileek grebara joko dute datorren astelehenean
Loiuko aireportuko langileek greba egingo dute datorren astelehenean, lan baldintzak okertu egin direla salatzeko. Langile batzordeak eta Aenako ordezkariek bilera egin dute goizean Lan Harremanetarako Kontseiluan, baina ez dute inolako urratsik eman.
Guztira, 24 orduko 14 lanuzte deitu dituzte uztailean, abuztuan eta irailean. Astelehenean, lanuzteaz gain, elkarretaratzea egingo dute eguerdian aireportuko sarrera nagusian, 'Enplegu gehiago, prekarietate gutxiago; negoziazio gehiago, inposizio gutxiago' lelopean.
Forondako eta Hondarribiko aireportuetako enpresa batzordeen babesa jaso dute Loiuko langileek.
Sindikatuetako iturriek azaldu dutenez, gaurko bilerak lau orduko iraupena izan du, baina ez da inolako aurrerapenik izan. "Aenak dio Bilboko aireportuan ez dagoela inolako beharrizanik, langileak pribilegiatu batzuk garela eta bere garaian egindako akordioak ez betetzeko arrazoia 'gauzak aldatu egin direla' dela", kritikatu dute.
"Adarjotzea da; nazkatuta, estresatuta eta lanez gainezka gaude; aireportuko lan giroa jasanezina da", salatu dute.
Negoziatzeko borondatea berretsi dute sindikatuek, baina Aenak orain arte erakutsi duen jarrera ikusita, gaurtik astelehenera bitartean ezer aldatuko ez dela eta lehendabiziko greba egin egingo dela azpimarratu dute.
Albiste gehiago ekonomia
Euskal pentsiodunek manifestazioa egingo dute hilaren 20an, Jaurlaritzak pentsioen osagarriari buruzko HELa baztertu ostean
EAEko pentsiodunek manifestazioa egingo dute Bilbon (Jesusen Bihotzetik, 18:00etan), Donostian (Boulevardetik, 12:00etan) eta Gasteizen (Artiumen plazatik, 12:00etan).
Etxebizitzaren prezioa % 12,4 garestitu da urteko bigarren hiruhilekoan Euskadin, eta % 12 Nafarroan
Espainian, oro har, etxebizitzen prezioaren igoera urte arteko % 12,7an kokatu da. Etxebizitza motaren arabera, bigarren eskukoa % 12,8 garestitu da eta berria % 12,1.
Balore Merkatuaren Espainiako Batzordeak onespena eman dio BBVAk Sabadell erosteko egindako eskaintza publikoari
Ikuskatzaileak uste du eskaintzaren baldintzak bat datozela indarrean dauden arauekin, eta nahikotzat jo du BBVAk aurkeztutako azalpen-liburuxkaren edukia.
Denis Itxaso: "EAEko biztanleriaren % 50 baino gehiago egongo da tentsio handiko etxebizitza-eremuaren babesean urritik aurrera"
Radio Euskadin egindako elkarrizketa batean, Eusko Jaurlaritzako Etxebizitza eta Hiri Agendako sailburu Denis Itxasok esan du Bilbo tentsio handiko etxebizitza-eremu gisa onartu dutela, eta Gasteiz ere zerrendan sar daitekeela. Beste udalerri batzuk sartuta, sailburuaren arabera, Jaurlaritzaren helburua gaindituko da; EAEko biztanleriaren % 50 babestea babes-figura horren bidez. (Jatorrizkoa: Gaztelaniaz)
BetiOn arreta zerbitzuak langileen aurkako erasoak eta babes falta salatu ditu
Sindikatuek beharginen osasunarekin "ez jolasteko" eskatu diete enpresari eta Eusko Jaurlaritzari, eta protesta elkarretaratzea deitu dute irailaren 9rako.
Bilbo tentsio handiko eremu da jada
Euskal Herriko Agintaritzaren Aldizkariak (EHAA) gaur argitaratu du Bilbo etxebizitza gune tentsionatu izendatzeko agindua; alokairuen prezioa kontrolatzeko aukera emateaz gain, etxebizitza plan berezi bat martxan jartzea ahalbidetuko du izendapenak. Besteak beste, 2028rako 1.090 etxebizitza eraikitzea aurreikusten da.
Nafarroak iruzurraren aurkako plana onartu du, NaTicket ezarrita
Foru Gobernuak NaTicket izeneko programa aplikatuko du hurrengo hiru urteetan, Euskadiko TicketBAI sistemaren antzekoa, fakturazioa unean-unean kontrolatzeko.
Ryanairrek % 2 murriztuko du Forondako hegaldi kopurua neguan, eta ez du jardungo Santiago, Vigo eta Tenerifeko aireportuetan
Alacant, Brusela, Malaga, Milan, Palma eta Sevillarako hegaldiak ditu Ryanairrek Forondako aireportuan. Doitze-neurri horren ondorioz, milioi bat plaza baino gehiago galduko dira, udako denboraldian galdutako 800.000 plazez gain.
Maderas de Llodiok langileen batzordeari adierazi dio kaleratze kolektiboa ezartzekotan daudela
LAB sindikatuak adierazi duenez, datorren asteartean, hilak 9, bilera bat dute enpresaren zuzendaritzarekin, baina batzordeak eskatu du kaleratze kolektiboaren prozedura berehala bertan behera utz dezaten. Momentuz, ez dakite 151 langileetako zenbati eragingo liokeen neurriak.
Arabako Errioxako ardoak, txakolinak eta sagardoak Mexikora bidaiatu dira, Euskadi globalaren enbaxadore gisa
Amaia Barredo sailburua Mexiko Hirian da 23 euskal upeltegiren ordezkaritzarekin batera, euskal gastronomiaren kalitate eta bikaintasun zigiluarekin merkatu berriak irekitzeko asmoarekin.