Murgako hondakin enpresako "lan baldintza negargarriak" salatu dituzte
Sindikatuek Murgako (Aiara, Araba) hondakin enpresan "lan-baldintza negargarriak" direla salatu dute. Gogorarazi dute astelehenean langile bat hil zela erreten bat aldatzen ari zenean, eta uste dute ez dela zentzuzkoa birziklapen lantegiko behargin bat lan horietan aritzea.
Ezbeharra astelehen arratsaldean gertatu zen, Zorroza Hondakin kudeaketa enpresan. 30 urteko langilea, jatorriz senegaldarra zena, 4 metrotik behera erori zen, eta Gurutzetako Ospitalera eraman bazuten ere, hil egin zen.
Gaur eguerdian, ELA, LAB, Steilas, EHNE eta Hiru sindikatuetako ordezkariek elkarretaratzea egin dute enpresaren parean, eta CCOOk Arabako patronalaren egoitzara eraman du protesta "Lan istripu gehiagorik ez" lelopean.
LABek prentsa-ohar batean azaldu duenez, langilearen heriotzak enpresako langileek pairatzen dituzten "lan-baldintza negargarriak utzi ditu agerian". Izan ere, "nahitaezko 10 orduko lanaldiak", soldata "oso baxuak" eta lan erritmo "oso altuak" omen dituzte. Gainera, "langileek behar duten babes ekipamendurik ere ez" omen du ematen enpresak.
Lantegiko garbitasuna ere ez dutela zaintzen, eta beharginek "lan-arriskuei buruzko trebakuntzarik" ez dutela jasotzen salatu dute. LABek zehaztu du enpresaren "gerentziatik" tratu txarrak ematen dizkietela langileei, eta "eraso fisikoren bat ere" jasan dutela.
Gaur arratsaldean manifestazioa egingo dute Amurrion lan-istripuen aurka.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.