Enpresentzako abalen lehen zatia onartu du Espainiako Gobernuak, 20.000 milioirekin
Espainiako Gobernuak abal publikoen lehen zatia onartu du, 20.000 milioirekin, finantza-erakundeek koronabirusaren krisiak kaltetutako enpresei eta autonomoei beharrezko likidezia ematea helburu.
Neurriak atzeraeraginezko izaera izango du, martxoaren 18tik; izan ere, egun horretan sartu ziren indarrean Espainiako Gobernuaren neurri ekonomikoak. Mailegu berriak ematea bermatuko dute, eta berritze guztiek finantza-erakundeak emandako iraunaldia berdinduko dute; maximoa 5 urtekoa izango da.
Abalen lehen zati hau 100.000 milioi euroko linea baten barnean kokatzen da. Autonomoentzako eta enpresa txiki eta ertainentzako mailegu berrien eta berritzeen % 80 babestuko ditu; hain zuzen ere, lehen zati honetako erdia horretarako erabiliko dute. Horrez gain, gainerako enpresen mailegu berrien % 70 bermatuko dituzte, eta % 60 horien berritzeetan.
"Enpresekin, langile autonomoekin eta enpresa txiki eta ertainekin dugun konpromisoa betetzen dugu, horrela, produkzio-jarduera eta enplegua babestuko dituen likidezia-sistema abiatuz", zehaztu du Maria Jesus Montero Espainiako Gobernuko bozeramaile eta Ogasun ministroak, Ministroen Kontseiluaren osteko prentsaurrekoan.
Kreditu Ofizialeko Institutuak kudeatuko du, eta baldintza bakarra izango du
Linea hau Kreditu Ofizialeko Institutuak kudeatuko du, finantza-erakundeekin batera. Azken horiek hartuko dute euren gain abalaren kostua: 20-120 oinarrizko puntu bitartekoa izango da.
Berme hau eskuratu ahal izateko baldintza bakarra da eskatzaileak ez egotea berankortasun-egoeran 2019ko abenduaren 31n eta hartzekodunen konkurtsoan 2020ko martxoaren 17an. Interesa duten enpresek eta autonomoek 2020ko irailaren 30era arte izango dute euren eragiketerako bermea eskatzeko aukera; Kreditu Ofizialeko Institutuak lankidetza-akordioak hitzartu ditu hainbat finantza-erakunderekin, eta horietako batera jo beharko dute.
Monterok azaldu duenez, likidezia-linea honek balio izango du enpresariek finantza-beharrei aurre egitea; besteak beste, soldatak, fakturak edo behar zirkulatzaileak ordaintzeko, bai eta finantza- edo zerga-obligazioen epemugak ordaintzeko ere.
Espainiako Gobernuko ministro bozeramaileak zehaztu duenez, lehen zati hau agortu aurretik, modu automatikoan sartuko dira indarrean gainerako kopuruak, agindutako 100.000 milioiak bete arte. Nolanahi ere, eskariagatik edo merkatuaren egoeragatik erabakitzen badute baldintzetan doikuntzaren bat egin behar dela, aztertuko lukete.
"Horrek esan nahi du bankuen arrisku-batzordeek, noski, erraztasun handiagoa izango dutela mailegu-linea horiek emateko; horrela, likidezia ekoizpen-ehunaren toki guztietara iritsiko da", gehitu du.
Monterok ziurtatu du bankuak oso prest izan direla krisi-egoera honetan laguntza emateko; haren iritziz, bankuak arduratsuak izango dira, eta guztiei emango diete aukera laguntza hauek eskuratzeko.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.