Siemens Gamesak 2021ean marjina positiboetara itzultzea aurreikusi du
Siemens Gamesak 2021ean marjina positiboetara itzultzea aurreikusi du. Hala, 2020ko galeretatik irtetea lortuko luke, baita 10.200 eta 11.200 milioi euro artean fakturatzea ere, ekitaldi honetarako aurreikusitako 9.500 edo 10.000 milioien aldean.
Bestalde, 2023tik aurrera, gutxienez, irabazi garbiaren % 25 akziodunen artean banatzea aurreikusi du; beraz, egun aplikatzen den dibidendu-politika bera aplikatuko du. Hala azaltzen du inbertitzailearen egunaren harira Balore Merkatuaren Batzorde Nazionalari (CNMV) bidalitako aurkezpenak. Aurkezpenean, halere, ez da zehazten aurten dibidendua ordainduko duen ala ez.
Siemens Gamesak 805 milioi euroko galerak izan zituen ekitaldi fiskaleko lehendabiziko bederatzi hilabeteetan (urria-ekaina), COVID-19aren krisiak, Indiako eta Mexikoko merkatuen moteltzeak eta Norvegian zein Suedian izandako proiektuen gainkostuek eraginda. Urtebete lehenago, berriz, 88 milioi euro irabazi zituen.
Uztail amaieran kontuak aurkeztu zituenean, urte amaierako aurreikuspenak moldatu, eta 9.500 eta 10.000 milioi artean fakturatuko zituela aurreikusi zuen; azaroan, aldiz, 10.200-10.600 izango zirela adierazi zuen, eta ustiapen-marjina % 3 eta % 1 arteko negatibo doituarekin amaituko duela adierazi du. Aurreko gidetan, ordea, % 5,5 eta % 7 arteko marjina positiboa aurreikusten zuen.
Ostegun honetan, inbertitzailearen eguna dela-eta Balore Merkatuaren Batzorde Nazionalari (CNMV) igorritako aurkezpenean, Siemens Gamesak aurreratu du 2021erako ustiapen-marjin doitua espero duela,% 3 eta % 5 artekoa, eta % 8 eta % 10 artekoa 2023an.
Errentagarritasunera itzultzeko, COVID-19aren pandemiak eta Europako iparraldeko gainkostuek eragindako ondorioak arindu beharko dira, baita Indian aurreikusitako berregituraketa eta konpainia bultzatzeko abian jarritako Leap programan jasotako neurriak martxan jartzea ere.
Bestalde, 2020-2022 aldian, Siemens Gamesak fakturazioaren % 6 inbertsiora bideratzea aurreikusi du, eta 2023an tasa hori % 5era jaitsiko da.
Aurkezpenaren arabera, ekoizleak produktu berrien garapenean inbertitzeko fokua izango du, bai offshore (itsasoko energia eolikoa), bai onshore (lurreko energia eolikoa).
Gainera, offshore fabrikazio sarearen hedapenean inbertituko du (Taiwan edo Frantziara, adibidez), merkatu berrietan sartzeko ezinbesteko baldintza baita.
Albiste gehiago ekonomia
Jaurlaritzak nabarmendu du turismoak % 5eko hazkunde "iraunkorra" izan duela EAEn
Daniel Solana Basquetour-Turismoaren Euskal Agentziako zuzendariak Radio Euskadin egindako elkarrizketan esan duenez, hazkundea "lasaia eta iraunkorra da, Estatuko edo Europako beste herrialde batzuetan duten masifikaziotik kanpo". 200.000 euskal herritarrek baino gehiagok EAEtik atera gabe pasa dituzte oporrak, eta Loiu-New York konexioak turista estatubatuar gehiago etortzea ekarri du.
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.