"Justizia eta erantzukizunak" eskatu dituzte berriro, hamar hilabete geroago
Eitzagako zabortegian gertatutako luiziarengatik erantzukizunak garbitzea eta “justizia” eskatu du Zaldibar Argitu plataformak berriro igande honetan. Horretarako, mobilizazioak egin dituzte. Hamar hilabete pasa dira lan-istripua gertatu zenetik.
Luiziak Joaquin Beltran eta Alberto Sololuze langileak azpian harrapatu zituen. Sololuzeren gorpuzkiak iragan abuztuan aurkitu zituzten, baina Beltranenak ez dira oraindik agertu.
Plataformako bozeramaileek azaldu dutenez, mobilizazioekin Eitzagako zabortegian gertatutakoa “ez ahaztea” nahi du dute, eta “Joaquin behingoz aurkitzea”. “Lanean jarraitzea eta familiak atseden hartzea nahi dugu”, erantsi dute.
Era berean, “interes pribatuen gainetik herritarren osasuna jartzea” eskatu dute, eta hilabete hauetako guztietako informazio falta salatu dute.
Zentzu horretan, politikariei “aurpegia emateko” eskatu diete, eta “justizia” eta erantzukizunak “pribatuak zein publikoak” garbitzea aldarrikatu dute.
Bozeramaileen hitzetan, “erantzun oso gutxiko eta erantzukizunik gabeko” hamar hilabete izan dira. Zabortegien kudeaketa eredua aldatzea eskatu dute, “berriz berdina gertatzea” nahi ez dutelako.
Ekitaldiak Zalla, Etxebarri, Markina, Zaldibar eta Elgetan
13:00etan lore eskaintza eta elkarretaratzea egin dituzte Zallan, eta ordu berean protesta egin dute Etxebarrin eta Markina-Xemeinen.
Ordu erdi geroago, manifestazioa abiatu da Zaldibarko autobus geltokitik, eta herriko kaleetatik ibilbidea egin du. Azkenik, 19:00etan elkarretaratzea egingo dute Elgetako plazan.
Zure interesekoa izan daiteke
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.
Absentismoa murrizteko negoziazio kolektiboan pizgarriak adostearen alde egin du Cebekek
Bizkaiko patronalak negoziazio kolektiboari "inposiziorik gabe" eta elkarrizketaren aldeko apustuarekin ekiteko deia egin du, eta hitzarmenetan absentismoaren eragina murriztea ahalbidetuko duten akordioak eta pizgarriak (ez dute zertan ekonomikoak izan) sartzea defendatu du.