Europar Batasunak Marshall Plan bat behar du, "berehala", Von der Leyenen ustez
Koronabirusaren pandemiak eragindako krisiari aurre egiteko Europar Batasunak 'Marshal Plan' bat "berehala" behar duela defendatu du ostegun honetan Ursula von der Leyen Europako Batzordeko presidenteak. Honen harian, datozen zazpi urtetarako aurrekontua da, Von der Leyenen iritziz, premia horri erantzuteko dagoen "tresna bakarra". Aurrekontua negoziatzeke dago oraindik.
"Europako aurrekontua izango da errekuperazioaren bandera-ontzia eta horregatik datozen zazpi urteetakoa ezberdina izan behar du", ohartarazi du politikari alemaniarrak Europako Parlamentuan egindako ez ohiko bileran.
Europako gobernuko arduradun nagusia Charles Michel Europako Kontseiluko presidentearekin ari da aurrekontuaren zirriborro berria prentsatzen, 2021-2027 eperako. Aurrekontu horrekin pandemiak eragindako krisia gainditzea da helburua. Aurreikuspenen arabera, Europako agintariek aurrekontu hori eztabaidatuko dute datorren ostegunean egingo duten gailur telematikoan.
"Europako aurrekontuaren indarra erabiliko dugu koronabirusaren ostean Merkatu Bakarra berreraikitzeko behar dugun inbertsio erraldoia bultzatzeko", esan du Von der Leyenek eurodiputatuen aurrean. Ondoren, ahalegina hasieran egitea eskatu du, lehen urteetako inbertsioei bultzada emateko.
"Krisi ezberdina"
Von der Leyenek azpimarratu egin du krisi hau "ezberdina dela, besteekin alderatuta" "bideragarriak diren enpresei" ere eragiten dielako. Horren aurrean, konponbide “berriztatzaileak” aplikatzearen alde egin du inbertsio publiko eta pribatu “erraldoiak” desblokeatzeko palanka gisa erabiltzeko.
Emaitza, azaldu duenez, “erresilentzian, ekologian eta digitalizazioan” oinarritutako Europa izango da, industria eta ekonomia babesten dituena, eta “errealitate berri” bati erantzuteko prest egongo dena, Itun Berdea eta Agenda Digitala albo batera utzi barik.
Zatiketak atzean utzi
"Mundu berri honetan, Europak bateratuta jarraitu beharko du, oztopoak oztopo", esan du presidenteak. Horrekin lotuta, Estatu kideei "antzinako zatiketak, eztabaidak eta aurpegiratzeak" atzean uzteko eskatu die. "Jarrera immobilistak atzean uzteko garaia da", gaineratu du.
Gainera, Von der Leyenek Estatu kideek Italian lehen kasuak agertu zirenean eta pandemia Europara iritsi zela ikusi zenean erakutsitako koordinazio eta elkartasun falta kritikatu ditu.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.