Bertan behera geratu dira Loiuko aireportuko lanuzteak, bi aldeek akordioa lortuta
Aenako langileek Loiuko aireportuan deituta zituzten lanuzteak bertan behera geratu dira, patronalak eta sindikatuek akordioa lortu ondoren.
Sindikatuek eta Aenako ordezkariek bilera egin dute goizean, eta langileek onartu egin dute enpresak mahai gainean jarritako azken proposamena.
CCOO, ELA, LAB eta USO sindikatuek deitu zituzten lanuzteak, langile kopurua areagotzea eskatzeko, aireportuko lan kargak gora egin duelako. Igande honetan bertan greba egin behar zuten.
Ostiral honetan aldeek bilera berria egin dute. Aenak proposamen berri bat jarri du mahai gainean, eta langileen batzarrak onartu egin du. Ondorioz, Aenako beharginek lanuzteak bertan behera uztea erabaki dute.
Konkretuki, 24 orduko greba egin behar zuten uztailaren 21, 25, 28 eta 31n, abuztuaren 15, 18, 25 eta 31, eta irailaren 1ean. Gainera, arratsaldeko seietatik gauerdira arte lanuzteak deitu zituzten uztailaren 24rako eta abuztuaren 1 eta 14rako.
Bi aldeek egindako akordioaren arabera, hainbat arlotan lantaldeak handituko dituzte eta beste askotan langile gehiago izateko aukera aztertzeko konpromisoa hartu dute.
Segurtasunaren arloan, berriz, ez dira ados jarri eta Aenak uko egin dio suhiltzaileen lantaldea handitzeari. Gauzak horrela, eta lanuzteak bertan behera utzi arren, batzorde mistoa osatuko dute aurrerantzean ere negoziatzen segitzeko.
Langileen batzordeak azpimarratu du mobilizazioak erabakigarriak izan direla gatazka honetan eta, ondorioz, zuzendaritzari "jarrera aldatzeko" eta "harremanak normalizatzeko" eskatu dio, "azken urteotako autoritarismoa albo batean utzita".
Legez kanpoko zerbitzu minimoak
Bestalde, Bilboko lan-arloko epaitegiak oinarrizko eskubideen inguruko epaia igorri zuen iragan asteartean. Epaiketa astelehenean egin zuten. Loiuko aireportuko langileek greban bete beharreko gutxieneko zerbitzuei buruzko ebazpena argitaratu zuen Sustapen Ministerioak.
Aenak eta aireportuko zuzendaritzak egin zuten irakurketa "legez kontrakoa" izan dela ebatzi zuen epaitegiak. Gainera, "jokabide horrekin jarraitzea espresuki debekatu zien" biei.
Albiste gehiago ekonomia
Euskal pentsiodunek manifestazioa egingo dute hilaren 20an, Jaurlaritzak pentsioen osagarriari buruzko HELa baztertu ostean
EAEko pentsiodunek manifestazioa egingo dute Bilbon (Jesusen Bihotzetik, 18:00etan), Donostian (Boulevardetik, 12:00etan) eta Gasteizen (Artiumen plazatik, 12:00etan).
Etxebizitzaren prezioa % 12,4 garestitu da urteko bigarren hiruhilekoan Euskadin, eta % 12 Nafarroan
Espainian, oro har, etxebizitzen prezioaren igoera urte arteko % 12,7an kokatu da. Etxebizitza motaren arabera, bigarren eskukoa % 12,8 garestitu da eta berria % 12,1.
Balore Merkatuaren Espainiako Batzordeak onespena eman dio BBVAk Sabadell erosteko egindako eskaintza publikoari
Ikuskatzaileak uste du eskaintzaren baldintzak bat datozela indarrean dauden arauekin, eta nahikotzat jo du BBVAk aurkeztutako azalpen-liburuxkaren edukia.
Denis Itxaso: "EAEko biztanleriaren % 50 baino gehiago egongo da tentsio handiko etxebizitza-eremuaren babesean urritik aurrera"
Radio Euskadin egindako elkarrizketa batean, Eusko Jaurlaritzako Etxebizitza eta Hiri Agendako sailburu Denis Itxasok esan du Bilbo tentsio handiko etxebizitza-eremu gisa onartu dutela, eta Gasteiz ere zerrendan sar daitekeela. Beste udalerri batzuk sartuta, sailburuaren arabera, Jaurlaritzaren helburua gaindituko da; EAEko biztanleriaren % 50 babestea babes-figura horren bidez. (Jatorrizkoa: Gaztelaniaz)
BetiOn arreta zerbitzuak langileen aurkako erasoak eta babes falta salatu ditu
Sindikatuek beharginen osasunarekin "ez jolasteko" eskatu diete enpresari eta Eusko Jaurlaritzari, eta protesta elkarretaratzea deitu dute irailaren 9rako.
Bilbo tentsio handiko eremu da jada
Euskal Herriko Agintaritzaren Aldizkariak (EHAA) gaur argitaratu du Bilbo etxebizitza gune tentsionatu izendatzeko agindua; alokairuen prezioa kontrolatzeko aukera emateaz gain, etxebizitza plan berezi bat martxan jartzea ahalbidetuko du izendapenak. Besteak beste, 2028rako 1.090 etxebizitza eraikitzea aurreikusten da.
Nafarroak iruzurraren aurkako plana onartu du, NaTicket ezarrita
Foru Gobernuak NaTicket izeneko programa aplikatuko du hurrengo hiru urteetan, Euskadiko TicketBAI sistemaren antzekoa, fakturazioa unean-unean kontrolatzeko.
Ryanairrek % 2 murriztuko du Forondako hegaldi kopurua neguan, eta ez du jardungo Santiago, Vigo eta Tenerifeko aireportuetan
Alacant, Brusela, Malaga, Milan, Palma eta Sevillarako hegaldiak ditu Ryanairrek Forondako aireportuan. Doitze-neurri horren ondorioz, milioi bat plaza baino gehiago galduko dira, udako denboraldian galdutako 800.000 plazez gain.
Maderas de Llodiok langileen batzordeari adierazi dio kaleratze kolektiboa ezartzekotan daudela
LAB sindikatuak adierazi duenez, datorren asteartean, hilak 9, bilera bat dute enpresaren zuzendaritzarekin, baina batzordeak eskatu du kaleratze kolektiboaren prozedura berehala bertan behera utz dezaten. Momentuz, ez dakite 151 langileetako zenbati eragingo liokeen neurriak.
Arabako Errioxako ardoak, txakolinak eta sagardoak Mexikora bidaiatu dira, Euskadi globalaren enbaxadore gisa
Amaia Barredo sailburua Mexiko Hirian da 23 euskal upeltegiren ordezkaritzarekin batera, euskal gastronomiaren kalitate eta bikaintasun zigiluarekin merkatu berriak irekitzeko asmoarekin.