Aldi baterako lan-erregulazioa onartu dute Nafarroako Volkswagenen
Nafarroako Volkswagenek martxoaren 26an "ezinbesteko arrazoiak" argudiatuta proposatutako aldi baterako lan-erregulazioa egiteko eskaera onartu du Nafarroako Gobernuak asteazken honetan.
Hala jasotzen da Landabengo lantegiko zuzendaritzak langileei helarazitako oharrean. Izan ere, Foru Gobernuko Garapen Ekonomiko eta Enpresarialeko Departamentuak ondorioztatu duenez, "aldi baterako lan-erregulazio eskaera aztertuta egiaztatuta geratu da ezinbesteko arrazoiengatik egin dela; COVID-19 gaitzak eragindako ezohiko egoera honek irauten duen bitartean".
Horrek "langileentzako lasaitasuna" ekarriko duela aitortu du Alfredo Morales langile batzordeko presidenteak. Landabengo lantegian 5.000 behargin inguru daude lanean.
Erabaki horrekin, "langileok laneko segurtasuna eta segurtasun juridikoa dugu, gutxienez egun hauetarako", gaineratu du langile batzordeko presidenteak.
Une honetan, "denok gaude egoerak hobera egiteko zain, hori baita garrantzitsuena", esan du Moralesek, eta enpresa "jarduerara itzultzeko aukera" aztertzen ari dela jakinarazi du. "Lan teknikoa izango litzateke, baina oraindik ez dago horretarako data zehatzik finkatuta", gaineratu du.
Nafarroako Volkswagenek hainbat arrazoirengatik jo zuen beharrezkotzat aldi baterako lan-erregulazioa martxan jartzeko eskaera egitea: batetik, ezinezkoa delako ekoizpena martxan jartzea, egun ez baitago langile nahikorik lantegian, eta, bestetik, gaur egun bizi dugun egoera honetan enpresak ezin duelako langileen osasuna bermatu. Testuinguru horretan, enpresak martxoaren 15ean, igandea, eten zuen ohiko jarduera industriala.
Eskaera hori "COVID-19 gaitzaren ondoriozko etenaldiaren akordioan" jaso zen, eta UGT, CCOO, ELA eta CCP sindikatuek (ordezkaritzaren % 83) babestu zuten. LABek eta CGTk, aldiz, ez zuten erabaki hori babestu.
Akordioak jasotzen duenez, sinatzaileek "enpresari babesa emango diote dagozkion erakundeen aurrean, aldi baterako lan-erregulazioa onartzeko eta ondoren ezartzeko"; "espediente horren aplikazio-baldintzak martxoaren 6ko bileran erabakitakoak izango dira, 2018an adostutako aldi baterako lan-erregulazioaren ondorio direnak", erantsi dute.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.