Bizkaia Dorreko ekintzailetza zentroa 2022ko lehen hiruhilekoan zabalduko dute
Unai Rementeria Bizkaiko ahaldun nagusiak iragarri duenez, Bizkaiko Dorrean (Bilbo) egongo den Nazioarteko Ekintzailetza Zentroa 2022ko lehen hiruhilekoan zabalduko dute. Rementeriaren esanetan, pandemiak "are beharrezkoago" egin du proiektua eta "batzuen" kritikak deitoratu ditu: "batzuek betiko leloarekin jarraitzen dute, ez dute herri honen proiektu handi bakar bat ere babestu".
Politika Orokorreko osoko bilkura egiten ari dira gaur Bizkaiko Batzar Nagusietan, eta bertan egin du iragarpena Rementeriak. Ahaldun nagusiak defendatu du ekintzailetza zentroa "epe ertain-luzeko proiektua" dela eta "pazientzia eta baliabideak" behar dituela. Rementeriaren arabera, "benetan sinisten dugu proiektu honetan, berrikuntzarik gabe ez baitago aurrera egiten duen gizarterik".
Aldundiak joan den astean jakinarazi zuen Price Waterhouse Coopersen proiektuak, Talent Gardenekin aliatuta, lortu zuela zentroa zuzentzeko eta kudeatzeko zerbitzuak emateko kontratuaren behin-behineko esleipena.
Rementeriak aitortu du Aldundiak "trabak" izan dituela prozesu horretan —lehen esleipena bete gabe geratu zen—, baina "zailtasunak zailtasun, berriro altxatu gara, eta esleipena gardentasun guztiarekin egin dugu".
Bizkaiko ahaldun nagusiak azpimarratu duenez, "konfiantza eta itxaropen handia dugu Bizkaia Dorrean, gaur egungo enpresak indartu eta etorkizunekoak topatzen lagunduko digulakoan gaude. Duela urte batzuk baten batek gaur egungo enpresa handien hazia landatu zuen: Petronor, Euskaltel, CIE, Gestamp. Espero dut dorre horrek etorkizuneko enpresa handi horien hazia landatzea".
Zure interesekoa izan daiteke
Balenciaga ontziolako langileek eta Abu Dhabi Ports talde arabiarrak konpainiaren geroa bermatu dute, soldataren inguruko akordioa erdietsita
Langileekin akordioa lortzea ezinbesteko baldintza zen ontziola erosteko. Adostutakoaren arabera, soldatak % 5 jaitsiko dizkiete beharginei, baina hori onartuta, talde arabiarrak Zumaiako ontziola erosi ahalko du, 11,2 milioi euroren truke.
Eusko Jaurlaritzak "positibotzat" jo du Balenciaga ontziolan lortutako akordioa, eta langileei egindako "esfortzua" eskertu die
Eusko Jaurlaritzako Industria, Trantsizio Energetiko eta Jasangarritasun sailburuak esan duenez, negoziazioan "soka asko tenkatu da, baina ez da inoiz apurtu". Akordioak lan-karga emango die ontziolaren beraren beharginei zein haren menpe dauden lanpostu ez zuzenei.
Zumaiako alkateak zoriondu egin ditu Balenciaga ontziolaren negoziazioan parte hartu duten alde guztiak
Iñaki Ostolaza, Zumaiako alkatea, pozik agertu da akordioarekin eta zorionak eman dizkie Balenciaga ontziolaren negoziazioan parte hartu duten alde guztiei, eta aipamen berezia egin die langileei.
Behiak txertatzen hasi dira Ipar Euskal Herrian, laborarien protesten artean
Izuran lehen 30 behiak txertatu dituzte jada. Albaitariek lan handia dute aurretik, abelburu guztiak erabat babesteko. Bitartean, laborariek protestekin jarraitzen dute, txertaketak garrantzia ez duelakoan. Ezarritako protokoloa bertan behera uzteko eskatzen diete agintariei.
ELAri kalte-ordaina eman beharko dio Tubos Reunidos Threadsek greba eskubidea larriki urratzeagatik
Enpresak greban zeuden langileak plantillako beste langile batzuekin ordezkatu zituela egiaztatu zuen Lan Ikuskaritzak eta EAEko Justizia Auzitegi Nagusiak ondorio hori berretsi du.
CAFeko langile batzordeak eskatu du kontratuak kalitatezko enplegua ekar dezala "langileentzat eta azpikontratentzat"
Mikel Fernandino LAB sindikatuko ordezkariaren esanetan, albistea oso ona da, eskaria "bolumen handikoa" eta "Europakoa" delako.
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.