Metaleko sindikatuek beste zortzi greba egun deitu dituzte azarorako eta abendurako
ELA, CCOO, LAB, UGT, ESK, CGT, USO eta CNT sindikatuek grebara deitu dituzte berriro Bizkaiko metalgintzan lanean ari diren 50.000 beharginak. Urtea amaitu bitarte, zortzi greba egun egingo dituzte, Metalgintzako Enpresen Bizkaiko Federazioak (FVEM) "negoziatzeko borondaterik ez" duela ikusita.
Sindikatuon ordezkariek patronalak Bilbon duen egoitzaren aurrean iragarri dutenez, honako egunetan deitu dituzte lanuzteak: azaroaren 28 eta 29rako eta abenduaren 4, 5, 12, 13, 18 eta 19rako.
Greba deialdia goizean erregistratu dute Eusko Jaurlaritzan. Ondoren, FVEMren egoitzara joan dira, "kanpaldi informatiboa" egitera. Arratsaldean, manifestazioa egingo dute Bilbon, Euskadi plazatik abiatuta.
"Lan hitzarmen duina" eskatzeko, 10 greba egun egin dituzte metalgintzako langileek azken hilabeteotan. Negoziazioek ez dute oraingoz fruiturik eman, baina bihar biltzekoa da berriro mahai negoziatzailea. Horrez gain, datorren astean ere beste bi batzar dituzte deituta.
Orain arte lau aldiz bildu dira, baina aurrerapausorik ez
Urrian egindako azken greben ondotik, lau aldiz bildu dira patronala eta sindikatuak. Azken horien arabera, elkarrizketotan ez dute "ia ezer ez" aurreratu, Mikel Etxebarria ELAren ordezkariak salatu duenez.
Etxebarriaren esanetan, batzarrik "txarrena" atzokoa izan zen. FVEMk ez zien sindikatuek egindako proposamenei erantzun eta ez zuen "negoziatzeko borondate txikiena ere" erakutsi. Beraz, greba gehiago deitzeko eta "borrokan jarraitzeko" beste aukerarik ez dutela nabarmendu dute.
Luis Moulia CCOOren ordezkariaren arabera, azken asteotan "bereari eutsi dio patronalak, eta ez du proposamen berririk egin; soldatan eskaintza txiki bat baino ez. Sindikatuok laneko osasuna, aldi baterako lana eta behin-behinekotasuna hobetzeko ere egin ditugu proposamenak".
Mouliaren ustez, FVEMk "denbora irabazi nahi du. Egin dizkiogun proposamen batzuen inguruan erantzun digu ez duela arlo horretan aditurik eta erantzuteko denbora behar duela. Ez da egia, ezta onargarria ere. Zortzi urte daramatzagu lan hitzarmen barik".
Negoziazioetan honako eskaerak egin dituzte sindikatuek: soldatak igotzea galdutako eros-ahalmena berreskuratzeko, azpikontratetan subrogazio eskubidea arautzea, aldi baterako enplegua eta aldi baterako lanerako enpresen erabilera kontrolatzea, lan osasunean aurrerapausoak egitea eta gizon eta emakumeen arteko berdintasuna bermatzea.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.