Datorren urtean EAEko ekonomia % 1,9 haziko dela aurreikusi du Confebaskek
2020. urtean Euskal Autonomia Erkidegoko (EAE) ekonomia % 1,9 haziko dela eta 11.000 lanpostu sortuko direla aurreikusi du Confebask Euskal Enpresaburuen Konfederazioak. Horrenbestez, Barne Produktu Gordina (BPG) eta enplegu sorrera igotzen diren "zazpigarren urtea" izango dela nabarmendu du enpresaburuen elkarteak, izan ere, langabezia-tasa % 9ra iritsiko dela uste du.
Aurreikuspen horien berri eman dute ostiral honetan, Bilbon, Confebaskeko presidente Eduardo Zubiaurrek eta zuzendari nagusi Eduardo Aretxagak. Bide batez, egonkortasun soziopolitikoa, instituzionala eta legegilea ziurtatzeko beharra nabarmendu dute, inbertsioari eta kontsumoari begira "konfiantza sortzeko".
Halaber, EAEko patronalak 2019rako euskal ekonomiaren zenbatespena berrikusi du. Horrela, 2018ko abenduan egindako aurreikuspenen arabera, ekitaldia % 2,5eko hazkundearekin eta 14.000 enplegu berrirekin bukatu behar zen, baina, azkenean, ekitaldia ixtean, ekonomiaren hazkundea % 2,2koa izango da eta 13.200 lanpostu sortuko dira (iazko abenduko aurreikuspena baino 800 lanpostu gutxiago).
Bilakaera horren ondorioz, Confebaskek zenbatetsi du langabezia tasa % 9,5era jaitsiko dela urtea amaitzean Euskadun, datu hori % 7,5ekoa izango zela aurreikusi zuen arren. Dena dela, 2008tik izandako langabezia tasarik baxuena eta 2018 amaitzean erregistratutakoa baino zortzi hamarren txikiagoa izango da.
Euskal patronaleko bi zuzendariek azaldu dutenez, aldaketa hori "ez da enpleguak behera egin duelako gertatu, jarduera-tasak gora egin duelako baizik; izan ere, gero eta pertsona gehiago ari dira enplegua aktiboki bilatzen".
Urte honetarako aurreikusitako dezelerazio arinaren gakoak "barne eskari ahulagoa eta industriaren jarduera txikiagoa dira, eta, hala ere, 2019an bosgarren urtez jarraian haziko da".
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.