Jaurlaritzak 4,9 milioi euro bideratuko ditu baliabiderik gabeko familiei laguntzeko
Eusko Jaurlaritzak hamar bat programa jarriko ditu abian, koronabirusaren pandemiaren ondorioz pobrezia egoeran dauden herritarrei laguntzeko asmoz. Guztira, 10 milioi euro bideratuko ditu eta 10.000 pertsona baino gehiagori lagunduko dietela kalkulatu dute.
Jaurlaritzak astearte honetan onartuko ditu ekimen horiek, baina Beatriz Artolazabal Enplegu eta Gizarte Politikako sailburuak agerraldia egin du gaur goizean, programa horietako batzuen xehetasunak azaltzeko.
Plan horiek guztiak "Inor Atzean Utzi Gabe" funtsaren baitan kokatzen direla eta COVID-19aren ondorioz premiazko beharrizanak areagotu zaizkien herritarrei laguntzeko asmoz egin direla azpimarratu du Artolazabalek.
Laguntza horiek jasoko dituzte, besteak beste, etxerik gabeko pertsonek, adinekoek, arriskuan dauden adin txikikoek, buruko gaitzak dituzten pertsonek edota adikzioak dauzkaten lagunek. Aipatu programak 50 erakunderen, 200 profesionalen eta 1.000 boluntarioren parte-hartzearekin burutu ditu Jaurlaritzak.
Nobedadeen artean, diru-sarrerak bermatzeko errenta jasotzen ez duten baliabiderik gabeko familiei zuzendutako laguntzak iragarri dituzte. "Azken Sarea Indartzen" ekimenak 4,9 milioi euroko aurrekontua izango du eta emergentzia sozialerako laguntzak osatzeko erabiliko da, familiek oinarrizko beharrizanak ase ditzaten.
Neurri horrekin, Caritas, Sidalava, Amuge eta Bizitegi bezalako erakundeek familiei eta norbanakoei laguntzak aurreratzeko moduan egongo dira.
Koronabirusak jota hil diren pertsonen senideei laguntza psikologikoa eskainiko zaie eta "Agintzari" eta "3+D" bezalako erakundeen bidez eta horretarako 303.000 euro bideratuko ditu Jaurlaritzak.
"Aterpeak" programak etxerik ez duten pertsonei laguntzea du helburu. Jaurlaritzak 390.000 euroko aurrekontua onartuko du Caritasek edo Gurutze Gorriak egin asmo horretan egiten duten lana finantzatzeko.
Adin txikikoei arreta berezia eskaintzen zaie plan guztian eta orain 375.000 euroko beste programa bat onartuko dute bazterketa arriskuan dauden umeei errefortzu eskolak Internet bidez emateko.
"Erdu" programaren bidez, drogamenpekotasuna edo buruko azaroak dituzten pertsonei zuzendutako laguntza eskainiko dute, besteak beste, konfinamendu garaian gatazkak ekiditeko edo sendagaiak etxera bildatzeko. Aurrekontua 375.000 eurokoa izango da.
Artolazabalek zehaztu du programa guztiek atzeraeraginezko izaera izango dutela eta, beraz, pandemiaren hasieratik abendura bitarteko epea hartzen duela. Halaber, 10 milioiko aurrekontu hori aurrerantzean sor daitezkeen beharrizan berriei aurre egiteko erabiltzeko aukera irekita dagoela erantsi du.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.