Lan-erregulazioko 4.000 plan baino gehiago aurkeztu dituzte Hego Euskal Herrian
EAEko 3.382 enpresak aldi baterako erregulazio planak aurkeztu dituzte, koronabirusak eragindako krisiaren ondorioz. Honenbestez, osteguneko zenbatekoa (1.365) bikoiztu egin da.
Gainera, Nafarroako konpainiek mila bat lan-erregulazioko espediente aurkeztu dituzte astebete eskasean. Foru Gobernuaren esanetan, "eragina ikaragarria izango da". Mila horietatik 300 baino ez dituzte kudeatu, eta 5.000 behargini eragingo diete.
Eusko Jaurlaritzako Lan Saileko iturriek jakitera eman dutenez, iragan astelehenetik aurkeztutako erregulazio planek 28.846 langileri eragiten diete (ostegunean 15.080ri).
Espediente kopururik handiena Bizkaian aurkeztu dute 2.029 (atzo 876), 17.823 langile kaltetu. Gipuzkoan, 868 (ostegunean 296) plan aurkeztu dituzte dagoeneko, eta 5.947 behargini eragingo diete, eta Araban 485 (193) espediente zenbatu dituzte jadanik, 5.076 langile tartean.
Hain zuzen ere, ostiral honetan EAEko lantegirik handienak, Gasteizko Mercedes-Benz fabrikak, aldi baterako erregulazio plana aurkezteko asmoa iragarri die beharginei, nahiz eta oraindik zenbat langileri eragingo dien ez zehaztu. 5.000 pertsona ari dira lanean, Arabako hiriburuko lantegian.
Espedienteak aurkeztu eta onartzeko modu eta oinarrizko irizpideak jasotzen dituen dokumentu bat igorri die Lan Sailak gizarte eragileei. Ezinbesteak bultzatutako arrazoi bezala, besteak beste, jardueraren etetea, lokalak aldi baterako ixtea eta pertsona zein salgaien mugikortasuna murriztea aipatzen ditu.
Era berean, langileak kutsatzea edo isolamendu prebentiboa zerrendatzen ditu agiriak, baita hornidura faltak enpresaren jarduera eragoztea ere.
Foru Erkidegoan, Jose Maria Aierdi presidenteordeak (Manu Ayerdi kontseilariaren ordezkoa, koronabirusarekin gaixorik baitago) azaldu duenez, zenbatekoa ikusita ondorio ekonomiko latzak aurreikusten dituzte; izan ere, 2012an, krisi ekonomikoaren urterik kaskarrenean, aste honetan baino erregulazio plan gutxiago aurkeztu zituzten.
"Izurriteak jarduera gelditu izanaren ondorio dira lan-erregulazioko plan gehienak, baina jarraipen bat egingo dugu", ziurtatu du presidenteordeak. Enpresek "ezinbesteak bultzatuta" eskatu dutela egiaztatuko dutela ohartarazi du Aierdik.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.