Errenta baxuenak Etxebidetik kanpo utzi nahi dituztela salatu du Kaleratzeak Stopek
Eusko Jaurlaritzak errenta baxuenak dituzten familiak Etxebidetik kanpo utzi nahi dituela salatu du Kaleratzeak Stop- Euskadiko Stop Desahucios plataformak. Plataformak dio euskal Gobernua prestatzen ari den proiektuak "nabarmen gogortzen" dituela Etxebizitzaren Euskal Zerbitzuan izena emateko baldintzak eta "Etxebizitzaren Euskal Legeak aurreikusten duen eskubide subjektiboa erabat urratzen" duela.
Komunikabideei igorritako ohar batean, Kaleratzeak Stop plataformak gogoratzen du Eusko Jaurlaritzak orain arte zerabilen "adjudikazio sistema" eredutzat hartu eta "beste administrazio batzuetan erabiltzen hasi behar zirenean", Etxebizitza Sailak "harri eta zur" utzi dituela guztiak eredugarritasun hori lehertu duten "bi bonba" botaz.
Batetik, "Etxebiden izena emateko baldintzak gogortu nahi dituzte, horretarako behar diren gutxieneko diru-sarrerak igoz, bai alokatzeko bai erosteko ere", eta bestetik, "eskubide subjektibo horren arabera onuradun ez diren familia unitateentzat etxebizitza kupoak erreserbatzeak izen-ematearen antzinakotasunak izan beharko lukeen lehentasuna urratzen" duela.
Alokairua dela "errenta baxuena duten familien babes bakarra" gogoratu du Stop Desahucios Euskadi taldeak eta horiei lehen gutxienez 3.000 euro irabaztea eskatzen bazitzaien, orain, proiektu berrian, gutxienez 9.000 irabaztea eskatzen zaiela salatu dute. Eskatzen zaien diru-sarrera minimoa hirukoiztu egin nahi dutela, alegia.
Gainera, plataforma honen iritziz, "Eusko Jaurlaritzak ez du ulertu edo ez du aplikatu nahi etxebizitzaren eskubide subjektiboaren onuradun izatearen kontzeptua. Eskubide subjektibo honen oinarria, hain zuzen ere, izena eman dutenen artean lehentasunak ezartzea da, antzinakotasuna, diru-sarrerak, eta familiako kide kopurua kontuan izanda, eta lehentasun horiek errespetatuz etxebizitza bat ematen zaie eta ezin bada merkatu librean alokatu ahal izateko diru-laguntza nahikoa; baina orain, 250 euro eman nahi dizkiete guztiei, diru-sarrerak, familiako kideak eta alokairuak eurak kontuan izan gabe" salatu dute.
"Etxebizitzarako eskubide subjektibo horren baitan onuradun ez diren familia unitateentzat etxebizitza kupoak erreserbatzea horren guztiaren kontra doa, eta auzitegietan erraz salatzekoa litzateke, Legearen beraren kontra joateagatik. Legea gustuko ez badute, EAJk eta PSEk alda dezatela Legea bera, baina ez diezagutela adarrik jo" ohartarazi du plataformak.
"Jaurlaritzak denbora gehiago ematen du beharrean dauden familia berriei sarbidea oztopatzen, etxebizitza sozial gehiago eraikitzen baino" salatu du Kaleratzeak Stopek publiko egindako oharrean.
Gainera, Babes Ofizialeko Etxebizitza bat erosteko dagoen diru-sarrera muga, 39.000 eurokoa, altuegia dela ere kritikatu dute: "Diru-sarrera horiek dituztenek ez lukete arazorik izan behar merkatu librean alokatzeko edo erosteko". Aitzitik, beheko muga, gutxiengo diru-sarrerena desagertu egin beharko litzatekeela esan du plataformak, uneren batean diru-sarrerak bermatzeko errenta (DSBE) delakoa galtzen badute ere familia horiek.
"Gure esku dauden aukera guztiak erabiliko ditugu proiektu honen kontra egiteko, baita auzitegietara jotzea ere" amaitu dute oharra.
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.