Bi hegaldi bertan behera Loiun, lurreko langileen greba tarteko
Arratsaldean abiatzekoak eta heltzekoak ziren bi hegaldi bertan behera utzi behar izan dituzte Loiuko aireportuan, Iberiako lurreko langileen 24 orduko greba tarteko. Gainera, atzerapenak eragin ditu beste lau hegalditan. UGT sindikatuak deitu zuen iganderako lanuztea.
Horrela, 16:00etan Barajasko aireportutik abiatzekoa zen hegaldi bat eta 17:45ean Bilbotik aireratu behar zuen beste bat bertan behera geratu dira. Aurrenak ordubete geroago lur hartu behar zuen Loiun, eta bigarrenak 18:55 aldera Madrilen. Hegazkin berak egin behar zituen loturak.
Gainera, grebak atzerapenak eragin ditu Bilbo-Bartzelona, Bilbo-Madril, Bilbo-Sevilla eta Bilbo-Londres goizeko hegaldietan. 15-20 minutuko atzerapenarekin aireratu dira.
UGTko iturriek zehaztu dutenez, grebaren jarraipena % 60-70 ingurukoa izan da. 270 langile deituta zeuden greba egitera.
Beharginen erantzunarekin pozik agertu da sindikatua, eta "ia % 80-90eko" gutxieneko zerbitzuak inposatu izana salatu du.
Iberia enpresako Bilboko langileek igandean zein astelehenean 24 orduko greba egitea adostu zuten batzarrean aho batez iragan ostiralean, Loiuko aireportuaren "problematika" konpontzeko enpresak aurkeztutako azken eskaintza "nahikoa ez" zela iritzita.
Bitartekaritza iragan asteartean hasi zela jakinarazi du UGTk, eta datorren astean enpresarekin berriz biltzea espero dute. Era berean, enpresak "jarrera horrekin jarraituz gero", langileek lanuzteekin aurrera jarraituko dutela nabarmendu du sindikatuak.
"Gehiegizko lan kargak, lanpostuen egonkortasun eza, prekarietatea eta estresa" salatu dituzte beharginek, "lan egutegi onartezinak direlako eta horiek, gainera, ez direlako betetzen".
Bestalde, familia eta lan-bizitza bateratzeko txandak antolatzea eskatzen diote enpresari. Lanuzteak bertan behera utzi ahal izateko "gutxienekoa" aldarrikatzen ari direla azpimarratu du UGTk: behin-behineko beharginei bi orduko lanaldia bermatzea, "batzuetan ordubete lan egiteko deitzen dituztelako".
Astelehen honetan 24 orduko greba berri bat egitera deitu dituzte Iberiako langileak, eta aireportuko hallean elkarretaratzea egingo dute 14:00ak aldera.
Albiste gehiago ekonomia
Euskal pentsiodunek manifestazioa egingo dute hilaren 20an, Jaurlaritzak pentsioen osagarriari buruzko HELa baztertu ostean
EAEko pentsiodunek manifestazioa egingo dute Bilbon (Jesusen Bihotzetik, 18:00etan), Donostian (Boulevardetik, 12:00etan) eta Gasteizen (Artiumen plazatik, 12:00etan).
Etxebizitzaren prezioa % 12,4 garestitu da urteko bigarren hiruhilekoan Euskadin, eta % 12 Nafarroan
Espainian, oro har, etxebizitzen prezioaren igoera urte arteko % 12,7an kokatu da. Etxebizitza motaren arabera, bigarren eskukoa % 12,8 garestitu da eta berria % 12,1.
Balore Merkatuaren Espainiako Batzordeak onespena eman dio BBVAk Sabadell erosteko egindako eskaintza publikoari
Ikuskatzaileak uste du eskaintzaren baldintzak bat datozela indarrean dauden arauekin, eta nahikotzat jo du BBVAk aurkeztutako azalpen-liburuxkaren edukia.
Denis Itxaso: "EAEko biztanleriaren % 50 baino gehiago egongo da tentsio handiko etxebizitza-eremuaren babesean urritik aurrera"
Radio Euskadin egindako elkarrizketa batean, Eusko Jaurlaritzako Etxebizitza eta Hiri Agendako sailburu Denis Itxasok esan du Bilbo tentsio handiko etxebizitza-eremu gisa onartu dutela, eta Gasteiz ere zerrendan sar daitekeela. Beste udalerri batzuk sartuta, sailburuaren arabera, Jaurlaritzaren helburua gaindituko da; EAEko biztanleriaren % 50 babestea babes-figura horren bidez. (Jatorrizkoa: Gaztelaniaz)
BetiOn arreta zerbitzuak langileen aurkako erasoak eta babes falta salatu ditu
Sindikatuek beharginen osasunarekin "ez jolasteko" eskatu diete enpresari eta Eusko Jaurlaritzari, eta protesta elkarretaratzea deitu dute irailaren 9rako.
Bilbo tentsio handiko eremu da jada
Euskal Herriko Agintaritzaren Aldizkariak (EHAA) gaur argitaratu du Bilbo etxebizitza gune tentsionatu izendatzeko agindua; alokairuen prezioa kontrolatzeko aukera emateaz gain, etxebizitza plan berezi bat martxan jartzea ahalbidetuko du izendapenak. Besteak beste, 2028rako 1.090 etxebizitza eraikitzea aurreikusten da.
Nafarroak iruzurraren aurkako plana onartu du, NaTicket ezarrita
Foru Gobernuak NaTicket izeneko programa aplikatuko du hurrengo hiru urteetan, Euskadiko TicketBAI sistemaren antzekoa, fakturazioa unean-unean kontrolatzeko.
Ryanairrek % 2 murriztuko du Forondako hegaldi kopurua neguan, eta ez du jardungo Santiago, Vigo eta Tenerifeko aireportuetan
Alacant, Brusela, Malaga, Milan, Palma eta Sevillarako hegaldiak ditu Ryanairrek Forondako aireportuan. Doitze-neurri horren ondorioz, milioi bat plaza baino gehiago galduko dira, udako denboraldian galdutako 800.000 plazez gain.
Maderas de Llodiok langileen batzordeari adierazi dio kaleratze kolektiboa ezartzekotan daudela
LAB sindikatuak adierazi duenez, datorren asteartean, hilak 9, bilera bat dute enpresaren zuzendaritzarekin, baina batzordeak eskatu du kaleratze kolektiboaren prozedura berehala bertan behera utz dezaten. Momentuz, ez dakite 151 langileetako zenbati eragingo liokeen neurriak.
Arabako Errioxako ardoak, txakolinak eta sagardoak Mexikora bidaiatu dira, Euskadi globalaren enbaxadore gisa
Amaia Barredo sailburua Mexiko Hirian da 23 euskal upeltegiren ordezkaritzarekin batera, euskal gastronomiaren kalitate eta bikaintasun zigiluarekin merkatu berriak irekitzeko asmoarekin.