Confebaskek ez etsitzeko deia egin du Korta Sarien banaketan
Eduardo Zubiaurre Confebasken presidenteak "ez etsitzeko" deia egin du koronabirusaren pandemiak eragindako krisiaren aurrean, eta "elkarrekin" gainditzeko konpromisoa agertu dio "herriari".
2000. urtean ETAk hildako enpresariaren omenez banatzen diren Korta Sariak hauentzat izan dira aurtengoan: Jesus Maria Guibelalde, IMATen buru eta fundatzailea; Jose Maria Bergareche, Diario Vascoren presidente eta El Correo egunkariaren kontseilaria; Antton Suquia, Sukia higiezin eta sustatzaile taldearen fundatzailea; eta Jose Luis Larrañaga Sarralle Taldearen fundatzailea.
Ekitaldian, EAEko patronalaren ordezkari gorenak, Zubiaurrek, saritutako enpresarien lana goraipatu du, eta azpimarratu "Joxe Mari Korta guztiontzat eredugarri egin zuten baloreak" biltzen dituztela: "Gizatasuna, enpresari izaera, erabakitzeko gaitasuna, eta arrisku pertsonal eta familiarrak hartzeko ausardia".
Eduardo Zubiaurrek gogorarazi duenez, "zalantza handiko garaiak" bizi dituzte, eta orain "hartzen du garrantzia berezia Euskadiko gizon-emakume enpresarien lan isil eta etengabeak".
Zubiaurrek adierazi duenez, "enpresa lehiakorrik gabe, sortzen duen enplegurik gabe, baina, batez ere, gaur arratsaldean Korta saria jasotzen duten pertsona hauen lan, ikuspegi eta lidertzarik gabe, Euskadi ez zen gaur egun dena izango". "Eta ez genukeen gaur egun dugun erresistentziarik izango. Ez dago ezkortasunerako lekurik, bai, ordea, etengabeko lanerako eta inguru globala etengabe entzuteko", ohartarazi du.
Korta 2020 sarien banaketa ekitaldian, Zubiaurrez gain, Arantxa Tapia Garapen Ekonomikorako, Iraunkortasunerako eta Ingurugirorako sailburua ere izan da, Eduardo Junkera, Iñaki Garcinuñi eta Pascal Gomez Adegiren, Cebeken eta Searen presidenteekin batera, eta Joxe Mari Kortaren senideak eta fundazioko kideak ere bertaratu dira. Sariak erabaki dituen epaimahaiaren presidentea Tapia izan da.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.