Iberiako langileek lan-etenaldiak egingo dituzte Loiun bihartik aurrera
Loiuko Aireportuan lan egiten duten Iberiako 270 beharginek hiru lanuzte-egun egingo dituzte bihartik (asteazkena) ostiralera arte, UGT sindikatuak eitb.eus-i jakinarazi dionez.
Lan-etenaldiak bederatzi ordukoak izango dira egunero, asteazken, ostegun eta ostiralean, eta "astelehen eta ostiralero errepikatuko dira, konpainiak langileen aldarrikapenei erantzuten ez badie".
Langileek lan-baldintzak hobetzea eskatzen dute; lanaldiko orduak "zuzen banatzea, familia eta lana uztartzen lagun dezaten", eta behin-behineko langileentzat "gutxienez bi orduko lanaldiak" ezartzea, "enpresak ordubeteko kontratuak egiten baititu eta hori ezinezkoa baita". Halaber, lan-kontratu finkoak eskatzen dituzte enpresan lanean 14 urte eman dituzten behin-behineko langileentzat.
Iberia, Vueling, Lufthansa, British Airways eta Aer Lingus edo Groundforce enpresetako hegaldi askori eragingo die lanuzteak. Izan ere, aireportuko zerbitzu asko bertan behera geldituko dira: txartelen eta maleten kudeaketa, hegazkineratzeko zerbitzua, maleten karga eta deskarga, hegazkinen eskailerak eta horiek pisten artean mugitzeko atoiontzien zerbitzuak, eta abar.
Protestaren helburua ez da soldatak igotzea izango, baizik eta lan baldintzak hobetzea. Aireportu horretan asko igo da bidaiari kopurua eta, hortaz, lan zama.
Sustapen Ministerioak ezarritako zerbitzu minimoek eragin ezberdina izango dute hegaldien ibilbidearen arabera, baina, oro har, "uharteetara egindako hegaldi nazionalak errespetatu beharko ditugu, baita Estatu mailan egiten diren hegaldien % 54 eta gertukoenen % 32 zein babestutako beste hainbat hegaldi ere".
Ez dute aurreikusi hegaldiak bertan behera geratuko direnik
Iberiak, bestalde, ez du aurreikusten hegaldiak bertan behera geratu direnik bihar langileek egingo duten greba dela eta, enpresako iturriek EFEri adierazi diotenez.
Iberiak 270 bat langile ditu aireportuko instalazioetan lanean, baina Iberiarentzat ez ezik, beste enpresa batzuentzat ere lan egiten dute; IAG, Vueling (bidaiari gehien mugitzen dituena), British Airways eta Lufthansarentzat, besteak beste.
Agiri batean, Iberiak nabarmendu du "bere esku dagoen dena" egingo duela lan-etenaldien eragina ahalik eta txikiena izateko, hegaldietan eta bidaiariengan. Enpresak, aldez aurretik, barkamena eskatu die zerbitzua ematen dien aire-lineei eta bidaiariei.
Iberiak dio "ahal izan duena" egin duela lanuzteak ekiditeko, eta horregatik bildu egin dela Greba Batzordearekin eta eskatu egin duela Eusko Jaurlaritzaren bitartekaritza (UGTk baztertu du proposamen hori). Iberiaren iritziz, ez dago sindikatuen eskari gehienak negoziatzerik Bilboko Greba Batzordearekin, batzorde horren eskumen-arlotik kanpo daudelako; adibidez, kontratuen eraldatzearekin lotutako eskariak, ez ordaindutako baimenen gaineko artikuluei buruzkoak, atseden-epeen gainekoak, lanegunak, oporrak, edo jaiegunak. Kontua da gai horiek lurreko langile guztiekin negoziatu dituela konpainiak, Hitzarmen Kolektiboan.
Dena dela, Iberiak esan du prest dagoela entzuteko, azken minutura arte, hobekuntza- eta negoziazio-proposamen guztiak.
Zure interesekoa izan daiteke
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.
KPIa bost hamarren moteldu da espainiar estatuan urtarrilean, % 2,4raino
Hiru hilabetez jarraian jaitsi da KPIa, 2025eko urrian azken 16 hilabeteetan izandako igoerarik handiena ( % 3,1) jasan ostean.
Lanbide arteko gutxieneko soldata % 3,1 igotzea adostu du Espainiako Gobernuak CCOO eta UGT sindikatuekin
CEOE eta Cepyme patronalek ez dute igoera babestu. Lanbide arteko gutxieneko soldata hilean 1.221 eurokoa izango da (14 paga), 518 euro gehiago urtean, eta neurriak atzerako eragina izango du 2026ko urtarrilaren 1etik aurrera.
Traktoreak kalera atera dira gaur Bilbon, Iruñean eta Gasteizen, EBren eta Mercosurren arteko akordioaren aurka
Bilbon San Mameseko zabalgunean elkartu dira 10:00etan, Gasteizen 10:30ean irten dira Eusko Jaurlaritzaren egoitzatik, eta Iruñean manifestazioa egingo dute, 17:00etan, Baluarteko plazatik abiatuta.
Jose Antonio Jainagak Talgoren presidentetza hartu du Carlos Palacio ordezkatuta
Enpresaria Arabako konpainiako aholkularia zen euskal partzuergoak erosi zuenetik.
LABek grebara deitu ditu EAEko eskola publikoetako jangeletako langileak otsailaren 24, 25 eta 26rako
Hitzarmen esparru horretan gehiengoa duen sindikatua da LAB, eta gainerako sindikatuei dei egin die mobilizazioekin bat egin dezaten.
Bilbobusek tarifak eguneratuko ditu otsailaren 1etik aurrera, eta Barik txartelaz egindako bidaiak 0,73 euroan egongo dira
Prezio berriak indarrean sartutakoan, joanaldiko txartelaren prezioa 1,50 eurotik 1,70 eurora igoko da.
Alokairuak % 8,6 egin du behera eremu tentsionatutzat jotako udalerrietan Nafarroan
Erregulazio berriari esker, batez besteko prezioa 849 eurotik 775 eurora jaitsi da, eta ez du eskaintzan eraginik izan.
Alderdiek pentsioak "trukerako txanpon" gisa ez erabiltzea eskatu dute pentsiodunek PPren egoitzen atarian
Euskal Herriko Pentsiodunen Mugimenduak elkarretaratzeak deitu ditu Hegoaldeko hiriburuetan, "PP, Vox, Junts eta UPNk, eskuinak eta ultraeskuinak" pentsioak igotzeko dekretuari uko egiteagatik "haserre" daudela adierazteko. Izan ere, joan den asteartean, alderdi horiek eman zioten kontrako botoa Kongresuan aurtengo pentsioen igoera jasotzen zuen lege-dekretuari.