Perez San Roman eraikuntza enpresak azpikontratatutako behargin bat hil da Gasteizen
Langile bat hil da Gasteizen, eraikuntza sektorean, ELA sindikatuak ohar baten bidez aurreratu duenez. Ezbeharra asteazkenean gertatu zen. Behargina larri zauritu eta egun bat beranduago hil egin zen ospitalean, istripuak eragindako lesio larrien ondorioz.
Perez San Roman enpresaren obra batean lanean zebilen langile azpikontratatua, oraindik argitzeke dauden arrazoiak medio, hil egin zen.
Errege atea kaleko eraikuntza batean gertatu zen ezbeharra. Osalaneko teknikari bat ostiral honetan bertaratu da, istripuaren inguruabarrak ikertzeko; izan ere, ez zen lekukorik izan. Lankideek biktima lurrean, konorterik gabe, aurkitu eta abisua eman zuten, Osalanek zehaztu duenez.
CCOO sindikatuak erantsi duenez, gizon bilbotarra Estructuras Metalicas Frutos enpresako langilea zen, baina Perez San Roman eraikuntza konpainiarentzat ari zen lanean. Sindikatuko iturriek azaldu dutenez, "behargina soldatzen ari zen eskailera batean igota", baina honen inguruko bertsio kontraesankorrak eman dituzte.
Horrela, langilea eskailera batean igota soldadura egiten ari zenik ukatu dute Estructuras Metalicas Frutos enpresako iturriek, eta gertatutakoa ikertzen ari direla gaineratu dute.
Gertatutakoaren berri izan ondoren, lan-istripuak salatzeko adierazpen instituzionala egiteko proposamena aurkeztu du EH Bilduk Arabako Batzar Nagusietan, 2020 "zorigaiztoko urtea" izaten ari delako.
Urtea hasi denetik 12 behargin hil dira (gehi desagertutako bi langile) lan-istripuan. "Eraikuntza sektorea, zoritxarrez, ezbehar-tasa altuko sektorea da eta hau lan-baldintza geroz eta prekarioagoen isla argia da", salatu du sindikatu abertzaleak.
"Egoera larri honen aurrean, langileen osasuna eta bizitzaren kontura kostuak aurreztea beste helbururik ez duen era honetako gehiegizko jardueren kontrako berehalako neurri publikoak", eskatu ditu ELAk.
ELAk bere "babes eta elkartasuna" adierazi die hildakoaren senitarteko eta hurbilekoei. "Urtero 50 pertsona baino gehiagoren heriotza eragiten duen lakra" honen aurka mobilizatzeko dei egin du.
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.