Arabako Foru Aldundiak defizita udalekin partekatuko du
Ramiro Gonzalez Arabako ahaldun nagusiak "lasaitasun" mezua helarazi nahi izan die gaur Arabako udalei, joan den astean Kontzertu Ekonomikoaren Batzorde Mistoan lortutako akordioaren ondotik. Iragarri duenez, Aldundiak defizita Arabako udalekin partekatuko du, eta "Aldundiaren beraren eta udalen defizit ahalmena bermatuta egongo da".
Arabako Batzar Nagusietako Ogasun, Finantza eta Aurrekontuen Batzordean agerraldia egin du Gonzalezek, Jaurlaritzak eta Espainiako Ogasun Ministerioak lortutako akordioaren inguruko xehetasunak azaltzeko. Itunaren arabera, Arabako, Bizkaiko eta Gipuzkoako aldundiek % 0,9ko zorra izan ahalko dute aurten, eta % 0,8koa, 2021ean.
Defizit hori udalekin partekatzeko asmoa du Aldundiak. Argitu du oraindik ez dutela partekatzeko eredua zehaztu, eta Finantzen Euskal Kontseiluaren bileraren ondotik eta udalen beharren arabera egingo dutela azaldu du.
Gonzalezen hitzetan, "irizpidea da udal bat bera ere ez geratzea bere defizit ahalmenetik behera".
"Mugarria izan da akordioa"
Eusko Jaurlaritzak Espainiako Gobernuarekin lortutako akordioaren garrantzia azpimarratu du Gonzalezek, lehen aldia baita aldundiek zorpetzeko aukera dutena. "Akordioa mugarria da gure finantzan autonomia aitortze aldera", azpimarratu du.
Ildo horretan, esan du joan den astean hitzartutakoak "garai zail hauetan lasaitasuna" ematen duela eta "kaudimena bermatzen" diela aldundiei eta udalei.
"Ulergaitza litzateke gure gizarte politikei eta gure arreta soziosanitarioari ez eustea edo ez indartzea; ulergaitza da Ogasuna egoera berrira ez moldatzea, eta ordaintzeko epeak ez malgutzea. Itxaron ezin duten beharrizanak daude. Ekonomia suspertzeak eta gizarte politikak hobetzeak ezin dute itxaron", defendatu du.
Zure interesekoa izan daiteke
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.