Funtsezkoa ez den guztia gelditzeko eskatu dute berriro ELAk eta LABek
Joan den igandean oinarrizkoak ez diren jarduera ekonomiko guztiak gelditzeko agindua eman zuen Espainiako Gobernuak. Alabaina, gaur, atzera egin du eta industria elektrointentsiboak martxan jarraituko duela zehaztu du.
ELA eta LAB sindikatuek gogor kritikatu dute Pedro Sanchezen Gobernuaren azken erabakia eta funtsezkoa ez den jarduera guztia eteteko eskatu dute enegarrenez.
"Ez dugu onartuko egoera dramatiko honetan beharrezkoak ez diren sektoreak martxan egotea", adierazi du ELAk ohar batean.
Espainiako Gobernuak atzera egin badu, Eusko Jaurlaritzak eta Confebaskek "presio" egin diotelako dela ziur agertu da sindikatua. Iñigo Urkulluren Gobernuak publikoki adierazi du egunotan eraikuntza eta industria sektoreetako enpresak irekita mantentzearen aldekoa dela eta patronalak kritika zorrotza egin dizkio Sanchezen Exekutiboari dena gelditzeko erabakia hartzeagatik.
Gauzak horrela, ELAk uste du Espainiako Gobernuak "jarduera ekonomikoa osasun publikoaren gainetik jartzen dutenek egindako presioaren aurrean amore eman" duela.
Industria Ministerioak gaur arratsaldean zabaldutako oharra "interpretaziozkoa" dela eta Lege Dekretuak esandakoa ordezkatzen ez duela azpimarratu du.
ELAk erantsi du zenbait enpresa irekita mantentzea uler dezakeela, baina betiere sindikatuekin adostuta eta langileen osasuna bermatzea lehenetsita.
Bestalde, LABek salatu du hainbat enpresaburu "zirrikituak bilatzen" ari direla lantegiak irekita mantentzeko, "funtsezko jarduerak izan ez arren".
"Espainiako Gobernuak orain egin duen zehaztapen berriarekin, igandean iragarritako dekretuaren interpretazio irekia egiteko aukera egongo da eta, ondorioz, enpresariek nahi dutena egiteko aukera izango dute", ohartarazi du.
Nolanahi ere, zentralak uste du gaurko oharrak ez duela balio juridikorik, dekretua indarrean dagoelako eta lege horrek oinarrizkoa ez den jarduera etetea agintzen duelako.
"Anbiguotasuna eta iruzur saiakerak alboan uzteko eta behingoz langileen eta herritarren osasuna erdigunean jartze dezatela exijitzen dugu", dio LABek bere oharrean.
Kasu positiboak industrian
Bestalde, ELAk jakinarazi du Gasteizko Mercedes lantegian 47 koroanbirus kasu antzeman dituztela, eta beste bost gehiago Tubos Reunidos enpresan.
Halaber, ondoko konpainiatan ere hainbat langile gaixotu direla erantsi du: Equipos de transmisión, Detesa, Olan, CEVA Mercedes, DHL Mercedes eta Guardian Llodio.
Koronabirus kasuak agertu diren beste enpresa batzuk ere aipatu ditu ELAk, besteak beste: ITP Aero, Vicrila, Campezo, Teknia Elorrio, Cemosa Atxondo, MFS Trapaga, Fibertecnic Grupo Aernnova, Bruss, Sidenor, Thyssen Andoain, Petronor, Tamoin contrata de Petronor, UTE Goierrialdea, Naipes Fournier, Astar Sondika, Vicinay Sestao eta Konika Mikolta.
Dekretua ez betetzeko iruzurrak
Horrez gain, LABek salatu du enpresari asko lege-dekretua ez betetzeko eta lantegiak martxan mantentzeko zirrikituak bilatzen ari direla.
Ildo horretan, funtsezkoak ez direlako itxita egon beharko ziren, baina, hala ere, jarduerarekin normaltasunez jarraitzen duten zenbait enpresa aipatu ditu: Domiberia, Aludium, Mecanizados Osatu eta ITPAero.
"Aludiumen, esaterako, oinarrizko ekoizpena % 10ekoa da, baina zuzendaritzak % 75 ekoiztera behartu nahi ditu langileak", ohartarazi du.
Zure interesekoa izan daiteke
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.
Talgo eta Sidenor, euskal industriaren bi erraldoi
Lehenengoa erreferentea da tren-sektorean; bigarrena, berriz, liderra da siderurgian.
Sidenor buru duen partzuergoak Talgoren % 29,76ren erosketa itxi du 156 milioiren truke
Balore Merkatuaren Batzorde Nazionalak (CNMV) behin-behinean eten du Talgoren kotizazioa, Sidenorrek gidatutako partzuergoak Pegasorekin sinatutako akzioen salerosketa-kontratua sinatu ondoren. Eragiketak otsailean lortutako aurreakordioa berretsi du, eta erosketaren azken faseari ekin dio.
Bizkaiko hegoaldeko trenbide-saihesbidearen obrak urtea amaitu baino lehen hasiko dira
Eusko Jaurlaritzako Mugikortasun Jasangarriaren sailburu Susana Garcia Chuecak azaldu duenez, obrak amaitutakoan merkantzia-trenek ez dute Santurtzi, Portugalete, Sestao eta Barakaldo zeharkatu beharko. "Aldiriko trenek bakarrik zirkulatuko dute, iberiar zabalera baitute trenbide horiek", gaineratu du.
Angula-arrantza denboraldia hastear, Bizkaiko eta Gipuzkoako arrantzaleak lehorrean
Eusko Jaurlaritzak bertan behera utzi du aurtengo angularen arrantza-kanpaina, espeziea galtzear dagoela argudiatuta. Hala, urtebetean, gutxienez, ezingo da angularik harrapatu Bizkaiko eta Gipuzkoako ibaietan. Euskadiko Anguleroen Elkarteak salatu du Europa osoan arrantzatuko dutela angula, Euskal Autonomia Erkidegoan izan ezik.
“Ipar Euskal Herrian, Asturiasen, Kantabrian… Europa osoan ari dira angula arrantzatzen, EAEn izan ezik”
Angula denboraldia hastear den honetan, Gipuzkoako eta Bizkaiko arrantzaleek ezin izango dute angula arrantzatu, Jaurlaritzaren debekua dela eta. Unai Eizagirre Anguleroen Elkartearen lehendakariak onartu du angularen egoera ez dela ona, baina kritikatu du debekua Euskal Autonomia Erkidegoan soilik ezarri dela, eta, bien bitartean, Asturiasen, Galizian... angula arrantzatzen ari direla. Eurak soluzioaren parte direla nabarmendu dute, eta, Frantziako eredua jarri dute mahai gainean.
Gobernantza Sailak 167,5 milioi bideratuko ditu 2026an Administrazioa arinagoa izan dadin
Gainera, Ubarretxena sailburuak iragarri duenez, Eusko Jaurlaritzak 2023, 2024 eta 2025eko Lan Eskaintza Publikoak batuko ditu, eta guztira 1.700 plaza aterako ditu Administrazio Orokorrean, baina ez da deialdi bakarra egingo, eskalen arabera deituko dira.
Eusko Jaurlaritzak 8 ikuskatzaile gehiago kontratatuko ditu etxebizitza turistikoen gaineko kontrola areagotzeko
Javier Hurtado Turismo, Merkataritza eta Kontsumoko sailburuak bere sailari dagokion datorren urteko aurrekontu-proiektua aurkeztu du Eusko Legebiltzarrean. Guztira, 56,5 milioi euroko aurrekontua izango du, aurten baino % 2 gutxiago.
Mikel Jauregi: "Hidrogeno berdeak menpekotasuna galtzea ekarriko digu"
Industria, Trantsizio Energetiko eta Jasangarritasuneko sailburuak "Egun On" saioan adierazi duenez, "garai batean Errusiarekiko genuen menpekotasuna amaitu da, baina, orain, Ipar Amerikarekiko menpekotasuna sortzen ari gara". "Egin dezagun europar energia bat", gaineratu du sailburuak
Bruselak Lisboa eta Paris arteko AHTrako epeak azkartu ditu, eta Eusko Jaurlaritza proiektuaren bultzadarekin bat dator
Imanol Pradales lehendakaria Apostolos Tzitzikostas Europako Garraio komisarioarekin bildu zen urtarrilean, eta orain Abiadura Handiko Trena Iparraldera eta Frantziara bultzatzeko hartutako konpromisoak aurrera doazela egiaztatu du.