Pentsioak 1.080 eurora arte osatzeko eskatu diote Nafarroako Parlamentuari
Nafarroako pentsiodunek pentsio baxuak 1.080 eurora arte osatzeko eskatu diote Parlamentu nafarrari, Espainiako Gobernuak gutxieneko pentsioa 1.080 eurokoa dela ezarri arte.
Nafarroako pentsiodunek txosten bat helarazi diote Parlamentuari euren aldarrikapen guztiekin, pentsio duinak edukitzeko helburuarekin, Amona, Oneka, Pentsionistak Martxan eta Sasoiak sustatutako ekimen baten baitan.
Dokumentu hori eraman aurretik, ehunka pentsiodun elkartu dira Udaletxe plazan eta manifestazioa egin dute “lapurrak erakundeetatik kanpora”, “ez da krisia, kapitalismoa da” eta “terrorismoa hile amaierara ez iristea da” oihu artean.
Beste aldarrikapen batzuen artean, pentsiodun nafarrek mendekotasun arreta hobetzea, bakarrik dauden pertsonen etxeko arretarako laguntzak handitzea eta osasun sektoreko itxaron zerrendak murriztea ere eskatu dute.
Lurralde osoan adinekoentzat erresidentzia publiko sarea osatzea eta maila ekonomiko guztietako herritarrek erabiltzeko modua izatea eskatu dute, eta farmaziako koordainketara bideratutako diru-laguntza gehiago izatea.
Era berean, Nafarroako Gobernuak eta energia enpresek egindako akordio egitea eta horri esker energia bonuak banatzea galdegin dute, 1.080 eurotik beherako pentsioa dutenentzat garraio publikoa doakoa izatearekin batera.
Nafarroako Parlamentuaren mugen jabe direnez, gutunean eskatzen dute Espainiako Gobernuari exiji diezaiotela Gizarte Segurantzako aurrekontua Estatuko Aurrekontu Orokorrean sartzea.
Gainera, pentsioak gutxienez KPIren pare igotzea, eta Iraunkortasun Faktorea eta 2011ko eta 2013ko pentsioen erreformen alderdi atzerakoienak bertan behera uztea aldarrikatu dute.
Genero arrakalaren harira, berriz, senideak zaintzeagatik edo seme-alabengatik lana uzten duten emakumeei epe horren kotizazioa ematea eta etxean lan egiten dutenei ere pentsioa aitortzea eskatzen dute.
Pentsiodunek esan dute badakitela aldarrikapenak betetzeko lan erreforma atzera bota behar dela, eta gutxieneko soldata 1.200 eurora igo.
Horretarako, zerga erreforma proposatu dute, iruzurra jazartzea, eta azpiko ekonomia azaleratzea.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.