2020ko krisiak 29koak "baino ondorio larriagoak" izango ditu, NDFren aburuz
Kristalina Georgieva Nazioarteko Diru Funtseko (NDF) zuzendari kudeatzaileak adierazi duenez, "ondorio ekonomiko larriagoak" izango ditu koronabirusak sortutako krisiak 30eko hamarkadan izan zen Depresio Handiak baino.
Washingtonen egindako agerraldi batean, datorren asteko Udaberriko Bileren aurretik, Georgievak azpimarratu du krisia ezin izango dela "beste ezerekin parekatu" eta nabarmendu du "gizateriarentzat proba" bat dela.
"Aurretik inoiz bizi ez izandako krisi bati aurre egiten ari gara. Covid-19ak argiaren abiaduran eta ezagutzen ez genuen mailan aldatu du gure orden sozial eta ekonomikoa", ziurtatu du bulgariarrak.
NDFk bere aurreikuspen ekonomikoen berri emango du datorren astean. Bi urtean behin Munduko Perspektiba Ekonomikoa txostena aurkezten du, eta aurreratu du aurtengo zuzenketa erabat negatiboa izango dela. Duela hiru hilabete eskas, NDFk mundu osoko 160 herrialde inguruko diru-sarreren per capitak gora egitea aurreikusita zeukan; orain, berriz, 170 estatuetan behera egitea aurreikusi du.
"Guztiok (gizabanakoek, gobernuek, enpresek, lider komunitarioek eta nazioarteko erakundeek) erabakitasunez eta modu bateratuan jarduteko erabakia hartu behar dugu, bizitzak eta bitartekoak babesteko. NDF egungo egoerari aurre egiteko sortu zen: komunitate globalaren indarra martxan jartzeko gaude hemen, ahulenak babesteko eta ekonomia biziberritzeko", azaldu du Georgievak.
NDFko zuzendari gerenteak ohartarazi du, halaber, diru-sarrera txikiko herrialdeak are ahulagoak direla egungo krisiari aurre egiteko, haien osasun-sistemen ahuleziagatik eta eskura dituzten baliabide eskasengatik. NDFren kalkuluen arabera, azken bi hilabeteetan, gorabidean dauden herrialdeek 100.000 milioi dolarreko (92.063 milioi euro) kapital-ihesak izan dituzte.
Era berean, Georgievak azaldu du krisia hasi zenetik mundu osoko herrialdeek zortzi bilioi dolarreko (7,36 bilioi euro) zerga-neurriak onartu dituztela.
Zure interesekoa izan daiteke
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELA, LAB eta ESK sindikatuek, grebarekin jarraitzearen aldekoek, bozketaren zilegitasuna zalantzan jarri dute.
Tentsioa Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.